Skip to main content

கேப்டன் அமெரிக்கா 6 நிமிஷம், தானோஸ் 29 நிமிஷம்...தோர், அயர்ன் மேன் எவ்வளவு நேரம்?

Published on 30/03/2019 | Edited on 30/03/2019

அவெஞ்சர்ஸ்: எண்ட் கேம் திரைப்படம் அடுத்த மாதம் 26ஆம் தேதி ரிலீஸாகிறது. இந்த படத்திற்கான இரண்டு ட்ரைலர்கள் வெளியாகி உலகம் முழுவதும் உள்ள ரசிகர்களிடையே நல்ல எதிர்பார்ப்பை ஏற்படுத்தியுள்ளது.
 

avengers

 

 

இந்த முறை அவெஞ்சர்ஸ் டீமின் முக்கிய சூப்பர் ஹீரோக்களான அயர்ன் மேன், கேப்டன் அமெரிக்கா, தோர், ஹல்க், பிளாக் விடவ், ஹாக் ஐ இவர்களுக்குதான் இந்த பார்ட்டில் முக்கியத்துவம் கொடுக்கப்பட்டுள்ளதாக மார்வெல் ஸ்டூடியோஸ் தயாரிப்பாளர் கெவின் ஃபீஜ் தெரிவித்திருக்கிறார்.
 

சொல்லப்போனால் எத்தனை ஹீரோக்கள் அவெஞ்சர்ஸ் படத்தில் வந்தாலும் இந்த ஆறு பேருக்கு இருக்கின்ற மாஸ் வேறு யாருக்கும் இல்லை என்று சொல்லலாம். தயாரிப்பாளர் இவ்வாறு தெரிவித்துள்ளது மார்வெல் ரசிகர்களுக்கு மிகவும் சந்தோஷத்தை ஏற்படுத்தியுள்ளது. ஏனென்றால் கடந்த பாகத்தில் ஹாக் ஐ கதாபாத்திரமே இடம்பெறவில்லை. பிளாக் விடவ், கேப்டன் அமெரிக்கா, ஹல்க் உள்ளிட்ட ஹீரோக்களுக்கும் குறுகிய நேரங்களிலேயே இடம் பெற்றிருந்தனர். என்னதான் பழைய பார்ட் செம ஹிட் என்றாலும், முக்கிய கதாபாத்திரங்களின் நேரமின்மை ரசிகர்களுக்கு பெரும் ஏமாற்றமாகவே இருந்தது.
 

கடந்த பாகம் தானோஸ் படம்  என்று சொல்லப்பட்டாலும், ஒரு கூட்டத்தின் தலைவனாக தெரியப்பட்ட கேப்டன் அமெரிக்கா இடம்பெற்ற நேரம் எவ்வளவு தெரியுமா? 6 நிமிடங்கள் 45 நொடிகள்தான். யோசித்து பாருங்கள் 2 மணி நேரம் 40 நிமிடங்கள் ஓடக்கூடிய அவெஞ்சர்ஸ்: இன்ஃபினிட்டி வாரில் கேப்டன் அமெரிக்கா வந்துபோகும் நேரம் 6 நிமிடங்கள் 45 நொடிகள்தான். 
 

சரி, அவெஞ்சர்ஸ் இன்ஃபினிட்டி வார் திரைப்படத்தில் வரும் முக்கிய கதாபாத்திரங்களும், அவர்கள் எவ்வளவு நேரம் இடம்பெற்றிருக்கிறார்கள் என்பதையும் பார்ப்போம்...
 

தானோஸ்- 29 நிமிடங்கள்

கமோரா- 19 நிமிடங்கள் 30 நொடிகள்

டோனி ஸ்டார்க்- 18 நிமிடங்கள்

தோர்- 14 நிமிடங்கள் 30 நொடிகள்

டாக்டர் ஸ்ட்ரேஞ்- 11 நிமிடங்கள் 30 நொடிகள்

ஸ்டார் லார்ட்- 10 நிமிடங்கள் 15 நொடிகள்

விஸன்- 9 நிமிடங்கள் 45 நொடிகள்

ஸ்கார்லெட் விட்ச்- 9 நிமிடங்கள்

தி ஹல்க்- 8 நிமிடங்கள் 45 நொடிகள்

ஸ்பைடர் மேன்- 7 நிமிடங்கள் 30 நொடிகள்

ஸ்டீவ் ராஜர்ஸ்- 6 நிமிடங்கள் 45 நொடிகள்

ராக்கெட்- 6 நிமிடங்கள்
 

 

