கூலி பட இசை வெளியீட்டு விழாவில் வாக்குவாதம்; கேட்டை தள்ளி உள்ளே சென்ற ரசிகர்கள்

லோகேஷ் கனகராஜ் இயக்கத்தில் ரஜினி நடிப்பில் உருவாகி வரும் படம் ‘கூலி’. இப்படத்தில் தெலுங்கு முன்னணி நடிகர் நாகர்ஜுனா, கன்னட நடிகர் உபேந்திரா கலீஷா, மலையாள நடிகர் சௌபின் சாஹிர், சத்யராஜ், ஸ்ருதிஹாசன் உள்ளிட்ட ஏகப்பட்ட பிரபலங்கள் நடித்துள்ளனர். பாலிவுட் நடிகர் ஆமீர்கான் கேமியோ ரோலில் நடித்துள்ளார். மேலும் பூஜா ஹெக்டே ஒரு பாடலுக்கு நடனமாடியுள்ளார். சன் பிக்சர்ஸ் தயாரிப்பில் அனிருத் இசையில் உருவாகி வரும் இப்படம் ஆகஸ்ட் 14ஆம் தேதி வெளியாகவுள்ளது.

இப்படத்தின் படப்பிப்பிடிப்பு கடந்த ஆண்டு ஜூலை மாதம் தொடங்கி பல்வேறு கட்டங்களாக பல இடங்களில் நடந்து கடந்த மார்ச் மாதம் முடிந்திருந்தது. இதனிடையே படத்தின் டைட்டில் டீசர் வெளியாகி ரசிகர்கள் மத்தியில் நல்ல வரவேற்பை பெற்றிருந்தது. பின்பு ‘சிக்குடு வைப்’ என்ற பாடலில் கிளிம்ஸ் வெளியாகியிருந்தது. அடுத்தாக படம் வெளியாகுவதற்கு 100 நாட்கள் தான் இருக்கிறது என்பதை நினைவுபடுத்து ஒரு முன்னோட்ட காட்சி வெளியானது. இதில் பின்னணியில் இடம் பெற்ற ‘பவர்ஹவுஸ்’ பாடம் சமூக வலைதளத்தில் வைரலானது. இதனைத் தொடர்ந்து ‘சிக்குடு வைப்’ பாடலின் மியூசிக் வீடியோ, பூஜா ஹெக்டே நடனமாடிய ‘மோனிகா’ பாடலின் லிரிக் வீடியோ மற்றும் வைரலான ‘பவர்ஹவுஸ்’ லிரிக் வீடியோ வைரலானது.

படத்தின் முழு பாடல்களும் ஆடியோ தளங்களான ஸ்பாட்டிஃபை, யூட்யூப் மியூசில் உள்ளிட்டவைகளில் இன்று மாலை வெளியானது. ஆடியோ லான்ச் சென்னை நேரு உள்விளையாட்டு அரங்கத்தில் இன்னும் சற்று நேரத்தில் தொடங்கவுள்ளது. இந்த நிகழ்ச்சியை காண தமிழகளவில் பல்வேறு மாவட்டங்களில் இருந்து ரசிகர்கள் வருகை புரிந்தனர். கேட்டின் வெளியில் இருந்து ரசிகர்கள் உள்ளே செல்ல முற்பட்டனர். ஆனால் கேட்டின் உள்ளே நின்றுகொண்டிருந்த காவலர்கள், அரங்கில் இடம் நிரம்பிவிட்டதாகவும் இடமில்லாததால் உள்ளே அனுமதிக்க முடியாதென்றும் சொல்லியுள்ளனர். இதனால் இருவருக்கும் வாக்குவாதம் ஏற்பட்டது. பின்பு ஒரு கட்டத்தில், கேட்டை உடைத்து ரசிகர்கள் உள்ளே சென்றனர். பின்பு காவலர்கள் கூட்டத்தை கட்டுப்படுத்தி கேட்டை பூட்டினர். இதனால் அங்கு சிறு பரபரப்பு உண்டானது. இருப்பினும் வெளியில் நிற்கும் சில ரசிகர்கள் தங்கள் கைகளில் நிகழ்ச்சிக்கான பாஸ் இருந்தும் உள்ளே செல்ல அனுமதி மறுக்கப்படுவதாக குற்றம் சாட்டி வருகின்றனர்.