மீண்டும் சினிமாவில் நடிக்கும் திண்டுக்கல் லியோனி! 

விஸ்வாசம் படத்தை வெளியிட்ட கே.ஜே.ஆர் ஸ்டுடியோஸும் தயாரிப்பாளர் சந்துருவும் இணைந்து இப்படத்தைத் தயாரிக்கும் படம் 'ஆலம்பனா'. முற்றிலும் மாறுபட்ட கமர்சியல் பேண்டஸி படமாக உருவாகும் இப்படத்தில் நாயகனாக வைபவ், நாயகி பார்வதிநாயர் நடிக்கின்றனர். மேலும் முனிஷ்காந்த், காளிவெங்கட், ஆனந்த்ராஜ், பாண்டியராஜன், முரளிசர்மா, கபீர்துபான் சிங் ஆகியோர் முக்கிய கதாபத்திரத்தில் நடிக்கும் இப்படத்தில் பல வருடங்களுக்குப் பிறகு பட்டிமன்ற புகழ் திண்டுக்கல் ஐ லியோனி சிறப்பான வேடத்தில் நடிக்கவுள்ளார்.இவர் கடைசியாக கங்கா கௌரி படத்தில் நடித்திருந்தார்.

பேண்டஸி வகை படமாக உருவாகும் இப்படத்தை முண்டாசுப்பட்டி, இன்று நேற்று நாளை ஆகிய படங்களில் துணை மற்றும் இணை இயக்குநராக பணியாற்றிய பாரி.கே.விஜய் இயக்கவுள்ளார். ஆலம்பனா படத்தின் பூஜையும் படப்பிடிப்பும் இன்று பூஜையுடன் துவங்கப்பட்டது. பூஜையில் ஹீரோ வைபவ், நாயகி பார்வதிநாயர், இயக்குநர் பார்.கே விஜய் உள்பட ஒட்டுமொத்த படக்குழுவும் கலந்து கொண்டனர். மேலும் சிறப்பு விருந்தினர்களாக நேற்று இன்று நாளை படத்தின் இயக்குநர் ரவிக்குமார், முண்டாசுப்பட்டி, ராட்சசன் படங்களின் இயக்குநர் ராம்குமார், குலேபகாவலி, ஜாக்பாட் ஆகிய படங்களின் இயக்குநர் கல்யாண் பலூன் படத்தின் இயக்குநர் சினிஸ், டோரா படத்தின் இயக்குநர் தாஸ்.ராமசாமி ஆகியோர் கலந்துகொண்டனர்.