 

சார்ந்த செய்திகள்

Next Story

ஆஸ்கர் 2024 - விருது வென்றவர்களின் முழு பட்டியல்

Published on 11/03/2024 | Edited on 11/03/2024
oscars 2024 winners list

திரைத்துறையின் உயரிய விருதாகக் கருதப்படும் ஆஸ்கர் விருது ஆண்டுதோறும், சிறந்த படம், சிறந்த நடிகர், சிறந்த நடிகை, சிறந்த தொழில்நுட்பக் கலைஞர்கள் எனப் பல்வேறு பிரிவுகளில் வழங்கப்பட்டு வருகிறது. இதில் சிறந்த சர்வதேச திரைப்படம் (Best International Feature Film) என்ற பிரிவில் பல்வேறு நாட்டினர் தங்களது திரைப்படங்களை அனுப்பி வருகின்றன. அந்த வகையில் 2024 ஆம் ஆண்டு ஆஸ்கர் விருதில், இந்தியாவிலிருந்து மலையாளப் படமான '2018' படம் அனுப்பப்பட்டது. ஆனால் இப்படம் இறுதி பரிந்துரை பட்டியல் வரை செல்லவில்லை. அதற்கு முந்தைய சுற்றிலேயே வெளியேறியது. 

இதையடுத்து இந்தியாவில் நடந்த கதையை வைத்து எடுக்கப்பட்ட ‘டு கில் எ டைகர்’ என்ற ஆவணப்படம், சிறந்த ஆவணப்படம் பிரிவில் நாமினேஷனுக்கு தேர்வானது. இப்படம் ஜார்க்கண்டில், கூட்டுப் பாலியல் வன்கொடுமையால் ஆளாக்கப்பட்ட தனது மகளுக்கு நீதிப் போராட்டத்தை நடத்திய தந்தை குறித்து எடுக்கப்பட்டது ஆகும். 

இந்த நிலையில் 96வது ஆஸ்கர் விருது விழா வழக்கம் போல் லாஸ் ஏஞ்சல்ஸின் ஓவேஷன் ஹாலிவுட்டில் உள்ள டால்பி தியேட்டரில் கோலாகலமாக நடைபெற்றுள்ளது. இதில் ‘டு கில் எ டைகர்’ படம் விருது பெறவில்லை. இதில் கிறிஸ்டோஃபர் நோலன் இயக்கத்தில் சிலியன் மர்பி நடித்துள்ள ஓபன்ஹெய்மர் படம் 13 பிரிவுகளில் போட்டியிட்டு 7 பிரிவுகளில் வென்றுள்ளது.  

