சதமடித்த அனிருத்... மகிழ்ச்சியில் சிவகார்த்திகேயன்!

நெல்சன் திலீப்குமார் இயக்கத்தில் சிவகார்த்திகேயன் நடிப்பில் உருவாகியுள்ள படம் 'டாக்டர்'. இப்படத்தில் சிவகார்த்திகேயனுக்கு ஜோடியாக பிரியங்கா மோகன் நடித்துள்ளார். அனிருத் இசையமைத்துள்ளார். இப்படத்தை, கே.ஜே.ஆர். ஸ்டூடியோஸ் நிறுவனத்துடன் இணைந்து சிவகார்த்திகேயனின் எஸ்.கே.புரொடக்‌ஷன் தயாரிக்கிறது.

alt="ad" data-align="center" data-entity-type="file" data-entity-uuid="dab1283c-da75-4f08-a752-c6b8c4979807" src="https://www.nakkheeran.in/sites/default/files/inline-images/article-inside.png" />

இப்படத்தில் இடம்பெற்றுள்ள 'செல்லம்மா' பாடல், கடந்த ஆண்டு ஜுலை மாதம் வெளியானது. ரசிகர்களிடையே நல்ல வரவேற்பைப் பெற்ற இப்பாடல், தற்போது யூ-டியூப் தளத்தில் 100 மில்லியன் பார்வையாளர்களால் கேட்டு ரசிக்கப்பட்டுள்ளது. இத்தகவலை நடிகர் சிவகார்த்திகேயன் தன்னுடைய ட்விட்டர் பக்கத்தில் தெரிவித்துள்ளார். இது குறித்து அவர் வெளியிட்டுள்ள பதிவில், 'அனிருத்திடம் இருந்து மற்றொரு சதம்' எனக் குறிப்பிட்டுள்ளார்.

டாக்டர் திரைப்படம் இம்மாதம் 26-ஆம் தேதி வெளியாகவுள்ள நிலையில், செல்லம்மா பாடல் 100 மில்லியன் மைல்கல்லை தொட்டுள்ளதால் சிவகார்த்திகேயன் மிகுந்த மகிழ்ச்சியில் உள்ளாராம்.