Skip to main content

13வயது சிறுமிக்கு பாலியல் வன்கொடுமை - பிரபல பாடகரின் பகீர் வாக்குமூலம்

Published on 09/06/2023 | Edited on 09/06/2023

 

Bhojpuri singer misbehaved in 13yrs old girl

 

பீகாரைச் சேர்ந்தவர் போஜ்புரி பாடகர் அபிஷேக் என்ற பபுல் பிஹாரி. அவருக்கு வயது 21. இவர் யூட்யூப் சேனலும் நடத்தி வரும் நிலையில் அதை  27 ஆயிரம் பேர் பின் தொடர்கிறார்கள். சில தினங்களுக்கு முன்பு தனது இன்ஸ்டாகிராம் பக்கத்தில் சிறுமியின் ஆடைகளற்ற புகைப்படத்தை பகிர்ந்துள்ளார். அதனைப் பார்த்த அச்சிறுமியின் உறவினர்கள் அதிர்ச்சியடைந்தனர். இது குறித்து அச்சிறுமியிடம் கேட்ட பொது தனக்கு நடந்த மோசமான அனுபவத்தை சொல்லியுள்ளார். 

 

இது குறித்து சிறுமியின் பெற்றோர் காவல் நிலையத்தில் புகார் கொடுத்த நிலையில் அப்பாடகரை கைது செய்தனர். பின்பு விசாரணையில், 2 வருடங்களுக்கு முன்பு பாடகர் அபிஷேக் ராஜீவ் நகர் என்ற பகுதியில் வசித்து வந்த போது 13 வயது சிறுமியுடன் பழக்கம் ஏற்பட்டுள்ளது. சிறுமியிடம் நட்பாக பழகிய அவர் ஆசை வார்த்தை கூறி ஒரு ஹோட்டலுக்கு வரச் சொல்லியுள்ளார். அங்கு சிறுமியை பாலியல் வன்கொடுமை செய்துள்ளார். அதோடு அச்சிறுமியை புகைப்படமும் எடுத்துள்ளார். 

 

இந்த சம்பவத்தை அச்சிறுமி யாரிடமும் சொல்லாமல் இருந்து வந்துள்ளார். பின்பு பாடகர் புகைப்படத்தை வெளியிட்டதால் இது வெளியில் தெரிந்துள்ளது. இது தொடர்பாக அப்பாடகர் மீது போக்சோ, ஐ.டி சட்டப்பிரிவுகளின் கீழ் வழக்குப் பதிவு செய்து சிறையில் அடைத்துள்ளனர் போலீசார்.

 

 

சார்ந்த செய்திகள்

Next Story

அண்ணனை கொலை செய்த தம்பி; உடந்தையாக இருந்த தாயும் கைது

Published on 22/07/2024 | Edited on 22/07/2024
The brother who attack his brother; The accomplice mother was also arrested

குடிபோதையில் தாயிடம் தகராறு செய்த அண்ணனை தம்பி கொலை செய்ததும், அதற்கு உடந்தையாக இருந்த தாயும் கைது செய்யப்பட்ட சம்பவம் திருச்சியில் பரபரப்பை ஏற்படுத்தியுள்ளது.

திருச்சி பீமநகர் சேர்ந்தவர் பர்வீன் பானு (வயது 48). இவருக்கு தமிமுன் அன்சாரி (வயது 33), சையது அபுதாஹிர் ( 29) ஆகிய 2 மகன்கள் உள்ளனர். இதில் மூத்த மகன் தமிமுன் அன்சாரி ஆட்டோ டிரைவராகவும், டீ மாஸ்டராகவும் பணிபுரிந்து வந்தார். இவருக்கு கடந்த 2017 ஆம் ஆண்டு திருமணம் நடைபெற்றது. 5 வயதில் ஆண் குழந்தை ஒன்று உள்ளது.

குடி போதைக்கு அடிமையான தமிமுன் அன்சாரியின் நடவடிக்கை பிடிக்காததால் அவரது மனைவி அவரை விட்டு பிரிந்து சென்று விட்டார். அதன் பின்னர் தினமும் தமிமுன் அன்சாரி தனது தாயிடம் குடிப்பதற்கு பணம் கேட்டு தகராறு செய்து வந்தார். நேற்று இரவு தனது தாயிடம் பணம் கேட்டு தகராறில் ஈடுபட்டு அடிக்க முயன்றதாக கூறப்படுகிறது.

