Skip to main content

சிபிராஜ் படத்தின் ஃபர்ஸ்ட் லுக் போஸ்டரை வெளியிட்ட படக்குழு

Published on 27/06/2022 | Edited on 27/06/2022

 

The film crew released the First Look poster of sibiraj 'vattam' movie

 

'ரங்கா' படத்திற்குப் பிறகு சிபிராஜ் நடிப்பில் சில தினங்களுக்கு முன்பு வெளியான படம் 'மாயோன்'. கிஷோர் இயக்கியிருக்கும் இப்படத்திற்கு இளையராஜா இசையமைத்துள்ளார். த்ரில்லர் ஜானரில் வெளிவந்திருக்கும் இப்படத்திற்கு ரசிகர்கள் மத்தியில் நல்ல வரவேற்பு கிடைத்து வருகிறது. இதனை அடுத்து 'ரேஞ்சர்' படத்தில் நடித்து வருகிறார். இதனிடையே கமலக்கண்ணன் இயக்கத்தில் 'வட்டம்' படத்தில் நடிக்கிறார். 'ட்ரீம் வாரியர் பிக்சர்ஸ்' தயாரிக்கும் இப்படத்தில் ஆண்ட்ரியா, அதுல்யா உள்ளிட்டோர் முக்கிய கதாபாத்திரங்களில் நடிக்கின்றனர். நிவாஸ் கே பிரசன்னா இசையமைக்கிறார். 

 

இந்நிலையில் 'வட்டம்'  படத்தின் ஃபர்ஸ்ட் லுக் போஸ்டர் வெளியாகியுள்ளது. இந்த போஸ்டரில் சிபிராஜ் மற்றும் ஆண்ட்ரியா இருவரும் இடம்பெற்றுள்ளனர். இந்த போஸ்டரை சிபிராஜ், ஆண்ட்ரியா உள்ளிட்ட படக்குழுவினர் தங்களது ட்விட்டர் பக்கத்தில் பகிர்ந்துள்ளனர். மேலும் இப்படம் நேரடியாக டிஸ்னி ப்ளஸ் ஹாட்ஸ்டார் ஓடிடி தளத்தில் வெளியாகும் எனப் படக்குழு அதிகாரப்பூர்வமாக அறிவித்துள்ளது.  

 


 

சார்ந்த செய்திகள்

Next Story

“விஜய் போன்ற தலைவர்கள் உலகிற்குத் தேவை” - பிரபல நடிகர் வாழ்த்து

Published on 02/02/2024 | Edited on 02/02/2024
sibiraj about vijay political party name

விஜய், தனது மக்கள் இயக்கத்தை அரசியல் கட்சியாக மாற்றியுள்ளார். தமிழக வெற்றி கழகம் என தனது கட்சிக்கு பெயர் வைத்துள்ளதாக அறிவித்த விஜய், அதை இந்திய தலைமை தேர்தல் ஆணையத்தில் பதிவு செய்ய விண்ணப்பித்துள்ளார். கட்சியின் பெயரை அறிவித்ததைத் தொடர்ந்து, தமிழகம் முழுவதும் பல்வேறு மாவட்டங்களில் கட்சி நிர்வாகிகள் கேக் வெட்டியும், பட்டாசு வெடித்தும் கொண்டாடினர். மேலும் பொதுமக்களுக்கு இனிப்புகள் வழங்கி மகிழ்ந்தனர். 

இதனிடையே கட்சியின் சார்பில் அறிக்கை வெளியிட்ட விஜய், ஏற்கனவே ஒப்புக்கொண்டுள்ள ஒரு படத்தில் நடித்துவிட்டு முழுமையாக கட்சி பணிகளை கவனிக்கவுள்ளதாக தெரிவித்துள்ளார். இப்போது வெங்கட் பிரபு இயக்கத்தில் தி கிரேட்டஸ்ட் ஆப் ஆல் டைம் படத்தில் நடித்து வருகிறார். இது ஒரு புறம் இருக்க, விஜய்க்கு அரசியல் தலைவர்கள், திரை பிரபலங்கள் என பலரும் வாழ்த்து தெரிவித்து வருகின்றனர். 
  
இந்த நிலையில் சிபிராஜ், “தளபதிக்கு முழு மனதுடன் தலை வணங்குகிறேன். அண்ணா தனது வார்த்தையைக் காப்பாற்றி அரசியலுக்கு வருவதற்கான முயற்சியை மேற்கொண்டார். ஒரு ரசிகனாக அவரது படங்களை பெரிய திரையில் பார்க்கத் தவறினாலும், அவரைப் போன்ற தலைவர்கள் உலகிற்குத் தேவை என்பதால் அவரது முடிவை நான் ஆதரிக்கிறேன்” என அவரது எக்ஸ் பக்கத்தில் பதிவிட்டுள்ளார். 

Next Story

ஓடிடியில் சிபி சத்யராஜின் 'மாயோன்'

Published on 11/08/2023 | Edited on 11/08/2023

 

Maayon ott update

 

டபுள் மீனிங் புரொடக்‌ஷன் தயாரிப்பில் சிபி சத்யராஜ், தன்யா ரவிச்சந்திரன் நடிப்பில் கடந்த ஆண்டு வெளியான படம் 'மாயோன்'. கிஷோர் இயக்கிய இப்படத்தில் கே. எஸ். ரவிக்குமார், ராதாரவி, பகவதி பெருமாள், ஹரிஷ் பெராடி உள்ளிட்ட பலர் நடித்திருந்தார்கள். இளையராஜா இசையமைத்திருந்தார். 

 

புராண இதிகாச திரில்லர் ஜானரில் வெளியான இப்படம் கலவையான விமர்சனங்களைப் பெற்றது. கனடாவில் நடைபெற்ற 47வது டொரோன்டோ சர்வதேச திரைப்பட விழாவில் சிறந்த புராண திரைப்பட விருதை வென்றது. இந்நிலையில் இப்படத்தின் அமேசான் ப்ரைம் ஓடிடி தளத்தில் வெளியாகியுள்ளது. இப்படத்தின் தெலுங்கு பதிப்பை விரைவில் டிஜிட்டல் தளம் மற்றும் தொலைக்காட்சிகளில் வெளியாகவுள்ளது.