சிறந்த படம் -  ஒப்பன்ஹெய்மர்
சிறந்த நடிகர் - சிலியன் மர்ஃபி (ஒப்பன்ஹெய்மர்)
சிறந்த நடிகை - எம்மா ஸ்டோன் (புவர் திங்ஸ்)
சிறந்த துணை நடிகர் - ராபர்ட் டவுனி ஜூனியர் (ஒப்பன்ஹெய்மர்)
சிறந்த துணை நடிகை: டாவின் ஜாய் ராண்டால்ஃப் (தி ஹோல்டோவர்ஸ்)
சிறந்த இயக்குநர் - கிறிஸ்டோபர் நோலன் (ஒப்பன்ஹெய்மர்)
சிறந்த ஒளிப்பதிவு - ஒப்பன்ஹெய்மர்
சிறந்த சர்வதேச படம் - தி ஸோன் ஆஃப் இன்ட்ரஸ்ட்
சிறந்த தழுவல் திரைக்கதை - அமெரிக்கன் ஃபிக்‌ஷன்
சிறந்த அசல் திரைக்கதை - அனாடமி ஆஃப் எ ஃபால்
சிறந்த லைவ் ஆக்‌ஷன் குறும்படம் - தி ஒண்டர்ஃபுல் ஸ்டோரி ஆஃப் ஹென்றி சுகர்
சிறந்த அனிமேஷன் குறும்படம் - வார் இஸ் ஓவர்
சிறந்த அனிமேஷன் படம் - தி பாய் அண்ட் தி ஹெரான்
சிறந்த ஆவணக் குறும்படம் - தி லாஸ்ட் ரிப்பேர் ஷாப்
சிறந்த ஆவணப்படம் - 20 டேஸ் இன் மரியுபோல்
சிறந்த பாடல் - வாட் வாஸ் ஐ மேட் ஃபார்? (பார்பி)
சிறந்த பின்னணி இசை - ஒப்பன்ஹெய்மர்
சிறந்த ஒப்பனை மற்றும் சிகை அலங்காரம் - புவர் திங்ஸ்
சிறந்த ஆடை வடிவமைப்பு - புவர் திங்ஸ்
சிறந்த படத்தொகுப்பு - ஒப்பன்ஹெய்மர்
சிறந்த ஒலி - தி ஸோன் ஆஃப் இன்ட்ரஸ்ட்
சிறந்த தயாரிப்பு வடிவமைப்பு - புவர் திங்ஸ்
சிறந்த விஷுவல் எஃபெக்ட்ஸ் - காட்ஜில்லா மைனஸ் ஒன்.

கடந்த வருட ஆஸ்கர் விழாவில், நீலகிரி முதுமலையைச் சேர்ந்த பொம்மன் - பெள்ளி தம்பதியை வைத்து எடுக்கப்பட்ட 'தி எலிஃபெண்ட் விஸ்பெரர்ஸ்' என்ற ஆவணக் குறும்படம், சிறந்த ஆவணக் குறும்படம் பிரிவில் விருது வென்றதும், ராஜமௌலி இயக்கிய 'ஆர்.ஆர்.ஆர்' படத்தில் இடம் பெற்ற  'நாட்டு நாட்டு' பாடல் சிறந்த பாடல் என்ற பிரிவில் விருது வாங்கியதும் குறிப்பிடத்தக்கது. 

Next Story

விமான விபத்து - மகள்களுடன் பரிதாபமாக உயிரிழந்த நடிகர்

Published on 06/01/2024 | Edited on 06/01/2024
Christian Oliver and his 2 Daughters passed away in Plane Crash

ஹாலிவுட்டில் பிரபல நடிகராக வலம் வந்தவர் கிறிஸ்டின் ஆலிவர். 30 படங்களில் நடித்த இவர், தனது குழந்தைகள் மடிடா லிப்சர், அகிக் ஆகியோருடன் சுற்றுலா சென்றுள்ளார். கடந்த 4 ஆம் தேதி கிரெனடைன்ஸில் உள்ள பிக்யுயா தீவிலிருந்து ஜெயிண்ட் லுசியா நோக்கி சிறிய ரக தனி விமானத்தில் தனது இரண்டு குழந்தைகளுடன் பயணித்தார். அப்போது எதிர்பாராத விதமாக அவர்கள் பயணித்த விமானம் விபத்துக்குள்ளானது. 

இந்த விபத்தில் கிறிஸ்டின் (51), மகள்கள் அகிக் (12), மடிடா (10) மற்றும் விமானத்தை இயக்கியவர் என 4 பேரும் பரிதாபமாக சம்பவ இடத்திலேயே உயிரிழந்தனர். பின்பு மீட்புக் குழுவினர் மற்றும் மீனவர்கள் உடனடியாக சம்பவ இடத்துக்குச் சென்று, அங்கிருந்த 4 பேரின் உடல்களையும் மீட்டனர். இந்த சம்பவம் அங்கு பெரும் சோகத்தை ஏற்படுத்தியுள்ளது. 

இந்த சம்பவம் தொடர்பாக காவல்துறை கூறுகையில், “விமானம் புறப்பட்ட சிறிது நேரத்திலேயே, சில கோளாறுகள் ஏற்பட்டு கடலில் மூழ்கியதாக” தெரிவித்துள்ளனர். இருப்பினும் இந்த விபத்துக்கான காரணம் குறித்து காவல்துறையினர் விசாரித்து வருகின்றனர்.