Skip to main content

‘அலையிர கூட்டமில்ல’ - தனுஷ் எழுதிப் பாடியுள்ள ‘அடங்காத அசுரன்’

Published on 09/05/2024 | Edited on 09/05/2024
dhanush raayan first single released

தனுஷ் தற்போது தனது 50 ஆவது படமான ராயன் படத்தை இயக்கி நடித்து முடித்துள்ளார். மேலும் ‘நிலவுக்கு என்மேல் என்னடி கோபம்’ என்ற தலைப்பில் ஒரு படம் இயக்கி வருகிறார். ஹீரோவாக சேகர் கம்முலா இயக்கத்தில் குபேரா, அருண் மாதேஷ்வரன் இயக்கத்தில் இளையராஜா பயோ-பிக் உள்ளிட்ட படங்களில் நடித்து வருகிறார். மேலும் மாரி செல்வராஜ் இயக்கத்தில் ஒரு படம், இந்தியில் ஆனந்த் எல்.ராய் இயக்கத்தில் ஒரு படம் எனக் கைவசம் வைத்துள்ளார். 

ad

இதில் ராயன் படம் ரிலீஸுக்கு தயாராகி வருகிறது. இப்படத்தில் தனுஷோடு இணைந்து எஸ்.ஜே சூர்யா, செல்வராகவன், காளிதாஸ் ஜெயராம், சந்தீப் கிஷன், பிரகாஷ் ராஜ், துஷாரா விஜயன், அபர்ணா பாலமுரளி, வரலட்சுமி சரத்குமார், சரவணன் உள்ளிட்டோர் நடிக்கின்றனர். ஏ.ஆர் ரஹ்மான் இசையமைக்கும் இப்படத்தை சன் பிக்சர்ஸ் தயாரிக்கிரது. படத்தின் ஃபர்ஸ்ட் லுக் போஸ்டர் மற்றும் ஒவ்வொருவரின் கதாபாத்திர போஸ்டர்கள் முன்னதாக வெளியாகி ரசிகர்களின் கவனத்தைப் பெற்றது. இப்படம் ஜூனில் வெளியாகிறது. 

இந்த நிலையில் இப்படத்தின் ஃபர்ஸ்ட் சிங்கிள் ‘அடங்காத அசுரன்’ தற்போது வெளியாகியுள்ளது. இப்பாடலை தனுஷ் எழுதி பாடியுள்ளார். தனுஷோடு ஏ.ஆர் ரஹ்மானும் பாடியுள்ள நிலையில் பிரபு தேவா நடனம் அமைத்துள்ளார். ஒரு திருவிழா பின்னணியில், இந்தப் பாடல் அமைந்துள்ள நிலையில் தனுஷின் கதாபாத்திரத்தை விவரிக்கும் வகையில் இப்பாடல் அமைந்துள்ளது. ‘அரை ஜானு வயித்துக்கும் அளவில்லா ஆசைக்கும் அலையிர கூட்டமில்ல, ‘நல்லவன் சாவதும் கெட்டவன் வாழ்வதும், நம்ம கையில இல்ல’ உள்ளிட்ட வரிகள், ரசிகர்களின் கவனத்தைப் பெற்றுள்ளது. இப்படம் ஜுன் 13ஆம் தேதி வெளியாகவுள்ளதாக அறிவிக்கப்பட்டுள்ளது.  

சார்ந்த செய்திகள்

Next Story

நட்புக்கு முக்கியத்துவம்; ரைட்ஸ் வாங்கி பயன்படுத்திய ஏ.ஆர்.ரகுமான் பாடல்! 

Published on 11/06/2024 | Edited on 11/06/2024
 nanban oruvan vantha piragu press meet 

புதுமுக இயக்குநர் ஆனந்த் இயக்கிய தமிழ்த் திரைப்படம் ‘நண்பன் ஒருவன் வந்த பிறகு’. படத்தின் முக்கிய கதாபாத்திரங்களில் அனந்த் ராம், பவானி ஸ்ரீ ஆகியோர் நடித்துள்ளனர். ஏ.எச்.காஷிப் இசையமைத்துள்ளார். இப்படம் விரைவில் திரையரங்கில் வெளியாக உள்ளது. இப்படக்குழுவினர் சமீபத்தில் பத்திரிகையாளர்களை சந்தித்தனர்.

அப்போது பத்திரிக்கையாளர்களின் கேள்விகளுக்கு சுவாரசியமான பதிலளித்தனர். இந்தப் படத்தில் ஏ.ஆர்.ரகுமான் இசையமைத்த முஸ்தபா பாடலை பயன்படுத்தியிருக்கிறீர்களே அதற்கு முறையாக ரைட்ஸ் வாங்கியிருக்கிறீர்களா? ஏன்னா இளையராஜா இப்பெல்லாம் ரைட்ஸ் கேட்கிறாரே அதற்காகத்தான் கேட்கிறோம் என்ற கேள்வியை முன் வைத்தனர்.

