தமிழ் சினிமாவில் கழுகு, வருத்தப்படாத வாலிபர் சங்கம், கேடி பில்லா கில்லாடி ரங்கா, தேசிங்குராஜா ஆகிய படங்களில் நடித்து ரசிகர்களிடையே பிரபலமானார் பிந்துமாதவி. இவர் தற்போது இயக்குநர் அனிஷ் இயக்கத்தில் சசிகுமார் நடிப்பில் உருவாகி வரும் 'பகைவனுக்கு அருள்வாய்' படத்தில் நடித்து வருகிறார். இப்படத்தின் பணிகள் முழு வீச்சில் நடைபெற்று வருகிறது. 

இந்நிலையில் நடிகை பிந்து மாதவி அடுத்ததாக சார்லஸ் இயக்கும் நாகா படத்தில் நடிக்கிறார். இப்படத்தின் முக்கிய கதாபாத்திரங்களில் ஸ்ரீகாந்த், கருணாகரன், யோகிபாபு உள்ளிட்டோர் நடிக்கின்றனர். கே. முருகன் தயாரிக்கும் இப்படத்தில் பிந்து மாதவி அம்மன் பக்தையாக நடிக்கவுள்ளாராம். இதற்காக அவர் சைவ உணவுகளை தவிர்த்துவிட்டு விரதம் இருந்து நாகா படத்தில் நடித்து வருவதாக கூறப்படுகிறது. படத்தின் பணிகள் முழுவீச்சில் நடைபெற்று வருவதால் அடுத்தடுத்த அறிவிப்புகள் விரைவில் வெளியாகும் எனக் கூறப்பட்டுள்ளது. 

நாடு முழுவதும் வேகமெடுத்துவரும் கரோனா இரண்டாம் அலை காரணமாக தொற்றுக்குள்ளாவோரின் எண்ணிக்கை நாளுக்குநாள் அதிகரித்துவருகிறது. கரோனா தடுப்பு நடவடிக்கையாக மாநில அரசுகள், தங்கள் மாநிலத்தில் நிலவும் சூழலுக்கு ஏற்ப ஊரடங்கு உள்ளிட்ட பல்வேறு கட்டுப்பாடுகளை விதித்துள்ளன. பல்வேறு கரோனா தடுப்பு வழிகாட்டுதல் நெறிமுறைகளை வகுத்துச் செயல்படுத்திவரும் மத்திய, மாநில அரசுகள், அதன் ஒரு பகுதியாக தடுப்பூசி செலுத்தும் பணிகளையும் முடுக்கிவிட்டுள்ளன. 

இருப்பினும், தடுப்பூசிகள் குறித்து மக்களிடம் நிலவிவரும் குழப்பம் காரணமாக பொதுமக்கள் பலரும் தடுப்பூசி எடுத்துக்கொள்ள தயக்கம் காட்டுகின்றனர். தடுப்பூசி குறித்து மக்களிடையே நிலவும் அச்சத்தைப் போக்கும் நோக்கோடு திரைத்துறை, அரசியல் பிரமுகர்கள் பலரும் தடுப்பூசி செலுத்திக்கொண்டு பொதுமக்களையும் தடுப்பூசி செலுத்திக்கொள்ளுமாறு வலியுறுத்திவருகின்றனர். அந்த வகையில், வளர்ந்துவரும் நடிகையும், பிக்பாஸ் புகழ் நடிகையுமான பிந்து மாதவி கரோனா தடுப்பூசி செலுத்திக்கொண்டார். இவர் தடுப்பூசி செலுத்திக்கொண்ட புகைப்படம் தற்போது சமூகவலைதளங்களில் வைரலாகிவருகிறது.