நடிகர் தனுஷ் தற்போது பல படங்களில் நடிப்பதில் பிஸியாக இருக்கிறார். கார்த்திக் சுப்புராஜின் படத்தில் நடித்து முடித்த கையோடு மாரி செல்வராஜ் இயக்கத்தில் உருவாகும் கர்ணன் படத்தில் நடித்து வருகிறார். இந்த படத்தில் தனுஷிற்கு ஜோடியாக ரஜிஷா விஜயன் நடிக்க, பிரபல ஒளிப்பதிவாளரும் நடிகருமான நட்டி என்கிற நடரஜான், லால் உள்ளிட்டோர் முக்கிய வேடங்களில் நடித்துள்ளனர்.இந்த படத்துக்கு சந்தோஷ் நாராயணன் இசையமைக்கிறார்.
இதில் தனுஷுடன் யோகி பாபுவும் முக்கிய கதாபாத்திரம் ஒன்றில் நடிக்கிறார். இந்த படத்தின் ஷூட்டிங்கின் இடையேதான் யோகிபாபு மஞ்சுபார்கவி என்பவரை திருமணம் செய்துக்கொண்டார்.
யாருக்கும் தெரியாமல் மிகவும் ரகசியமாக கடந்த ஃபிப்ரவரி ஐந்தாம் தேதி குடும்பத்தினருடன் குலதெய்வ கோவிலில் திருமணம் செய்துகொண்ட யோகிபாபு அதன்பின் ட்விட்டரில் போட்டோ வெளியிட்டு தனக்கு திருமணம் நடைபெற்றதை தெரிவித்தார். விரைவில் சென்னையில் அனைத்து பிரபலங்களையும் அழைத்து திருமண வரவேற்பு நிகழ்ச்சி வைப்பேன் என்றும் அறிவித்தார்.
திருமணம் நடைபெற்று முடிந்த நிலையில் திருநெல்வேலியில் நடைபெறும் கர்ணன் பட ஷூட்டிங்கில் மீண்டும் கலந்துகொண்ட யோகிபாபுவுக்கு தனுஷ் தங்க சங்கிலி அணிவித்து வாழ்த்து தெரிவித்துள்ளார். படக்குழுவினர் யோகிபாபுவின் திருமணத்தை கொண்டாடும் வகையில் கேக் வெட்டி கொண்டாடி உள்ளனர்.
