Skip to main content

முதல் முறையாக ரசிகர்களை மகிழ்விக்க ஆண்ட்ரியா எடுத்த புது முயற்சி!

Published on 06/07/2022 | Edited on 06/07/2022

 

 'First Time' - Andrea's new venture to entertain fans in mysskin in 'pisasu 2' movie

 

 

தமிழ் சினிமாவில் தன் தனித்துவமான இயக்கத்தின் மூலம் ரசிகர்கள் மனதில் இடம் பிடித்த மிஷ்கின் தற்போது 'பிசாசு 2' படத்தை இயக்கியுள்ளார். இப்படத்தில் நடிகை ஆண்ட்ரியா முதன்மை கதாபாத்திரத்தில் நடிக்க, விஜய் சேதுபதி முக்கிய கதாபாத்திரத்தில் நடித்துள்ளார்.  'ராக்ஃபோர்ட் எண்டர்டெயின்மெண்ட்' சார்பில் முருகானந்தம் தயாரிக்கும் இப்படத்திற்கு கார்த்திக் ராஜா இசையமைத்துள்ளார். சமீபத்தில் இப்படத்தின் டீசர் வெளியாகி ரசிகர்கள் மத்தியில் நல்ல வரவேற்பை பெற்றது. இதனையடுத்து போஸ்ட் ப்ரொடக்ஷன் பணிகளில் படக்குழு தீவிரம் காட்டி வருகிறது. அந்த வகையில் சமீபத்தில் விஜய் சேதுபதி இப்படத்தின் டப்பிங் பணிகளை முடித்தார். 

 

இந்நிலையில் 'பிசாசு 2' படத்தின் புதிய அப்டேட்டை படக்குழு வெளியிட்டுள்ளது. அதன் படி இப்படத்தின் தெலுங்கு பதிப்பின் டப்பிங் பணிகளை ஆண்ட்ரியா முடித்துள்ளார். இப்படத்திற்காக முதல் முதலில் தெலுங்கில் டப்பிங் பேசியுள்ளதாக தெரிவித்துள்ள அவர், இது தொடர்பான வீடியோவையும் தனது சமூக வலைதளப்பக்கத்தில் வெளியிட்டுள்ளார்.

 

தமிழில் பல படங்களுக்கு டப்பிங் பேசியுள்ள ஆண்ட்ரியா தற்போது தெலுங்கு ரசிகர்களை மகிழ்விக்கும் வகையில் இந்த புது முயற்சியை எடுத்துள்ளார். இப்படம் தமிழில் எடுக்கப்பட்டு தெலுங்கு, மலையாளம் மற்றும் கன்னடம் மொழிகளில் டப் செய்யப்பட்டு வெளியாகவுள்ளது குறிப்பிடத்தக்கது.

 

 

 

 

சார்ந்த செய்திகள்

Next Story

வெற்றிமாறனுடன் கவின் கூட்டணி - பணிகள் தொடக்கம் 

Published on 18/05/2024 | Edited on 18/05/2024
kavin joins with vetrimaaran movie titled as mask

லிப்ட், டாடா, ஸ்டார் என அடுத்தடுத்து படங்களில் நடித்து வளர்ந்து வரும் ஹீரோவாக வலம் வருகிறார் கவின். இதில் ஸ்டார் படம் சமீபத்தில் வெளியாகி கலவையான விமர்சனத்தைப் பெற்றது. இப்படத்தை அடுத்து இயக்குநர் நெல்சன் தயாரிப்பில் ‘ப்ளடி பெக்கர்’ (Bloody Beggar) என்ற தலைப்பில் நடித்துள்ளார். அறிமுக இயக்குநர் சிவபாலன் முத்துகுமார் இயக்கியுள்ள இப்படம் விரைவில் வெளியாகவுள்ளதாக தெரிவிக்கப்பட்டுள்ளது. 

இந்த நிலையில் கவின் நடிக்கும் அடுத்த படம் குறித்த அறிவிப்பு தற்போது வெளியாகியுள்ளது. இப்படத்தை வெற்றிமாறன் தனது கிராஸ் ரூட் தயாரிப்பு நிறுவனம் சார்பில் வெளியிடுகிறார். பிளாக் மெட்ராஸ் பிலிம்ஸ் தயாரிக்கும் இப்படத்தில் கவினோடு இணைந்து ஆன்ரியா, பாலசரவணன் உள்ளிட்டோர் நடிக்கின்றனர். அறிமுக இயக்குநர் வி.கர்ணன் அசோக் இயக்கும் இப்படத்திற்கு ஜி.வி பிரகாஷ் இசையமைக்கிறார். 

இப்படத்திற்கு மாஸ்க் எனத் தலைப்பு வைக்கப்படுள்ளது. படத்தின் பணிகள் பூஜையுடன் இன்று தொடங்கியது. பூஜையில் வெற்றிமாறன், கவின் ஆன்ரியா உள்ளிட்ட படக்குழுவினர் கலந்து கொண்டனர். அது தொடர்பான புகைப்படங்களும் வீடியோவும் சமூக வலைத்தளங்களில் வெளியாகியுள்ளது. படப்பிடிப்பு இம்மாத இறுதியில் சென்னையில் தொடங்கவுள்ளதாக கூறப்படுகிறது. 

