Skip to main content

திருமண மண்டபமாக மாறப்போகும் ஏவிஎம் கார்டன்! 

Published on 05/09/2020 | Edited on 05/09/2020
avm studio

 

கரோனா லாக்டவுன் சமயத்தில் சினிமா துறை மிக மோசமான நிலையில் இருக்கிறது. மார்ச் மாத தொடக்கத்தில் ஏவிஎம் ராஜேஸ்வரி என்னும் பாமர மக்களுக்கு ஒரு பொழுதுபோக்கு இடமாக இருந்த திரையரங்கம் மூடப்பட்டது. தற்போது அகஸ்தியா என்னும் திரையரங்கமும் பெரும் நஷ்டத்தால் மூடப்பட்டுவிட்டது.

 

ஒரு காலத்தில் சென்னையில் சினிமா ஷூட்டிங் என்றாலே அனைவருக்கும் நியாபகம் வருவது வடபழனியிலுள்ள ஏவிஎம் ஸ்டூடியோதான். தற்போது இந்த ஸ்டூடியோவில் ஒரு பகுதி குடியிருப்பாகவும் மற்றொரு பகுதி மருத்துவமனையாகவும் மாறிவிட்டது. இந்நிலையில் பல படங்களின் டப்பிங் பணிகளுக்காக உதவிய ஏவிஎம் கார்டன் பகுதி முற்றிலுமாக இடிக்கப்பட்டு, திருமண மண்டபமாக மாற்ற ஏவிஎம் நிறுவனம் முடிவு செய்துள்ளதாக தகவல் வெளியாகி பலரையும் அதிர்ச்சிக்குள்ளாக்கியுள்ளது. 

 

இந்த ஏவிஎம் கார்டனில் பல படங்கள் ஷூட் செய்யப்பட்டுள்ளது. அங்கே டப்பிங் தியேட்டரும் உண்டு. தற்போது சினிமாவில் பலரும் சென்னைக்கு வெளியே உள்ள ஸ்டூடியோக்களையும், ஹைதரபாத் ராமோஜிராவ் ஃபிலிம் சிட்டியையும் நாடுகின்றனர். இதனால் சிட்டிக்குள் இருக்கும் ஏவிஎம் ஸ்டூடியோவின் பயன்பாடு குறைந்துவிட்டதாகவும் சொல்லப்படுகிறது. இந்த கார்டனில் கடைசியாக யோகிபாபுவின் மண்டேலா படம் ஷுட் செய்யப்பட்டுள்ளது குறிப்பிடத்தக்கது. 

 

 

சார்ந்த செய்திகள்

Next Story

அஜித் ரசிகர்களுக்கு விருந்தளிக்கும் ஏவிஎம் நிறுவனம்

Published on 16/09/2023 | Edited on 16/09/2023

 

ajith used bikes in avm museum

 

தென்னிந்திய மொழிகளில் அனுபவம் வாய்ந்த புகழ்மிக்க தயாரிப்பு நிறுவனமாக இருந்து வருகிறது ஏ.வி.எம் ப்ரொடக்‌ஷன்ஸ். தமிழ், தெலுங்கு, இந்தி மொழிகளில் 300 படங்களுக்கு மேல் தயாரித்துள்ளது. நடிகர்கள் சிவாஜி கணேசன், கமல்ஹாசன் உள்ளிட்டோரை அறிமுகப்படுத்தியது. 

 

சென்னை, வடபழனியில் அமைந்துள்ள இந்நிறுவனத்தின் ஸ்டுடியோவில் ஏ.வி.எம். ஹெரிடேஜ் மியூசியத்தை உருவாக்கினர். இந்த மியூசியத்தில், உபயோகத்தில் இருந்த பழைய மற்றும் காலத்திற்கு ஏற்ப மாறிய திரைப்பட தயாரிப்பு தொழில்நுட்ப கருவிகளையும், மிகப் பழமையான பாரம்பரியமிக்க, கார்கள் மற்றும் இருசக்கர வாகனங்களையும் வைத்துள்ளனர். 

 

இந்நிலையில் தற்போது திருப்பதி படத்தில் அஜித் பயன்படுத்திய (பஜாஜ் பல்சர் 180சிசி 2004) பைக்கை  மியூசியத்தில் இணைத்துள்ளதாக அந்நிறுவனம் எக்ஸ் தளத்தில் தெரிவித்துள்ளது. மேலும் திருப்பதி பட சமயத்தில் அந்த பைக்குடன் அஜித் இருக்கும் புகைப்படத்தை பகிர்ந்துள்ளது. இந்த புகைப்படம் தற்போது வைரலாகி வருகிறது. திருப்பதி படத்தை ஏவிஎம் ப்ரொடக்‌ஷன் தயாரித்திருந்தது குறிப்பிடத்தக்கது.     

 

 

 

Next Story

"ஆழங்கால்பட்ட அனுபவம் மிக்கவர்" - கமல் இரங்கல்

Published on 28/08/2023 | Edited on 28/08/2023

 

kamal condolence post for avm arun veerappan passed away

 

பழம் பெரும் தயாரிப்பாளர், மற்றும் இயக்குநர் அருண் வீரப்பன் நேற்று தனது 90வது வயதில் காலமானார். இவர் கியூப் நிறுவன தலைவராகவும் இருந்துள்ளார். கமல்ஹாசன் அறிமுகமான களத்தூர் கண்ணம்மா உட்பட பல்வேறு திரைப்படங்கள், குறும்படங்கள் மற்றும் ஆவணப்படங்களைத் தயாரித்துள்ளார். 

 

வயது முதிவு காரணமாக உடல் நலக் குறைவு ஏற்பட்டு சிகிச்சை பெற்று வந்த நிலையில், சென்னை மயிலாப்பூரில் அவரது வீட்டில் மரணமடைந்துள்ளார். மாரடைப்பு காரணம் எனச் சொல்லப்படுகிறது. இவரது மறைவு திரையுலகினரை சோகத்தில் ஆழ்த்தியுள்ள நிலையில் பலரும் அவருக்கு அஞ்சலி செலுத்தி வருகின்றனர். 

 

அந்த வகையில் கமல்ஹாசன்  தனது எக்ஸ் (ட்விட்டர்) பக்கத்தில், "ஏ.வி. மெய்யப்பன் அவர்களின் மாப்பிள்ளையும், கியூப் நிறுவன அதிபர் செந்திலின் தந்தையுமான அருண் வீரப்பன் மறைந்து விட்டார் என்பதறிந்து துயருற்றேன். 

 

நான் அறிமுகமான களத்தூர் கண்ணம்மாவின் தயாரிப்பு நிர்வாகி அவர். சினிமா தயாரிப்பில் ஆழங்கால்பட்ட அனுபவம் மிக்கவர். சினிமாவின் தீராக் காதலராக பல்லாண்டு காலம் திரைத்துறைக்குத் தன் பங்களிப்பினை அளித்தவர். அவருக்கு என் அஞ்சலி" எனக் குறிப்பிட்டுள்ளார்.