இதனைக் கண்ட தம்பி சையது அபுதாஹிர் வீட்டில் இருந்த  அரிவாளால் தமிமுன் அன்சாரியின் தலையில் வெட்டினார். இருப்பினும் ஆத்திரம் அடங்காமல் அவரது கழுத்தில் மின்வயரை சுற்றி இறுக்கினார். இதில் மூச்சுத்திணறி சம்பவ இடத்திலேயே தமிமுன் அன்சாரி இறந்து விட்டார். விபரீதத்தை உணர்ந்த பர்வீன் பானு அதிகாலை 4 மணி அளவில் யாரும் அறியாத வகையில் சையது அபுதாகீருடன் சேர்ந்து தமிமுன் அன்சாரியின் உடலை அவரது ஆட்டோவிலேயே ஏற்றிக்கொண்டு கொள்ளிடம் ஆற்றில் நீரில் போட்டு விட்டு வர முடிவு செய்தார்.

அதன்படி கொள்ளிடம் ஆற்றுப் பாலத்தில் உடலை இறக்கும் போது இருசக்கர வாகனங்கள் வரவே உடலை அங்கேயே போட்டுவிட்டு ஆட்டோவில் தப்பி விட்டனர்.இதுகுறித்து தகவல் அறிந்த ஸ்ரீரங்கம் போலீசார் சம்பவ இடத்திற்கு விரைந்து சென்று இறந்த உடலை மீட்டு ஸ்ரீரங்கம் அரசு மருத்துவமனைக்கு அனுப்பி வைத்து தீவிர விசாரணை மேற்கொண்டனர்.பாலத்தில் இருந்த சிசிடிவி கேமரா பதிவினை ஆய்வு செய்து ஆட்டோ நம்பரை கண்டுபிடித்தனர். பின்னர் ஆட்டோ உரிமையாளர் யார்?  மாநகர  சிசிடிவி கேமரா பதிவின் அடிப்படையில் கொலையாளிகள் பர்வீன் பானு மற்றும் சையது அபுதாகிர் என உறுதி செய்தனர்.

இதனைத் தொடர்ந்து வீட்டில் பதுங்கி இருந்த இருவரையும் கைது செய்து தீவிர விசாரணை மேற்கொண்டு வருகின்றனர்.

Next Story

பாடகி உமா ரமணன் மறைவு - வீடியோ வெளியிட்டு கணவர் வேண்டுகோள்

Published on 02/05/2024 | Edited on 02/05/2024
request from paased away actress uma ramanan

பிரபல திரைப்பட பின்னணி பாடகி உமா ரமணன்(72) உடல்நலக்குறைவால் நேற்று இரவு காலமானார். 1980 ஆம் ஆண்டு வெளியான நிழல்கள் திரைப்படத்தில் இடம்பெற்ற ‘பூங்கதவே தாழ் திறவாய்..’ என்ற பாடல் மூலம் திரையுலகில் அறிமுகமானார். இந்தப் பாடல் பட்டிதொட்டி எங்கும் ஹிட் அடிக்க, 1981 ஆம் ஆண்டில் வெளியான பன்னீர் புஷ்பங்கள் படத்தில் ‘ஆனந்த ராகம் கேட்கும் நேரம்’ பாடல் இன்றளவும் பலரின் கவனத்தைப் பெற்று வருகிறது.

இளையராஜாவின் இசையில் மூடுபனி, கர்ஜனை எனத் தொடர்ந்து பல படங்களில் பாடல்களை பாடியுள்ளார். மேலும்,  எம்.எஸ்.விஸ்வநாதன், டி.ராஜேந்தர், தேவா, சிற்பி, வித்யாசாகர், மணி ஷர்மா உள்ளிட்ட பல இசைமைப்பாளர்களின் இசையிலும் உமா ரமணன் ஏராளமான பாடல்கள் பாடியுள்ளார். இந்த நிலையில் சென்னை அடையாறு காந்தி நகரில் உள்ள இல்லத்தில் கணவருடன் உமா ரமணன் வசித்து வந்தார். சமீபகாலமாக உடல்நலக் குறைவால் பாதிக்கப்பட்டு வந்த உமா ரமணன் நேற்று உடல்நலக்குறைவால் உயிரிழந்தது, திரையுலகினர் மத்தியில் சோகத்தை ஏற்படுத்தியுள்ளது.

இதையடுத்து உமா ரமணன் கணவரான ஏ.வி.ரமணன், இறுதி சடங்கின் போது, ஊடக நண்பர்கள் மற்றும் பத்திரிகை செய்தியாளர்கள், பிரைவேசி காரணமாக வீட்டிற்கு வருவதை தவிர்க்குமாறு கேட்டுக்கொண்டுள்ளார். மேலும் இந்த முடிவு உமா ரமணனின் விருப்பம் என்றும் தெரிவித்துள்ளார்.