வாரிசு நடிகர் படத்தின் இசையை வெளியிட்ட கே.பாக்யராஜ்!

கிரௌன் பிக்சர்ஸ் தயாரிப்பில் எஸ்.எம்.இப்ராஹிம் வழங்கும் ‘சிதம்பரம் ரெயில்வே கேட்' படத்தின் இறுதிக்கட்ட பணிகள் அனைத்தும் முடிந்து, வரும் பிப்ரவரி 5ஆம் தேதி திரைக்கு வர தயாராக உள்ளது.

தற்போது இப்படத்தின் இசையானது பிரபல இயக்குனர் மற்றும் நடிகர் திரு. பாக்யராஜ் அவர்களால் வெளியிட்டுள்ளது. இப்படத்திற்கு கார்த்திக் ராஜா இசையமைத்துள்ளார். மேலும் இசைஞானி இளையராஜா இப்படத்தில் ஒரு பாடல் பாடியுள்ளார்.

நடிகர் மயில்சாமியின் மகன் அன்பு மயில்சாமியுடன், மாஸ்டர் மகேந்திரன் இணைந்து நடித்துள்ள இப்படத்தில் நீரஜா கதாநாயகியாக நடித்துள்ளார். இரண்டாம் நாயகியாக காயத்ரி நடித்துள்ளார். வில்லன் வேடத்தில் சூப்பர் சுப்புராயன் நடித்துள்ளார். மேலும் ‘லொள்ளு சபா’ மனோகர் மற்றும் ‘பிக்பாஸ்’ டேனியல் ஆகியோர் முக்கியக் கதாபாத்திரத்தில் நடித்துள்ளனர்.