Skip to main content

“தம்பி போய் உட்காரு, எங்களுக்கு தெரியும்...பெருசா வந்துட்டாரு..” - சென்ட்ராயனிடம் ஆவேசப்பட்ட கே.ராஜன் 

Published on 22/09/2022 | Edited on 22/09/2022

 

K. Rajan is an angry Sendrayan  Lokal Sarakku Audio Launch

 

யோகிபாபு, நடன இயக்குநர் தினேஷ் மாஸ்டருடன் இணைந்து 'லோக்கல் சரக்கு' என்ற படத்தில் நடித்துள்ளார். இப்படத்தை 'சுறா', 'அழகை மலை' போன்ற படங்களை இயக்கிய ராஜ்குமார் இயக்க, உபாசனா, இமான் அண்ணாச்சி, சென்ட்ராயன் உள்ளிட்டோர் முக்கிய கதாபாத்திரங்களில் நடித்துள்ளனர். 'டிஸ்கவர் ஸ்டுடியோஸ்' சார்பில் இப்படத்தை  தயாரிக்கும் சுவாமிநாதன் ராஜேஷ், படத்திற்கு இசையும் அமைத்திருக்கிறார். 

 

இந்நிலையில் இப்படத்தின் இசை மற்றும் ட்ரைலர் வெளியீட்டு விழா அண்மையில் நடைபெற்றது. இவ்விழா மேடையில் தயாரிப்பாளர் கே.ராஜன் மற்றும் சென்ட்ராயன் இருவரும் காரசாரமாக பேசிக் கொண்ட வீடியோ சமூக வலைதளங்களில் வைரலாகி வருகிறது. முதலில் இவ்விழாவில் பேசிய கே.ராஜன், “தம்பி ராஜேஷுக்கு ஒன்று சொல்லிக் கொள்கிறேன். நீங்கள் இப்போது தயாரிப்பாளராகவும், இசையமைப்பாளராகவும் ஆகிவிட்டீர்கள். ஆனால் இதற்கு அடுத்து நீங்கள் படம் தயாரிக்கக் கூடாது. முதலில் 5 அல்லது 10 படத்துக்கு இசையமைத்து பெரிய ஆள வாங்க. நிறைய சம்பாதியுங்கள்" என்று சொல்லிக்கொண்டிருந்தார். 

 

இதனிடையே குறுக்கிட்ட சென்ட்ராயன், "எங்க தயாரிப்பாளர், அவர் எங்க முதலாளி, அவரு படம் பண்ணத்தான் எங்களுக்கு வேலை கிடைக்கும் என்று கூறினார். இதை பார்த்து ஆவேசமடைந்த தயாரிப்பாளர் கே. ராஜன், "போய் உட்காரு, நாங்க வேற வேலை வாங்கி தருகிறோம். ஆனால் அவரை வேலை இல்லாமல் ஆக்கிட்டாதீங்க. உட்காரு தம்பி, உங்க வேலைக்காக நாங்கள் வெளியே போகணுமா... எங்களுக்கு தெரியும். பெருசா எதிர்ப்பு தெரிவிக்க வந்துட்டாரு. நான் என்ன சொன்னேன், இசையமைப்பாளராக இருந்து படமெடுக்க வந்துட்ட. ஆனால் படம் எடுக்கிறதில் இருக்கும் டார்ச்சர் எங்களுக்கு மட்டும் தான் தெரியும் நடிகர்கள் ஒன்னும் தெரியாது, அதனால்தான் நல்ல சம்பாதிச்சுட்டு படம் எடுக்க வாங்க, அப்போதான் கடன் பிரச்சனையை சமாளிக்க முடியும் என்று சொன்னேன்.  ஆனால் நீங்க  இப்படி இடையில் புகுந்து டிஸ்டர்ப் பண்ணட்றீங்க, அப்படி எல்லாம் பண்ணக்கூடாது, ஏன்னா நான் பலபேரை  டிஸ்டர்ப் போன்றவன்” என தெரிவித்துள்ளார். 

 

 

சார்ந்த செய்திகள்

Next Story

புதிய திரைப்பட நகரம் குறித்து தயாரிப்பாளர் கே.ராஜன் முதல்வருக்கு கோரிக்கை

Published on 10/01/2024 | Edited on 10/01/2024
producer rajan about new film city

எஸ்.ஆர். பிலிம் பேக்ட்ரி சார்பில் ராஜன் தயாரித்து இயக்கியுள்ள படம் ‘இமெயில்’. இப்படத்தில் அசோக்குமார், ராகினி திவிவேதி, ஆதவ் பாலாஜி, ஆர்த்தி ஸ்ரீ உள்ளிட்டோர் முண்ணனி கதாபாத்திரத்தில் நடித்துள்ளனர். இப்படத்தில் மறைந்த நடிகர் மனோபாலா மற்றும் லொள்ளு சபா மனோகர், வனிதாஸ்ரீ உள்ளிட்டோர் முக்கிய வேடங்களிலும் பில்லி முரளி வில்லனாகவும் நடித்துள்ளனர். அவினாஷ் கவாஸ்கர் இப்படத்திற்கு இசையமைக்க திரவுபதி புகழ் ஜுபின் பின்னணி இசை மேற்கொண்டு இருக்கிறார். தமிழ், கன்னடம் என இரு மொழிகளில் இப்படம் தயாராகி உள்ளது. இப்படம் ரிலீஸுக்கு தயாராகி வரும் நிலையில் இப்படத்தின் பிரீ ரிலீஸ் நிகழ்ச்சி நடைபெற்றது.  

