தமிழ் சினிமாவில் ஜெயம் ரவி நடிப்பில் வெளியான 'கோமாளி' படத்தின் மூலம் இயக்குநராக அறிமுகமானவர் பிரதீப் ரங்கநாதன். கொஞ்சம் பொழுதுபோக்கு, சமூக கருத்துகள் உள்ளிட்டவற்றை வைத்து எடுக்கப்பட்ட இப்படம், ரசிகர்களிடையே பெரும் வரவேற்பை பெற்றது. இப்படத்தின் வெற்றியைத் தொடர்ந்து இயக்குநர் பிரதீப் ரங்கநாதன் மீது எதிர்பார்ப்பு அதிகரித்தது. 

இந்நிலையில், இவரது அடுத்த படம் குறித்த அதிகாரபூர்வ அறிவிப்பு வெளியாகியுள்ளது. அதன்படி இயக்குநர் பிரதீப் ரங்கநாதன், பிரபல தயாரிப்பு நிறுவனமான ஏஜிஎஸ் சினிமாஸ் நிறுவனம் தயாரிப்பில் புதிய படம் ஒன்றை இயக்கவுள்ளார். இப்படத்தில் இவரே நடிக்கவுள்ளதாகக் கூறப்படும் நிலையில், யுவன் ஷங்கர் ராஜா இசையமைப்பாளராக ஒப்பந்தம் செய்யப்பட்டுள்ளார். இத்தகவலை தனது ட்விட்டர் பதிவின் மூலம் உறுதிசெய்துள்ளார் இயக்குநர் பிரதீப் ரங்கநாதன். 

தமிழ் சினிமாவின் முன்னணி இயக்குனர்களில் ஒருவர் கே.எஸ். ரவிக்குமார். இவரின் நிறைய படங்கள் குறிப்பாக நாட்டாமை, முத்து, படையப்பா உள்ளிட்ட படங்கள் இன்றும் பலருக்கு பிடித்தமான படங்கள் லிஸ்டில் இருக்கிறது. இப்படிப்பட்ட இயக்குனர் சமீப காலமாக படங்களை இயக்குவதை குறைத்துக்கொண்டு படங்களில் குணச்சித்திர வேடங்களில் நடிக்க தொடங்கினார். அப்படி அவர் இந்தவருடம் வெளியான கோமாளி படத்தில் ஒரு முக்கியமான கதாபாத்திரத்தில் நடித்திருந்தார்.
 

ஜெயம் ரவி, காஜல் அகர்வால், சம்யுக்தா ஹெக்டே உள்ளிட்ட நடிகர்கள் நடிப்பில் வெளியாகி வசூல் செய்த படம் கோமாளி. இந்த படத்தை அறிமுக இயக்குனர் பிரதீப் ரங்கநாதன் இயக்கினார். கொஞ்சம் பொழுதுபோக்கு, கொஞ்சம் சோஷியல் மெசேஜ் என்று பக்கா கமர்ஷியல் படமாக இதை எடுத்திருந்தார். ரசிகர்களுக்கும் இந்த படம் பிடித்துப்போக, இந்த வருட தமிழ் சினிமா ஹிட் லிஸ்டில் கோமாளியும் ஒரு இடம்  பிடித்துள்ளது. 

இந்நிலையில் இயக்குனர் கே.எஸ். ரவிக்குமார் கோமாளி படத்தின் வெற்றியை கொண்டாடும் வகையில் அந்த படத்தின் இயக்குனருக்கு ரவிக்குமார் தங்க செயின் பரிசாக வழங்கியுள்ளார். இதை இயக்குனர் பிரதீப் ட்விட்டரில் புகைப்படத்துடன் வெளியிட்டு, நெகிழ்ச்சியுடன் ஒரு பதிவு ஒன்றையும் பதிவிட்டுள்ளார்.