தீவிர அரசியலுக்கு பிரேக்... சினிமாவில் மீண்டும் ஆர்வம் காட்டும் பிரபல நடிகை...

கடந்த 2003ஆம் ஆண்டு கன்னட மொழியில் அபி என்ற படத்தில் அறிமுகமானார் திவ்யா ஸ்பந்தனா. இதனையடுத்து சிம்புவின் குத்து படத்தில் நடித்ததன் மூலம் தமிழ் சினிமாவில் அறிமுகமாகி பிரபலமடைந்தார். இதன்பின் கன்னடம், தமிழ், தெலுங்கு என்று பிஸியாக நடித்து வந்த ரம்யா என்கிற திவ்யா ஸ்பந்தனா. திடீரென கர்நாடக அரசியலில் குதித்தார். கர்நாடக காங்கிரஸ் கட்சியில் இனைந்து இடைத்தேர்தலில் போட்டியிட்டு எம்பியும் ஆனார். அதன்பின் காங்கிரஸ் கட்சியில் சமூக வலைதளங்களை கவனிக்கும் பொறுப்பை வகித்துவந்தார்.

நிறைய முறை பிரதமர் நரேந்திர மோடி குறித்து சர்ச்சைக்குரிய கருத்துக்களை தெரிவித்து சர்ச்சையில் அடிக்கடி சிக்கியுள்ளார். சமீபத்தில்கூட இவர் காதலித்து வந்த வெளிநாட்டு தொழிலதிபருடன் காதல் முறிவடைந்தது என்பதை தெரிவித்தார். 2019ஆம் ஆண்டு மக்களவை தேர்தலுக்கு பின்னர் திவ்யா ஸ்பந்தனா அவ்வளவாக எந்தவித பொது விஷயங்களிலும் கலந்துகொள்ளவில்லை, அரசியல் ரீதியாகவும்தான்.

இந்நிலையில் தில் கா ராஜா என்னும் கன்னட படத்தில் நடித்தார். இந்த படத்தின் டீஸரும் சமீபத்தில் வெளியாகி திவ்யாவின் ரசிகர்களை குஷியாக்கியது. பிரஜ்வால் தேவராஜ் என்பவருக்கு ஜோடியாக நடித்துள்ளார் திவ்யா. இப்படத்தை சோம்நாத் என்பவர் இயக்கியுள்ளார்.

alt="miga miga avasaram" data-align="center" data-entity-type="file" data-entity-uuid="6681e421-e947-434f-9a21-7f2fee327765" src="https://www.nakkheeran.in/sites/default/files/inline-images/500X300-02_17.jpg" />

இந்த படம் வெளியான பிறகு தமிழ், தெலுங்கிலும் மீண்டும் நடிப்பார். மீண்டும் திரையுலகில் ஒரு ரவுண்ட் திவ்யா வருவார் என்று அவரது ரசிகர்கள் குஷியாக இருக்கின்றனர்.