Skip to main content

ரேடியோ ஜாக்கியாகிறார் ஜோதிகா 

Published on 28/02/2018 | Edited on 02/03/2018
jv


நாச்சியார் படத்தின் வெற்றியை தொடர்ந்து நடிகை ஜோதிகா தற்போது மணிரத்தினம் இயக்கத்தில் செக்கச்சிவந்த வானம் படத்தில் நடித்து வருகிறார். இந்நிலையில், ஜோதிகா அடுத்ததாக வித்யா பாலன் நடித்த 'தும்ஹரி சுளு' என்ற ஹிந்தி படத்தின் தமிழ் ரீமேக்கில் நடிக்கிறார். வித்தியாபாலன் நடித்த கதாபாத்திரத்தில் ஜோதிகா நடித்து, ராதா மோகன் இந்தப் படத்தை இயக்குகிறார். மொழி படத்திற்கு பின்னர் இயக்குநர் ராதாமோகன் மற்றும் ஜோதிகா மீண்டும் இணைகின்றனர்.இந்த படத்தில் திருமணமான, நடுத்தர வயதுப் பெண்ணாக ஜோதிகா நடிக்கிறார். அவரின் குறிக்கோளும், ரேடியோ ஜாக்கி ஆகி சாதிப்பதும் தான் படத்தின் கதையாகும். இப்படத்தை பொஃப்டா நிறுவனம் சார்பில் தனஞ்ஜெயன் தயாரிக்கிறார். இது குறித்த அதிகாரபூர்வ அறிவிப்பை நடிகர் சூர்யா தனது டுவிட்டர் பக்கத்தில் வெளியிட்டுள்ளார். இப்படத்தின் படப்பிடிப்பு விரைவில்  தொடங்கும் என்று எதிர்பார்க்கப்படுகிறது. 

சார்ந்த செய்திகள்

Next Story

ஸ்ரீதேவிக்கு அஜித், ஜோதிகாவுக்கு சிம்பு!

Published on 27/08/2018 | Edited on 27/08/2018

'காற்றின் மொழி'... ராதாமோகன் இயக்கத்தில் ஜோதிகா நடித்துவரும் திரைப்படம். ஏற்கனவே 'மொழி' படத்தில் ஜோதிகாவின் பாத்திரம் மிகவும் பேசப்பட்டது, அனைவராலும் பாராட்டப்பட்டது. 'காற்றின் மொழி இசையா...' என்ற பாடலும் மிகப்பெரும் வெற்றி பெற்றது. இத்தகைய கூட்டணி மீண்டும் இணைந்திருப்பதால் இந்தப் படம் குறித்து நல்ல எதிர்பார்ப்புகள் உருவாகியிருக்கின்றன.

 

ajith sridevi

 

 

str jo



இன்னொரு சர்ப்ரைஸாக இந்தப் படத்தில் சிம்பு, நடிகர் சிம்புவாகவே தோன்றுகிறார். ஹிந்தியில் வெற்றி பெற்ற 'தும்ஹாரி சூலு' படத்தின் ரீமேக்தான் இந்தப் படம். அதன்படி ஆர்.ஜேவான ஜோதிகா பேட்டியெடுக்கும் பிரபலம் பாத்திரத்தில் சிம்பு நடித்துள்ளதாகக் கூறப்படுகிறது. இதற்கு முன்பு ஸ்ரீதேவி நடித்த 'இங்கிலிஷ் விங்க்லிஷ்' படத்தில் அஜித் ஒரு கேரக்டரில் நடித்தார். சிறிது நேரமே வந்தாலும் பெரிதும் ரசிக்கப்பட்டது அந்தப் பாத்திரம். அப்படியொரு பாத்திரமாக சிம்புவுக்கு இது அமையும் என்கிறார்கள் காற்றின் மொழி குழுவினர். சிம்புவும் ஜோதிகாவும் இணைந்து ஏற்கனவே மன்மதன், சரவணா ஆகிய படங்களில் நடித்துள்ளனர். 'மன்மதன்' படம் உருவான போது, தான் ஜோதிகாவின் தீவிர ரசிகன், அதனால்தான் அவருடன் நடிக்க விரும்பி மன்மதன் படத்துக்கு அழைத்தேன் என்று கூறினார்.

 

 


இந்தப் படத்திற்கு இசையமைக்கும் ஏ.ஹெச்.காஸிஃப், ஏ.ஆர்.ரஹ்மானின் உறவினர். இவர், பாடகர் சித் ஸ்ரீராம் பாடி யூ-ட்யூபில் பிரபலமாக உள்ள 'போ...போ... என் இதயம் கரைந்து' என்ற பாடலை உருவாக்கியவர்.