Skip to main content

கரோனா பயத்தால் படப்பிடிப்புக்கு செல்ல மறுத்த அஜித் பட நடிகர்!

Published on 20/04/2021 | Edited on 20/04/2021

 

gsdgsdgs

 

தமிழில் ‘லிங்கா’, ‘பைரவா’, ‘விஸ்வாசம்’ உள்ளிட்ட பல படங்களில் நடித்து பிரபலமான தெலுங்கு நடிகர் ஜெகபதிபாபு, தற்போது ரஜினியுடன் ‘அண்ணாத்த’, தமிழ், தெலுங்கு ஆகிய இரு மொழிகளில் உருவாகும் ‘மகா சமுத்திரம்’‘ உள்ளிட்ட படங்களில் நடித்து வருகிறார். இதில் ‘மகா சமுத்திரம்’ படப்பிடிப்பு இறுதிக் கட்டத்தில் உள்ள நிலையில் இதன் படப்பிடிப்புகள் விசாகப்பட்டினத்தில் நடந்து வருகிறது. 

 

இந்நிலையில், இந்தப் படப்பிடிப்பில் கலந்துகொள்ள அழைத்தபோது நடிகர் ஜெகபதி பாபு மறுத்துவிட்டதாக தகவல் வெளியாகியுள்ளது. கரோனா இரண்டாவது அலை வேகமாக பரவுவதால் ஷூட்டிங்குக்கு செல்ல அவர் மறுத்ததாக கூறப்படுகிறது. ஜெகபதி பாபுவின் இந்த திடீர் முடிவால் ‘மகா சமுத்திரம்’ படப்பிடிப்பு நிறைவு பெறுவதில் சிக்கல் ஏற்பட்டுள்ளது.

 

 

சார்ந்த செய்திகள்

Next Story

“என்னையும் ஏமாற்றிவிட்டார்கள்” - ரஜினி பட வில்லன் புலம்பல்

Published on 01/06/2024 | Edited on 01/06/2024
jagabathi babu real estate issue

தெலுங்கில் பல்வேறு படங்களில் 35 ஆண்டுகளுக்கு மேல் நடித்து வருபவர் ஜகபதி பாபு. தமிழில் லிங்கா, பைரவா, விஸ்வாசம் உள்ளிட்ட படங்களில் வில்லனாக நடித்து ரசிகர்களுக்கு பரிட்சயமானார். இப்போது சூர்யா - சிறுத்தை சிவா கூட்டணியில் உருவாகும் கங்குவா படத்தில் நடித்து வருகிறார். 

இந்த நிலையில் ரியல் எஸ்டேட் நிறுவனத்தால் தான் ஏமாற்றப்பட்டுள்ளதாக தெரிவித்துள்ளார். இது தொடர்பாக அவர் பேசுகையில், “ரியல் எஸ்டேட் தொழிலில் இப்போது மோசடிகள் அதிகம் நடக்கிறது. இது குறித்து தெலங்கானா முதல்வர் ரேவந்த் ரெட்டியும் எச்சரிக்கை விடுத்துள்ளார். சமீபத்தில் ஒரு ரியல் எஸ்டேட் விளம்பரத்தில் நடித்திருந்தேன். அவர்கள் என்னையும் ஏமாற்றிவிட்டார்கள். 

அவர்கள் யார்? என்ன நடந்தது? என்பதை விரைவில் சொல்கிறேன். நிலம் வாங்கும் முன் ரியல் எஸ்டேட் ஒழுங்குமுறை ஆணையத்தின் (RERA) விதிமுறைகளை அறிந்து கொள்ளுங்கள். யாருடைய மோசடி வலையிலும் வீழ்ந்துவிடாதீர்கள்” என்று பகிர்ந்துள்ளார். முன்னணி நடிகருக்கு இது போல் நடந்திருப்பது பலருக்கும் அதிர்ச்சியைக் கொடுத்துள்ளது. 

Next Story

இப்ப வேதாளம்.. நெக்ஸ்ட் தூக்கு துரை.. - அஜித்தை விடாத சிரஞ்சீவி

Published on 20/01/2023 | Edited on 20/01/2023

 

chiranjeevi next is ajith viswasam movie remake

 

தெலுங்கு நடிகர் சிரஞ்சீவி நடித்த 'வால்டர் வீரய்யா' படம் அண்மையில் வெளியாகி திரையரங்குகளில் ஓடிக்கொண்டிருக்கிறது. இதையடுத்து தற்போது அஜித் நடித்த 'வேதாளம்' படத்தின் தெலுங்கு ரீமேக்கான 'போலா ஷங்கர்' படத்தில் நடித்து வருகிறார். இப்படத்தில் கதாநாயகியாக ஸ்ருதிஹாசன் நடிக்க தங்கை கதாபாத்திரத்தில் கீர்த்தி சுரேஷ் நடிக்கிறார். மெஹர் ரமேஷ் இயக்கும் இப்படத்தின் படப்பிடிப்பு முழுவீச்சில் நடைபெற்று வரும் நிலையில், வருகிற ஏப்ரல் 14 ஆம் தேதி இப்படம் திரைக்கு வரவுள்ளது. 

 

சமீபகாலமாக ரீமேக் படங்களில் அதிக கவனம் செலுத்தி வரும் சிரஞ்சீவி விஜய் நடித்த 'கத்தி' படத்தை 'கைதி நம்பர் 150' என்ற தலைப்பிலும், மோகன்லால் நடித்த 'லூசிஃபர்' படத்தை 'காட்ஃபாதர்' என்ற தலைப்பிலும் தெலுங்கில் ரீமேக் செய்தார். அந்த வகையில், தற்போது அஜித்தின் 'வேதாளம்' பட ரீமேக்கை தொடர்ந்து, மீண்டும் ஒரு படத்தை ரீமேக் செய்ய முடிவெடுத்துள்ளதாகத் தகவல் வெளியாகியுள்ளது.

 

அஜித், நயன்தாரா நடிப்பில் சிவா இயக்கத்தில் கடந்த 2019 ஆம் ஆண்டு வெளியாகி சூப்பர் ஹிட்டடித்த 'விஸ்வாசம்' படத்தை ரீமேக் செய்ய உள்ளதாகச் சொல்லப்படுகிறது. இப்படத்தை 'கைதி நம்பர் 150' இயக்கிய வி.வி.விநாயக் இயக்கவுள்ளதாகவும், விரைவில் அதிகாரப்பூர்வ அறிவிப்பு வெளியாகும் எனவும் டோலிவுட் வட்டாரங்கள் தெரிவிக்கின்றன.