Skip to main content

ரஹ்மான் காட்ஃபாதர்; சிலம்பரசன் அண்ணன் - பாசமழை பொழியும் கெளதம் கார்த்திக்

Published on 31/03/2023 | Edited on 31/03/2023

 

Gautham Karthik Spoke about pathu thala

 

நடிகர் கௌதம் கார்த்திக், தான் மிகவும் எதிர்பார்க்கப்படும் படமாக 'பத்து தல' இருப்பதாக சொல்லி இருந்தார். உலகம் முழுவதும் நேற்று திரையரங்குகளில் வெளியானதில் மிகவும் உற்சாகமாக இருக்கிறார். நடிகர் சிலம்பரசன், இயக்குநர் கிருஷ்ணா மற்றும் ஒட்டுமொத்த குழுவினருடன் இந்தப் படத்தில் பணிபுரிந்த அனுபவத்தைப் பகிர்ந்து கொண்டார். 

 

“ஒரு நடிகருக்கு அறிமுகப் படம் எப்படி முக்கியமோ, அதேபோன்று திருப்புமுனையை ஏற்படுத்தக் கூடிய ஒரு படமும் முக்கியமானது. 'பத்து தல' திரைப்படம் எனக்கு அப்படியான ஒரு உணர்வுப்பூர்வமான படம். முழு படமும் மிகவும் சவாலானதாகவும் அர்த்தமுள்ளதாகவும் இருந்தது. இது முழுமையான ஒரு டீம் வொர்க். அணியில் ஒருவர் இல்லாமல் கூட, இந்தப் படம் திட்டமிட்டபடி முழுமையாக முடித்திருக்க முடியாது. இரண்டு கொரோனா கால கட்டங்கள் உட்பட பல கடினமான விஷயங்களையும் நாங்கள் கடந்துதான் வந்திருக்கிறோம். இந்த சமயத்தில் எங்களுக்கு உறுதுணையாக இருந்த தயாரிப்பாளர்கள் ஜெயந்திலால் கடா மற்றும் கே.இ.ஞானவேல்ராஜா அவர்களுக்கு எனது மனமார்ந்த நன்றிகள். 

 

சிலம்பரசன் அண்ணன் இல்லாவிட்டால் 'பத்து தல' திரைப்படம் எங்களுக்கு நிறைவேறாத ஒன்றாகவே இருந்திருக்கும். எனக்காக அவர் சிரமப்பட்டு, கடினமான சவால்களைச் சந்தித்த விதம் என்னை வாயடைக்கச் செய்கிறது. அவர் உடல் அளவில் பல மாற்றங்களை கொண்டு வந்தார். ஒரு படத்திற்காக மீண்டும் எடையை அதிகரிக்க யாராவது தைரியமாக முடிவு செய்வார்களா என்று எனக்குத் தெரியவில்லை. இது கற்பனைக்கு அப்பாற்பட்டது; அவர் அதைச் செய்தார். அவரது அர்ப்பணிப்பும் ஆர்வமும் தான் இவ்வளவு அற்புதமான ரசிகர் பட்டாளத்தை அவருக்குத் தந்துள்ளது. அவரது நடிப்பு திரையில் ரசிகர்களுக்கு நல்ல விருந்தாக அமையும். 

 

ப்ரியா பவானி சங்கர் ஒரு அற்புதமான கோ- ஸ்டார். படப்பிடிப்புக்கு சரியாக வரும் நேரமும் ஆர்வமும் நிச்சயம் பாராட்டப்பட வேண்டிய ஒன்று. இயக்குநர் கிருஷ்ணா சார் தூணாக இருந்து முழு படத்தையும் தோளில் சுமந்துள்ளார். ஏ.ஆர்.ரஹ்மான் சார் பல நடிகர்களின் காட் ஃபாதர். நான் எப்போதும் அவரை மிகப்பெரிய இன்ஸ்பிரேஷனாகவே பார்க்கிறேன். அத்தகைய ஜாம்பவானுடன் பணியாற்றுவது எனக்கு ஆசீர்வாதம். மேலும் இந்த படத்தில் அவர் எனக்காக அழகான பாடல்களை கொடுத்துள்ளார்".

 

 

சார்ந்த செய்திகள்

Next Story

பிரபல மலையாள இயக்குநருடன் கைகோர்க்கும் சிம்பு!

Published on 10/07/2024 | Edited on 10/07/2024
Simbu joins hands with 2018 movie director!

சிம்பு தற்போது கமல் - மணிரத்னம் கூட்டணியில் உருவாகும் தக் லைஃப் படத்தில் நடித்து வருகிறார். ஏ.ஆர் ரஹ்மான் இசையமைக்கும் இப்படத்தின் படப்பிடிப்பு, சென்னை, ஐதராபாத் என அடுத்தடுத்த இடங்களில் முழு வீச்சில் நடைபெற்று வருகிறது. இந்தப் படத்திற்கு முன்பாக கமல் தயாரிப்பில் தேசிங் பெரியசாமி இயக்கத்தில் நடிக்க கமிட்டானார். அப்படம் சிம்புவின் 48வது படமாக உருவாகவுள்ளதாக அறிவிக்கப்பட்டது. ஆனால் படப்பிடிப்பு இன்னும் தொடங்கப்படவில்லை. 

