Skip to main content

இப்படியெல்லாம் நடக்கும்னு தெரிஞ்சு அப்போவே படம் எடுத்தோம்! - பொள்ளாச்சி சம்பவம் குறித்து ஜீவா

Published on 03/04/2019 | Edited on 03/04/2019

ஜீவா நடிப்பில் திரைக்கு வரவிருக்கும் படத்தின் எக்ஸ்க்ளூசிவ் விஷயங்களை அவர் நம்முடன் பகிர்ந்துகொண்டார். ‘கீ’படத்தின் ட்ரையிலர் வெளியாகி நல்ல வரவேற்பைப் பெற்றிருந்தது. படம் ரிலீஸ் ஆவதற்கு முன்பே ஜீவாவின் அடுத்தப் படமான ஜிப்ஸியின் டீசரும் வெளியாகி பலராலும் பேசப்பட்டது. எந்தப் படம் முதலில் திரைக்குவரும் என்று எதிர்ப்பாத்த நிலையில் கீ படத்தின் ரிலீஸ் தேதி அறிவிக்கப்பட்டுள்ளது. அந்த படம் குறித்து ஜீவா நம்முடம் பகிர்ந்துகொண்டவை... 

 

Jeeva about key movie

 

“கீ படத்தின் கதையை ஒரு படமாக பார்ப்பதை விட அவேர்னஸ் கொடுக்கிற விஷயமாகத்தான் நான் பார்த்தேன். கதை கேட்கும்போது 'இப்படியெல்லாம் நடக்குமா? இதெல்லாம் சாத்தியமா?' என்ற கேள்விகள் எனக்குள்ள இருந்துச்சு. நானும் கம்ப்யூட்டர் லைன்ல இருந்துதானே வந்தேன்... வெப்-சைட் கிரியேட் பண்றது, சாட்டிங் டெவலப் பண்றது, வாய்ஸ் நோட்ஸ் கமெண்ட் பண்றது, வெப் கேமராஸ் வந்தது, நிறைய லீக்ஸ் நடந்தது, ப்ளூவேல் கேம் வந்தது, டேட்டா லீக் ஆகுறது எல்லாமே கீ படத்தின் சீன்களில் இருந்துச்சு. இதெல்லாம் எப்படி நடக்கும், ரொம்ப அட்வான்ஸ்-ஆ இருக்கு, ஏதோ ஹாலிவுட் படத்திலிருந்து சுட்ட மாதிரி இருக்கு என்றுதான் நிறைய தயாரிப்பாளர்கள் இந்த படத்தைத் தயாரிக்கத் தயங்கினர். 
 

ஆனால், அதன்பிறகு கொஞ்சம் கொஞ்சமாக செய்திகளில் ஹாக்கெர்ஸ், படங்கள் எல்லாம் தியேட்டருக்கு வருவதற்கு முன்பே இண்டெர்நெட்டில் ஒரிஜினல் பிரின்ட் ரிலீஸ் பண்றது, ப்ளூவேல் கேம் பிரச்சனை இதுமாதிரியெல்லாம் பார்க்கப் பார்க்கத்தான் எல்லோருக்கும் நம்பிக்கை வந்துச்சு. இதெல்லாம் உங்க கதையில் இருக்கிற மாதிரி இருக்கு சார்-னு சொன்னாங்க. அப்புறம்தான் படம் ஷூட் பண்ண ஆரம்பிச்சோம். இந்தக் கதையின் மையக் கருவே கிட்டத்தட்ட இப்போ பொள்ளாச்சியில் நடந்த சம்பவம் மாதிரிதான் இருக்கும். ஆனால், நாங்கள் இரண்டு வருஷத்துக்கு முன்னாடியே படத்தோட சூட்டிங் முடிச்சுட்டோம். அப்போ, இப்படியெல்லாம் வீடியோ எடுத்து மிரட்டி ஹராஸ்மெண்ட் நடக்குமா, அதை வச்சு பணம் பண்ணுவாங்களானு நிறையபேர் கேட்டாங்க.
 

ஸ்மார்ட் ஃபோன் முதலில் அறிமுகமான நாடுகளில் இதுமாதிரியான பிரச்சனைகள் அப்போவே நடந்திருக்கு. உதாரணமாக யு.எஸ், சைனா, சிங்கப்பூர், மலேஷியா மாதிரியான நாடுகளில் தமிழ் பேசுகிற மக்களிடையே கூட இப்படி நடந்திருக்கு. பொண்ணுங்கள வீடியோ எடுத்துவச்சு அடிச்சு துன்புறுத்தி ஹராஸ் பண்றது மாதிரியான நிறைய வழக்குகளை நாங்கள் பார்த்தோம். அதை வச்சுத்தான் இப்படி நடப்பதற்கு வாய்ப்பு இருக்கு என்று அந்த படத்தை ஷூட் பண்ணத் துவங்கினோம். ஷூட் பண்ணின பிறகும் நிறைய பிரச்சனைகள் வந்துச்சு. அதையெல்லாம் தாண்டி ஏப்ரல் 12-ல் படம் ரிலீஸ் ஆகப் போகுது. ‘கீ’ படம் கண்டிப்பா இந்த விஷயத்தில் ஒரு அவேர்னஸ்-ஐ கொடுக்கிற படமாக இருக்கும்.” 
 