இப்படம் மூலம் வெற்றிமாறன் பேனரில் நான்காவது முறையாக நடிக்கிறார் ஆன்ரியா. இதற்கு முன்னதாக வடசென்னை, அனல் மேலே பனித்துளி, மனுசி உள்ளிட்ட படங்களில் நடித்துள்ளார். இதில் மனுசி படம் ரிலீஸுக்கு தயாராகி வருகிறது. சமீபத்தில் ட்ரைலர் வெளியாகி பலரது கவனத்தை ஈர்த்தது குறிப்பிடத்தக்கது. வெற்றிமாறனை பொறுத்தவரை விடுதலை 2 படத்தை இயக்கி வருகிறார். இறுகட்ட படப்பிடிப்பு தென்காசியில் நடந்து வருகிறது. மேலும் சூரியின் கருடன் படத்தைத் தயரித்து அதற்கு கதையும் எழுதியுள்ளார். இப்படம் மே 31ஆம் தேதி வெளியாகிறது.

Next Story

“உலகளவில் பேசப்படும் திரைப்படமாக அமையும்” - திருமாவளவன் பாராட்டு 

Published on 17/04/2024 | Edited on 17/04/2024
thirumavalavan praised vetrimaaran gopi nainar manushi movie trailer

வெற்றிமாறன் தற்போது விடுதலை இரண்டாம் பாகத்தை இயக்கி வருகிறார். படத்தின் பணிகள் முழு வீச்சில் நடைபெற்று வருகிறது. இதனிடையே கிராஸ் ரூட் ஃபிலிம்ஸ் என்ற நிறுவனத்தையும் நடத்தி வரும் வெற்றிமாறன், உதயம் என்.எச்.4, பொறியாளன், கொடி, லென்ஸ், அண்ணனுக்கு ஜே உள்ளிட்ட பல்வேறு படங்களைத் தயாரித்துள்ளார். கடைசியாக ஆண்ட்ரியா ஜெர்மியா நடிப்பில் 2022ஆம் ஆண்டு வெளியான 'அனல் மேலே பனித்துளி' படத்தைத் தயாரித்திருந்தார். 

இப்போது சூரி ஹீரோவக நடிக்கும் கருடன் படத்தைத் தயாரித்து வருகிறார். இப்படத்தின் மொத்த படப்பிடிப்பும் முடிந்து போஸ்ட் புரொடெக்‌ஷன் பணிகள் நடைபெற்று வருகிறது. இதனிடையே அறம் பட இயக்குநர் கோபி நயினார் இயக்கத்தில் ஆன்ரியா நடிப்பில் மனுசி என்ற தலைப்பில் ஒரு படத்தைத் தயாரித்து வருகிறார். இளையராஜா இப்படத்திற்கு இசையமைக்கும் நிலையில் கடந்த 2022ஆம் ஆண்டு ஆன்ரியாவின் பிறந்தநாளில் இப்படத்தின் ஃபர்ஸ்ட் லுக் வெளியிடப்பட்டது. சூர்யா இதனை வெளியிட்டிருந்தார். 

இதையடுத்து இப்படத்தை பற்றி எந்த அப்டேட்டும் வராத நிலையில் நேற்று இப்படத்தின் ட்ரைலர் இன்று மாலை 6 மணிக்கு விஜய் சேதுபதி வெளியிடவுள்ளதாக தெரிவிக்கப்பட்டது. அதன்படி தற்போது ட்ரைலரை விஜய் சேதுபதி தனது எக்ஸ் தள பக்கத்தின் வாயிலாக வெளியிட்டுள்ளார். ட்ரைலரை பார்க்கையில், அப்பா பாலாஜி சக்திவேலும், மகள் ஆன்ரியாவும் ஒரு வழக்கு சம்மந்தமாக போலீஸ் விசாரணைக்கு அழைத்து செல்கிறது. அங்கு வைத்து இருவருக்கும் காவல் துறையினருக்கும் நடக்கும் விசாரணையை வைத்து இந்த ட்ரைலர் உருவாகியுள்ளது. மேலும் எந்த வழக்கிற்காக அவர்கள் விசாரணைக்கு அழைக்கப்படுகின்றனர், இறுதியில் என்ன நடந்தது என்பதை அழுத்தமான காட்சிகளுடன் அரசியல் வசனங்களுடன் இப்படம் உருவாகியுள்ளது போல் தெரிகிறது. 

ட்ரைலரில் “போலிஸ் உன்ன தேடி வருதுனா, அது அவுங்களோட பிரச்சனை இல்லை இந்த நாட்டோட பிரச்சனை, சாதி ஜனநாயகமா, சாதிய உருவாக்குனவங்க தான் இந்தியாவை உருவாக்குனாங்க” போன்ற வசனங்கள் ரசிகர்களை கவர்ந்துள்ளது. இதனிடையே வி.சி.க தலைவர் தொல். திருமாவளவன், இப்படத்தின் ட்ரைலரை பார்த்து படக்குழுவை பாரட்டியுள்ளார். அவர் பேசுகையில், “வசனங்கள் மிக ஆழமானதாக இருக்கிறது. இதுவும் உலகளவில் பேசப்படும் திரைப்படமாக அமையும். தயாரிப்பாளரும் இயக்குநரும் முற்போக்கு பார்வையுள்ளவர்களாக இருப்பது, இந்தத் திரைப்படத்தின் வெற்றியாக பார்க்கிறேன்” எனக் குறிப்பிட்டுள்ளார்.