தக் லைஃப் படத்திற்கு பிறகு, தேசிங் பெரியசாமி இயக்கத்தில் சிம்பு நடிக்கும் புதிய படத்தின் படப்பிடிப்பு விரைவில் தொடங்கப்படும் என்று எதிர்பார்க்கப்பட்ட நிலையில், சிம்பு தனது அடுத்த படத்தை மலையாள இயக்குநருடன் கைகோர்க்கவுள்ளார் என்று தகவல் வெளியாகியுள்ளது. கடந்த ஆண்டு, டோவினோ தாமஸ் நடிப்பில் ‘2018’ படத்தை இயக்கிய ஜூட் ஆண்டனி ஜோசப்புடன் சிம்பு இணையவுள்ளார் தகவல் வெளியாகியிருக்கிறது.

கடந்த ஆண்டு மலையாள சினிமாவிலேயே அதிகமாக வசூல் சாதனை செய்த படமான  2018 படம் மக்களிடையே பெரிய வெற்றியை பெற்றது. இந்த நிலையில், இப்படத்தின் இயக்குநர் ஜூன் ஆண்டனி ஜோசப், சிம்புவை வைத்து ஒரு படத்தை இயக்கவுள்ளார் என்று கூறப்படுகிறது. 180 கோடி பொருட் செலவில் எடுக்கப்படும் இப்படத்தை ஏஜிஎஸ் புரொடக்‌ஷன் நிறுவனம் அல்லது தில் ராஜு தயாரிப்பார்கள் என்று எதிர்பார்க்கப்படுகிறது. மேலும், இப்படத்தை ஐசரி கணேஷ் தயாரிப்பார் என்றும் கூறப்படுகிறது. 

இப்படத்தில் சிம்புவுடன் இணைந்து மலையாள சூப்பர் ஸ்டாரான மோகன் லால் முன்னணி கதாபாத்திரத்தில் நடிக்கப்போவதாகக் கூறப்படுகிறது. இவர்களுடன், மேலும் ஒரு பெரிய நடிகர் நடிக்கப் போவதாகவும் தகவல் வெளியாகியுள்ளது. இந்த படம் குறித்த அதிகாரப்பூர்வ தகவல் விரைவில் வெளியாகும் என எதிர்பார்க்கப்படுகிறது. 

Next Story

சிம்பு படத்தில் இணையும் பாலிவுட் நடிகைகள் 

Published on 23/05/2024 | Edited on 23/05/2024
janhvi kapoor and kiara advani to act in str 48

சிம்பு தற்போது கமல் - மணிரத்னம் கூட்டணியில் உருவாகும் தக் லைஃப் படத்தில் நடித்து வருகிறார். ஏ.ஆர் ரஹ்மான் இசையமைக்கும் இப்படத்தின் படப்பிடிப்பு முழு வீச்சில் நடைபெற்று வருகிறது. இந்தப் படத்திற்கு முன்பாக கமல் தயாரிப்பில் தேசிங் பெரியசாமி இயக்கத்தில் நடிக்க கமிட்டானார். அப்படம் சிம்புவின் 48வது படமாக உருவாகவுள்ளதாக அறிவிக்கப்பட்டது. ஆனால் படப்பிடிப்பு இன்னும் தொடங்கப்படவில்லை. 

இப்படத்திற்காக சிம்பு வெளிநாட்டில் சிறப்பு பயிற்சி மேற்கொண்டுள்ளதாக கூறப்பட்டது. வரலாற்று பின்னணியில் ஆக்ஷன் நிறைந்த மாஸ் படமாக இப்படம் உருவாவதாக திரை வட்டாரங்கள் தெரிவித்தன. இதனிடையே கடந்த சிம்பு பிறந்தநாளை முன்னிட்டு படக்குழு வாழ்த்து போஸ்டரை வெளியிட்டது. அதில் சிம்பு இரண்டு கெட்டப்பில் தோன்றியிருந்தார். இது ரசிகர்கள் மத்தியில் படத்தின் மீதான் எதிர்பார்ப்பை அதிகரித்தது. 

janhvi kapoor and kiara advani to act in str 48

இப்படத்தின் ஹீரோயினாக பாலிவுட் நடிகை தீபிகா படுகோனே, பின்பு கீர்த்தி சுரேஷ் நடிப்பதாக தகவல்கள் வெளியாகியின. இந்த நிலையில் தற்போது லேட்டஸ்ட் தகவலாக பாலிவுட் நடிகைகள் ஜான்வி கபூர் மற்றும் கியாரா அத்வானி இருவரும் இப்படத்தில் நடிக்கவுள்ளதாக கூறப்படுகிறது. இந்தத் தகவல் உண்மையாகும் பட்சத்தில் இரு நடிகைகளுக்குமே இந்தப் படம் கோலிவுட்டின் அறிமுகம படமாக இருக்கும் எனத் தெரிகிறது.