பிரபல விளையாட்டு வீரரின் வாழ்க்கை வரலாறு படமாகிறது!

இந்தியாவைச் சேர்ந்த மறைந்த முன்னாள் ஹாக்கி வீரரான தயான் சந்த், ஹாக்கி விளையாட்டில் இந்தியாவின் புகழை உலக அளவில் உயர்த்தியவர் ஆவார். அவரது சாதனைகளை நினைவு கூறும் விதமாகவே ஒவ்வொரு ஆண்டும் அவரது பிறந்த தினமான ஆகஸ்ட் 29-ஆம் தேதி, தேசிய விளையாட்டுத் தினமாகக் கொண்டாடப்பட்டு வருகிறது.

விளையாட்டு ஆளுமைகள் பலரது வாழ்க்கை வரலாறு திரைப்படமாக்கப்பட்டு வரும் இவ்வேளையில், தயான் சந்த் வாழ்க்கை வரலாற்றை மையப்படுத்தி, திரைப்படம் ஒன்றினை இயக்கும் முயற்சியில் பிரபல பாலிவுட் இயக்குனரான அபிஷேக் சவ்பே உள்ளதாகச் செய்திகள் வெளியாகியுள்ளன. அதற்கான கதை மற்றும் திரைக்கதை உருவாக்கும் பணிகள் நிறைவு பெற்றுவிட்டதாகவும், அடுத்த ஆண்டின் தொடக்கத்தில், இப்படத்தின் பணிகள் முழுவீச்சில் தொடங்கவுள்ளதாகவும் கூறப்படுகிறது.