 

 

 

சார்ந்த செய்திகள்

Next Story

‘ஃபேமிலி படம்’ படத்தின் படப்பிடிப்பு துவக்கம் 

Published on 23/03/2024 | Edited on 23/03/2024
family padam shooting starts

யுகே கிரியேஷன் சார்பில் கே.பாலாஜி தயாரிப்பில், செல்வா குமார் திருமாறன் இயக்கத்தில் உதய் கார்த்திக் சுபிக்‌ஷா நடிக்கும், படம் ‘ஃபேமிலி படம்’. இப்படத்தில் நாயகனாக டைனோசர்ஸ் பட நாயகன் உதய் கார்த்திக் நடிக்கிறார். நாயகியாக சுபிக்‌ஷா நடிக்கிறார். இவர்களுடன் விவேக் பிரசன்னா, பார்த்திபன், ஶ்ரீஜா, சந்தோஷ், மோகன சுந்தரம், ஆர்.ஜே பிரியங்கா, ஜனனி ஆகியோர் முக்கிய பாத்திரங்களில் நடிக்கிறார்கள். அனிவீ இசையமைக்கிறார்.  
 
ஒரு குடும்பத்தில் இருக்கும் மூன்று அண்ணன் தம்பிகள், வாழ்வில் ஜெயிக்க போராடுகிறார்கள், அவர்களுக்குள் நிகழும் சண்டைகள், காதல், காமெடி என அனைத்தும் கலந்து உருவாக்கப்பட்டுள்ளதாக தெரிவிக்கப்பட்டுள்ளது. இப்படத்தின் படப்பிடிப்பு, படக்குழுவினர் கலந்துகொள்ள, பூஜையுடன் துவங்கியது. 

முதற்கட்டப் படப்பிடிப்பு சென்னையில் துவங்கி பரபரப்பாக நடந்து வருகிறது. படத்தின் முக்கியமான சில காட்சிகளை மதுரையில் படமாக்க படக்குழு திட்டமிட்டுள்ளது. படத்தின் ஃபர்ஸ்ட்லுக் மற்றும் படம் குறித்த மற்ற தகவல்கள் விரைவில் அதிகாரப்பூர்வமாக அறிவிக்கப்படும் என தெரிவிக்கப்பட்டுள்ளது.

Next Story

போன சம்மருக்கு மிஸ்ஸிங்; இந்த கோடையில் களமிறங்கும் ஜி.வி பிரகாஷ்!

Published on 23/03/2024 | Edited on 23/03/2024
gv prakash kalvan movie trailer released

ஜி.வி. பிரகாஷ் நடிகராக ரெபல், இடி முழக்கம், 13, கள்வன், டியர், கிங்ஸ்டன் உள்ளிட்ட படங்களைக் கைவசம் வைத்துள்ளார். இசையமைப்பாளராக தங்கலான், அமரன், சூர்யாவின் 43வது படம் உள்ளிட்ட படங்களில் பணியாற்றுகிறார். இதில் ரெபல் படம் நேற்று திரையரங்குகளில் வெளியானது. கலவையான விமர்சனங்களை பெற்று வருகிறது. 

இதனிடையே, 'கள்வன்' படத்தில் ஜி.வி பிரகாஷோடு, பாரதிராஜாவும் முதன்மைக் கதாபாத்திரத்தில் நடித்துள்ளார். மேலும் இவானா கதாநாயகியாக நடிக்க தீனா, ஞானசம்பந்தன் உள்ளிட்ட பலர் முக்கியக் கதாத்திங்களில் நடித்துள்ளனர். டில்லி பாபு தயாரித்துள்ள இப்படத்தை பி.வி.ஷங்கர் இயக்கியுள்ளார். ஜி.வி.பிரகாஷ் இசை பணிகளையும் மேற்கொண்டுள்ளார். இப்படத்தின் மோஷன் போஸ்டர் மற்றும் டீசர் கடந்த ஆண்டு ஜனவரியில் வெளியானது. மேலும் கடந்த வருட கோடையில் வெளியாகும் என தெரிவிக்கப்பட்டது. ஆனால் வெளியாகவில்லை. 

gv prakash kalvan movie trailer released

இந்த நிலையில் நீண்ட இடைவெளிக்கும் பிறகு தற்போது இப்படத்தின் ட்ரைலர் வெளியாகியுள்ளது. ட்ரைலரில் காட்டு யானைகளால் பாதிக்கப்படும் மலைவாழ் மக்களின் வாழ்வியலை அடிப்படையாகக் கொண்டு இப்படம் உருவாகியுள்ளது போல் தெரிகிறது. ஏப்ரல் 4அம் தேதி இப்படம் திரையரங்குகளில் வெளியாகவுள்ளதாக அறிவிக்கப்பட்டுள்ளது.