இதில் இயக்குநர் கே.பாக்யராஜ், தயாரிப்பாளர்கள் கே.ராஜன், மதுராஜ், நடிகர்கள் அருள்தாஸ், நடிகை வனிதா விஜயகுமார், கோமல் சர்மா, ரத்னா, லொள்ளு சபா மனோகர், சிதம்பரம், ஆரஞ்சு மிட்டாய் பிரபா, முத்துக்குமார், இந்திய தயாரிப்பாளர்கள் சங்க தலைவரும் நிறுவனருமான சாலமன், சமூக சொற்பொழிவாளர் முகிலன், தொழிலதிபர்கள் எஸ்.ஆர் பாபு, ராஜசேகர் உள்ளிட்ட பலர் சிறப்பு விருந்தினர்களாக கலந்து கொண்டனர்.

தயாரிப்பாளர் கே.ராஜன் பேசும்போது, “இதை ஒரு சுமாரான படம் என்று நினைத்து தான் வந்தேன். ஆனால் இங்கே காட்சிகளை பார்த்தபோது ரிச் ஆகவே எடுத்து இருக்கிறார்கள். ஒரு மசாலா படம் குஜாலா இருக்கிறது. இந்த படத்தில் கதாநாயகியாக நடித்துள்ளவர் இங்கே வரவில்லை. கதாநாயகிகள் படத்தை புரமோஷன் பண்ணுவதற்காக மட்டுமல்ல, அவர்களையே புரமோஷன் பண்ணிக் கொள்வதற்காக இது போன்ற நிகழ்ச்சிகளுக்கு வரவேண்டும். வேறு படங்களில் நடித்துக் கொண்டிருப்பதால் வரவில்லை என்றால் அதை ஏற்றுக் கொள்ளலாம். இருந்தாலும் அவர்களையும் கேட்டு இதுபோன்று தேதிகளை முடிவு செய்ய வேண்டும். 

சமீபகாலமாக சின்ன பட்ஜெட்டில் எடுக்கப்பட்ட பல படங்கள் பெரிய படங்களாக மாறி இருக்கின்றன. தரமணி திரைப்பட நகரத்தை மூடியபோது சிறிய படங்கள் எல்லாம் பாண்டிச்சேரிக்கும் பெரிய படங்கள் எல்லாம் ஹைதராபாத்திற்கும் கிளம்பி சென்றனர். அதனால் அவற்றை திறக்க வேண்டும் என்று கலைஞரிடமும் கடந்த வருடம் முதல்வர் மு.க ஸ்டாலினிடமும் கோரிக்கை வைத்தேன். சமீபத்தில் நடைபெற்ற கலைஞரின் நூற்றாண்டு விழாவில் முதல்வர் மு.க ஸ்டாலின்,  பூந்தமல்லி அருகில் 140 ஏக்கரில் 500 கோடி செலவில் திரைப்படம் நகரம் அமைக்கப்படும் என அறிவிப்பு வெளியிட்டு நம்மை மகிழ்ச்சிப்படுத்தியுள்ளார். சிறு முதலீட்டு தயாரிப்பாளர்கள் இதை மனதார வரவேற்கிறோம்.

கடந்த பத்து வருடங்களாகவே தமிழ் சினிமாவில் சிறு முதலீட்டு பட தயாரிப்பாளர்களுக்கு சோதனைகள், கஷ்டங்கள். வேதனைகள் தொடர்ந்து வருகின்றன. இந்த திரைப்பட நகர் உருவாகிவிட்டால், நிச்சயமாக தயாரிப்பு செலவில் ஒரு 40 சதவீதம் மிச்சமாகும். அந்த திரைப்பட நகருக்கு கலைஞரின் பெயரை வைக்க வேண்டும் என கேட்டுக்கொள்கிறேன். விஞ்ஞான வளர்ச்சி வேண்டும். ஆனால் அது உயிரை பறிப்பதாக இருக்கக் கூடாது என்பதுதான் என்னுடைய வேண்டுகோள். இது ஆன்லைன் விளையாட்டில் ஈடுபாடு கொண்டு அந்த மோகத்தில் இருக்கும் நபர்களை நல்வழிப்படுத்தும் படமாக இருக்கும் என நம்புகிறேன்” என்று கூறினார்.