அதற்கு படக்குழுவினர், “முறையாக இசையமைப்பாளரை அணுகினோம். இந்தப் படத்தில் பயன்படுத்திய பாடல் அலை ஓசை ரெக்காட்ஸ் என்கிறவர்களிடம் இருந்தது. அவர்களிடமிருந்து ரைட்ஸ் வாங்கித்தான் பயன்படுத்தியுள்ளோம்” என்றனர். மேலும், இப்படத்தின் முக்கியமான இரண்டு பாடலை தனுஷ் மற்றும் ஜி.வி.பிரகாஷ் பாடியுள்ளனர் என்றார்கள்.

Next Story

50 - 50; களம் காணும் தனுஷ் - விஜய் சேதுபதி!

Published on 05/06/2024 | Edited on 05/06/2024
vijay sethupathi 50 movie maharaja release update

விஜய் சேதுபதி தற்போது வெற்றிமாறன் இயக்கத்தில் விடுதலை 2, மிஷ்கின் இயக்கத்தில் ட்ரெயின் உள்ளிட்ட படங்களில் நடித்து வருகிறார். மேலும் நித்திலன் சாமிநாதன் இயக்கத்தில் மகாராஜா, ஆறுமுகக்குமார் இயக்கத்தில் ‘ஏஸ்’ படத்தில் நடித்து முடித்துள்ளார். இதற்கிடையே மணிகண்டன் இயக்கத்தில் ஒரு வெப் தொடரில் நடித்து வந்தார். அது தற்போது கைவிடப்பட்டுள்ளதாகக் கூறப்படுகிறது. 

நித்திலன் சாமிநாதன் இயக்கத்தில் விஜய் சேதுபதி நடித்துள்ள படம் மகாராஜா. விஜய் சேதுபதியின் 50வது படமாக உருவாகியுள்ள இப்படத்தை பேஷன் ஸ்டூடியோஸ் நிறுவனம் தயாரித்திருக்க பாலிவுட் இயக்குநர் அனுராக் கஷ்யப் வில்லனாக நடித்துள்ளார். இவர்களோடு நட்டி நட்ராஜ், முனீஸ்காந்த், அருள்தாஸ், மணிகண்டன் உள்ளிட்டோர் முக்கியக் கதாபாத்திரத்தில் நடித்துள்ளனர். ஆக்‌ஷன் டிராமாவாக உருவாகியுள்ள இப்படத்திற்கு அஜ்னீஸ் லோக்நாத் என்பவர் இசையமைத்துள்ளார். இப்படம் 2024-இன் ‘இந்தியன் ஃபிலிம் ஃபெஸ்டிவல் ஆஃப் லாஸ் ஏஞ்சல்ஸ்’ திரைப்பட விழாவில் திரையிட தேர்வாகியுள்ளது. இந்த விழா ஜூன் 27 முதல் ஜூன் 30 வரை மொத்தம் மூன்று நாட்கள் நடக்கிறது. 

இப்படம் விரைவில் வெளியாகவுள்ளதாக சமீபத்தில் வெளியான ட்ரைலரில் குறிப்பிட்ட நிலையில் படம் குறித்து சில தினங்களுக்கு முன்பு பேசிய இயக்குநர் நித்திலன் சாமிநாதன், ஜூன் 14ஆம் தேதி வெளியாக திட்டமிடப்பட்டிருப்பதாக சொல்லியிருந்தார். இந்த நிலையில் ரிலீஸ் தேதியுடன் கூடிய போஸ்டரை அவரது எக்ஸ் பக்கத்தில் பகிர்ந்துள்ளார். அவர் ஏற்கனவே குறிப்பிட்டது போல், ஜூன் 14ஆம் தேதி வெளியாகவுள்ளது. 

vijay sethupathi 50 movie maharaja release update

இதனிடையே ஜூன் 13ஆம் தேதி தனுஷ் இயக்கி நடித்துள்ள ராயன் படமும் வெளியாகவுள்ளது. இந்தப் படத்தை சன் பிக்சர்ஸ் தயாரித்திருக்க ஏ.ஆர் ரஹ்மான் இசையமைத்துள்ளார். தனுஷோடு இணைந்து எஸ்.ஜே சூர்யா, செல்வராகவன், காளிதாஸ் ஜெயராம், சந்தீப் கிஷன், பிரகாஷ் ராஜ், துஷாரா விஜயன், அபர்ணா பாலமுரளி, வரலட்சுமி சரத்குமார், சரவணன் உள்ளிட்டோர் நடித்துள்ளனர். படத்தின் இரண்டு பாடல்கள் வெளியாகியுள்ளன. ட்ரைலர் இன்னும் வெளியாகவில்லை. இந்த நிலையில் முன்னணி நடிகர்களின் 50 வது படங்கள் ஒரே சமயத்தில் வெளியாகவுள்ளதாக ரசிகர்கள் மத்தியில் பெரும் எதிர்பார்ப்பு நிலவி வருகிறது.