Skip to main content

"நம்ம கிட்ட இருக்குற ஒரே ஆயுதம்...."- புரட்சி பேசும் 'காலா' ட்ரைலர் 

Published on 28/05/2018 | Edited on 30/05/2018
kaala rajini

 

ரஜினியின் காலா படம் வரும் ஜூன் 7ஆம் தேதி உலகமெங்கும் வெளியாகிறது. இதையடுத்து படத்தின் வெளியீடு தொடர்பான இறுதிக்கட்ட பணிகள் தற்போது விறுவிறுப்பாக நடந்து வரும் நிலையில் 'காலா' படத்தின் டீசர் மற்றும் இசை சமீபத்தில் வெளியாகி ரசிகர்களிடையே நல்ல வரவேற்பை பெற்றது. இதை தொடர்ந்து படத்தின் ட்ரைலர் எப்போது வரும் என்று ரசிகர்கள் ஆவலாக எதிர்பார்த்திருந்த நிலையில் நடிகர் தனுஷ் தனது ட்விட்டர் பக்கத்தில் இன்று இரவு 7 மணிக்கு காலா படத்தின் புதிய ட்ரைலரை வெளியிடவுள்ளதாக அறிவித்திருந்தார்.

 

 


இதற்கிடையே காலா ட்ரைலர் திடீரென்று தாமதமானது. என்ன காரணம் என்று ரசிகர்கள் யோசிக்கையில் ஸ்டெர்லைட் ஆலையை மூடியதை பற்றி ரஜினி பேசிய ஆடியோ வெளியானது. ஏற்கனவே போராட்டங்களில் ரஜினியின் குரல் அழுத்தமாக இல்லை என்று விமர்சிக்கப்பட்ட நிலையில் ஸ்டெர்லைட் மூடியதை பற்றி எதுவும் பேசாமல் காலா ட்ரைலர் வெளியிடப்பட்டால் அதுவும் விமர்சிக்கப்படலாம் என்பதாலேயே இந்த திடீர் மாற்றம் என்று கூறப்படுகிறது. இதையடுத்து மிகுந்த உற்சாகத்தில் இருந்த ரசிகர்கள் பெரிதும் எதிர்பார்க்கப்பட்ட 'காலா' பட ட்ரைலர் சற்றுமுன் வெளியாகி பட்டையை கிளப்பி வருகிறது. 

 

 

 

 

சார்ந்த செய்திகள்

Next Story

'ஒரு மாதத்துக்கு தமிழ்நாடு திரும்ப வாய்ப்பு இல்லை' - ரஜினிகாந்த்  

Published on 16/06/2018 | Edited on 16/06/2018
rajini


பல்வேறு சர்ச்சைகளுக்கு இடையே கடந்த ஜூன் 7ஆம் தேதி வெளியான ரஜினியின் 'காலா' படம் உலகமெங்கும் வெற்றிகரமாக ஓடி வசூல் சாதனைகள் நிகழ்த்தி வருகிறது. இதில் ரஜினி நில உரிமைக்காக போராடுபவராக நடித்துள்ளார். இதையடுத்து ரஜினி தற்போது கார்த்திக் சுப்புராஜ் இயக்கும் புதிய படத்தில் நடித்து வருகிறார். இதற்காக இவர் டார்ஜிலிங் சென்று அங்கு படபிடிப்பில் கலந்துகொண்டு நடித்து வருகிறார். இந்நிலையில் படப்பிடிப்பில் இருந்த ரஜினி அங்குள்ள செய்தியாளர்களிடம் காலா குறித்தும், இப்படத்தை குறித்தும் பேசியபோது... "காலா படம் மிகப்பெரிய வெற்றி பெற்றுள்ளது. நாடு முழுக்க பெரும் வரவேற்புடன் ஓடிக்கொண்டிருக்கிறது. கர்நாடகாவிலும் அந்த மாநில அரசின் ஒத்துழைப்போடு நன்றாக ஓடுகிறது" என்றார். மேலும் தான் ஒரு மாதத்துக்கு தமிழ்நாடு திரும்ப வாய்ப்பு இல்லை என்றும் டார்ஜிலிங் மற்றும் அதன் சுற்று பகுதிகளில் நடைபெறும் படப்பிடிப்பை முடித்த பிறகே சென்னை திரும்ப இருப்பதாகவும் தெரிவித்துள்ளார்.


 

Next Story

'காலா' - விற்கு அதிக கட்டணம் வசூலித்த தியேட்டர்கள் மீது நடவடிக்கை 

Published on 13/06/2018 | Edited on 14/06/2018
kaala


சூப்பர்ஸ்டார் ரஜினி நடிப்பில் கடந்த 7ஆம் தேதி உலகமெங்கும் வெளியான 'காலா' படம் மாபெரும் வெற்றிபெற்று வசூல் சாதனை நிகழ்த்தி வருகிறது. இதற்கிடையே 'காலா' படத்துக்கு கூடுதல் கட்டணம் வசூலிப்பதாக கூறி பொதுநல வழக்கு ஒன்று தொடரப்பட்டது. இதையடுத்து தியேட்டர்களில் டிக்கெட்டுகள் அதிக விலைக்கு விற்பனை செய்யப்படுவதை தடுப்பதற்காக தீவிரமாக கண்காணிக்கப்பட்ட நிலையில் தற்போது இந்த வழக்கு விசாரணை இன்று சென்னை உயர்நீதிமன்ற நீதிபதிகள் முன்பு விசாரணைக்கு வந்தது. அப்போது, காலா படத்துக்கு கூடுதல் கட்டணம், பார்க்கிங் வசூலிக்கும் திரையரங்குகள் மீது நடவடிக்கை எடுக்கும்படி தமிழக அரசுக்கு சென்னை உயர்நீதிமன்றம் அறிவுறுத்தியது. மேலும் நடவடிக்கை எடுக்க தவறும் பட்சத்தில் சட்ட அமலாக்க அமைப்புகள் மீது மக்கள் நம்பிக்கை இழந்து விடுவார்கள் என்று நீதிபதிகள் எச்சரித்து உள்ளனர். இதனால் அதிக கட்டணம் வசூலித்த தியேட்டர்கள் மீது விரைவில் நடவடிக்கை எடுக்கப்படும் என்று எதிர்பார்க்கப்படுகிறது.