Next Story

“இந்தப்படம் பாடிஷேமிங் பத்தி பேசியுள்ளது” - இவானா

Published on 18/12/2023 | Edited on 18/12/2023
ivana speexh at mathimaran movie event

ஜி.எஸ் சினிமா இன்டர்நேஷனல் தயாரிப்பில் அறிமுக இயக்குநர் மந்திர வீரபாண்டியன் இயக்கத்தில், இவானா, வெங்கட் செங்குட்டுவன் ஆகியோர் நடிப்பில் உருவாகியுள்ள திரைப்படம் ‘மதிமாறன்’. திரில்லர் டிராமாவாக உருவாகியுள்ள இப்படத்தில் ஆராத்யா, எம்.எஸ்.பாஸ்கர், ஆடுகளம் நரேன், பாவா செல்லதுரை, உள்ளிட்ட பலர் முக்கிய கதாபாத்திரங்களில் நடித்துள்ளனர். இப்படம் இம்மாதம் திரைக்கு வரவுள்ள நிலையில், இப்படத்தின் இசை மற்றும் ட்ரைலர் வெளியீட்டு விழா நடைபெற்றது. இந்த விழாவில் படக்குழுவினர் பலரும் கலந்து கொண்டனர். 

இவ்விழாவினில் எம் எஸ் பாஸ்கர் பேசியதாவது, “இது ஒரு நல்ல கதை. நல்ல கேரக்டர். படத்தில் அனைத்து கேரக்டர்களுமே அருமையான பாத்திரங்கள். எனக்கு மந்திரா கதை சொன்னபோதே மிகவும் பிடித்திருந்தது. உணர்வுப்பூர்வமாக மிகவும் எமோஷனலாகத் தான் நிறைய இடத்தில் டயலாக் பேசினேன். என்னை மிகவும் கலங்க வைத்தது இந்தப்படம். தயாரிப்பாளர்கள் மிகச் சிறப்பாக அனைவரையும் உபசரித்தார்கள். ஹீரோ வெங்கட் செங்குட்டுவன் அவ்வளவு அற்புதமாக நடித்துள்ளார். நடித்து விட்டு ஒவ்வொரு ஷாட்டிலும் என்னைக் கேட்டுக்கொண்டே இருப்பார் அவ்வளவு ஆர்வம். உயரத்தில் என்ன இருக்கிறது. எனக்கே முடி கொட்டிய பிறகு தான் வாய்ப்புகள் வந்தது. என்னையும் கிண்டல் செய்துள்ளார்கள். உலகில் சாதனை படைத்த பலர் உருவத்தில் குறைவாக இருந்தவர்கள் தான். அதற்காகக் கவலையே படக்கூடாது. இவனா என் மகளாக நடித்திருக்கிறார். என் மகள் தான் நன்றாக நடித்துள்ளார்” என்றார்.

தயாரிப்பாளர் கே ராஜன் பேசியதாவது, “ஒரு அற்புதமான கதைக்களம். நாயகனுக்காகக் கதை எழுதும் காலத்தில் கதாபாத்திரத்திற்காக நாயகனைத் தேர்வு செய்திருக்கும் இயக்குநர் மந்திராவுக்கு வாழ்த்துகள். பாலாவின் உதவியாளர் மிக தைரியசாலியாக இருக்கும் அவருக்கு வாழ்த்துகள். நாயகன் வெங்கட் உயரம் தான் குறைவு உள்ளம் உயரமானது. உயர்ந்த உள்ளம் கொண்டிருக்கிறார். உயரமாய் இருந்து என்ன பிரயோஜனம், ஒன்றுமில்லை. நம் தமிழ் நாட்டை வளப்படுத்திய அண்ணா உயரம் குன்றியவர். உலகம் போற்றிய அப்துல் கலாம் உயரம் குன்றியவர் தான். அழகென்பது உடலில் அல்ல, அவன் செய்யும் செயலில் இருக்கிறது. படத்தில் டயலாக் எல்லாம் அற்புதம். வாழ்வுக்கு நம்பிக்கையூட்டும் வார்த்தைகள். இந்தப் படத்தைத் தயாரித்திருக்கும் ஜிஎஸ் பிரதர்ஸ் நவீன் சீதாராமன், பாலா சீதாராமன், லெனின் சீதாராமன் மூவருக்கும் என் வாழ்த்துகள். இவர்கள் தமிழ் சினிமாவை வாழ வைக்க வந்துள்ளார்கள். அற்புதமான படைப்பைத் தந்துள்ளார்கள் படம் வெற்றி பெற என் வாழ்த்துகள்” என்றார். 

இவானா பேசியதாவது, “என்னோட டீம் எல்லோரும் சந்தோஷமாக இருப்பார்கள். 3 வருடமாகச் செய்த படம். இப்போது வெளியீட்டுக்குத் தயாராகிவிட்டது. மந்திரா அண்ணாவை நாச்சியார் டைமில் இருந்து தெரியும். அப்போது தொடங்கிய நட்பு, இண்டஸ்ட்ரி பத்தி எனக்கு நிறையச் சொல்லித் தந்தார். என் குடும்பத்திற்கும் நெருக்கமானவர். இந்தக்கதை சொன்னபோது எனக்காக எழுதியதாகச் சொன்னார். இந்தப்படம் பாடிஷேமிங் பத்தி பேசியுள்ளது. தொழில் நுட்ப கலைஞர்கள் அனைவரும் சிறப்பாக பணியாற்றியிருக்கிறார்கள். படம் நன்றாக வந்துள்ளது” என்றார்.