Skip to main content

தடுப்பூசி செலுத்திக்கொண்ட விஷால் பட நடிகை! 

Published on 11/06/2021 | Edited on 11/06/2021

 

bdbdbdfbf

 

நாடு முழுவதும் வேகமெடுத்துவரும் கரோனா இரண்டாம் அலை காரணமாக தொற்றுக்குள்ளாவோரின் எண்ணிக்கை நாளுக்குநாள் அதிகரித்துவருகிறது. கரோனா தடுப்பு நடவடிக்கையாக மாநில அரசுகள், தங்கள் மாநிலத்தில் நிலவும் சூழலுக்கு ஏற்ப ஊரடங்கு உள்ளிட்ட பல்வேறு கட்டுப்பாடுகளை விதித்துள்ளன. பல்வேறு கரோனா தடுப்பு வழிகாட்டுதல் நெறிமுறைகளை வகுத்து செயல்படுத்திவரும் மத்திய, மாநில அரசுகள், அதன் ஒரு பகுதியாக தடுப்பூசி செலுத்தும் பணிகளையும் முடுக்கிவிட்டுள்ளன. 

 

இருப்பினும், தடுப்பூசிகள் குறித்து மக்களிடம் நிலவிவரும் குழப்பம் காரணமாக பொதுமக்கள் பலரும் தடுப்பூசி எடுத்துக்கொள்ள தயக்கம் காட்டுகின்றனர். தடுப்பூசி குறித்து மக்களிடையே நிலவும் அச்சத்தைப் போக்கும் நோக்கோடு திரைத்துறை, அரசியல் பிரமுகர்கள் பலரும் தடுப்பூசி செலுத்திக்கொண்டு பொதுமக்களையும் தடுப்பூசி செலுத்திக்கொள்ளுமாறு வலியுறுத்திவருகின்றனர். அந்த வகையில், விஷாலின் 'அவன் இவன்' பட நாயகியும், பிக்பாஸ் பிரபலமுமான நடிகை ஜனனி ஐயர் கரோனா தடுப்பூசி செலுத்திக்கொண்டார். இவர் தடுப்பூசி செலுத்திக்கொண்ட புகைப்படம் தற்போது சமூகவலைதளங்களில் வைரலாகிவருகிறது.

 

 

சார்ந்த செய்திகள்

Next Story

'அந்த மர்ம மனிதன் யாருன்னு கண்டுபுடிக்கமுடியல' - வைரலாகும் விஜய் சேதுபதி வெளியிட்ட ட்ரைலர்

Published on 08/06/2022 | Edited on 08/06/2022

 

'Who Can't Find That Mysterious Man' - Viral Vijay Sethupathi's Trailer

 

தமிழில் வளர்ந்து வரும் ஹீரோக்களில் அசோக் செல்வனும் ஒருவர். இவர் நடிப்பில் சமீபத்தில் வெளியான படம் 'ஹாஸ்டல்'. ஆர்.ரவீந்திரன் தயாரித்திருந்த இப்படத்தில் பிரியா பவானிசங்கர், சதீஷ், நாசர் உள்ளிட்ட பலர் நடித்திருந்தனர். காமெடி கலந்த திகில் ஜானரில் வெளியான இப்படம் கலவையான விமர்சனங்களையே பெற்றது. இதனை அடுத்து 'கே 4 க்ரியேஷன்' சார்பாக கேசவன் தயாரிக்கும் 'வேழம்' படத்தில் நடித்துள்ளார். ஜனனி ஐயர், ஐஸ்வர்யா மேனன் ஆகியோர் முக்கிய கதாபாத்திரத்தில் நடித்துள்ளனர். அறிமுக இயக்குநர் சந்தீப் ஷ்யாம் இயக்கியுள்ள இப்படத்திற்கு ஜானு சந்தர் இசையமைக்கிறார். சமீபத்தில் இப்படத்தின் ஃபர்ஸ்ட் லுக் வெளியாகி நல்ல வரவேற்பை பெற்றது.

 

இந்நிலையில் 'வேழம்' படத்தின் ட்ரைலர் வெளியாகியுள்ளது. இதனை விஜய் சேதுபதி தனது ட்விட்டர் பக்கத்தில்  வெளியிட்டுள்ளார். கொடூரமாக ஒரு கொலை நடக்கிறது, அந்த கொலையாளி யார்? அவனை எப்படி கண்டுபிடித்தார்கள் என்பதை த்ரில்லிங்காக சொல்வது போல் இந்த ட்ரைலர் வெளியாகியுள்ளது. மேலும் சமூக வலைத்தளத்தில் இந்த ட்ரைலர் வைரலாகி வருகிறது. சஸ்பென்ஸ் த்ரில்லர் ஜானரில் உருவாகியுள்ள இப்படம் வருகிற ஜூன் 24-ஆம் தேதி திரையரங்குகளில் வெளியாகவுள்ளது குறிப்பிடத்தக்கது.  

 

 

 

Next Story

அசோக் செல்வன் படத்தின் ரிலீஸ் தேதி அறிவிப்பு

Published on 27/05/2022 | Edited on 27/05/2022

 

Release date of Ashok Selvan movie announced

 

தமிழில் வளர்ந்து வரும் ஹீரோக்களில் அசோக் செல்வனும் ஒருவர். இவர் நடிப்பில் சமீபத்தில் வெளியான படம் 'ஹாஸ்டல்'. ஆர்.ரவீந்திரன் தயாரித்திருந்த இப்படத்தில் பிரியா பவானிசங்கர், சதீஷ், நாசர் உள்ளிட்ட பலர் நடித்திருந்தனர். காமெடி கலந்த திகில் ஜானரில் வெளியான இப்படம் கலவையான விமர்சனங்களையே பெற்றது. இதனை அடுத்து 'கே 4 க்ரியேஷன்' சார்பாக கேசவன் தயாரிக்கும் 'வேழம்' படத்தில் நடித்துள்ளார். ஜனனி ஐயர், ஐஸ்வர்யா மேனன் ஆகியோர் முக்கிய கதாபாத்திரத்தில் நடித்துள்ளனர். அறிமுக இயக்குநர் சந்தீப் ஷ்யாம் இயக்கியுள்ள இப்படத்திற்கு ஜானு சந்தர் இசையமைக்கிறார். சமீபத்தில் இப்படத்தின் ஃபர்ஸ்ட் லுக் வெளியாகி நல்ல வரவேற்பை பெற்றது.

 

இந்நிலையில் 'வேழம்' படத்தின் ரிலீஸ் மற்றும் சென்சார் சான்றிதழ் குறித்த அறிவிப்பு வெளியாகியுள்ளது. அதன் படி ஜூன் மாதம் 24-ஆம் தேதி திரையரங்குகளில் இப்படம் வெளியாகவுள்ளது. இதனை அதிகாரப்பூர்வமாக சமூக வலைத்தளத்தில் படக்குழு தெரிவித்துள்ளது. மேலும் இப்படத்திற்கு யு/ஏ சான்றிதழ் கிடைத்துள்ளது. 'எஸ்பி சினிமாஸ்' இப்படத்தின் திரையரங்க உரிமையை கைப்பற்றி உலகெங்கும் உள்ள திரையரங்குகளில் வெளியிடுகிறது.