Skip to main content

சூப்பர்ஸ்டார் மருமகன் படத்தில் நடிக்கும் கன்னட சூப்பர்ஸ்டார்!

Published on 25/03/2020 | Edited on 25/03/2020

தனுஷ் - வெற்றிமாறன் கூட்டணியில் உருவான 'அசுரன்' படம் விமர்சனரீதியாக மாபெரும் வெற்றிபெற்று வசூலிலும் பட்டையைக் கிளப்பியது. 100 நாட்களைக் கடந்து வெற்றிகரமாக ஓடிய இப்படம் 100 கோடி வசூல் செய்து சாதனை படைத்தது.

 

grg

 

 

இதையடுத்து இப்படம் தெலுங்கில் 'நாரப்பா' என்ற பெயரில் ரீமேக் செய்யப்பட்டு தனுஷ் வேடத்தில் வெங்கடேஷும், மஞ்சு வாரியர் வேடத்தில் பிரியாமணியும் நடிக்கிறார்கள். இந்நிலையில் தற்போது அசுரன் படம் கன்னடத்திலும் ரீமேக் ஆகவுள்ளது. இதில் தனுஷ் நடித்த கதாபாத்திரத்தில் கன்னட சூப்பர்ஸ்டார் சிவ ராஜ்குமார் நடிக்கவுள்ளார். ஹீரோயின் இன்னும் முடிவாகாத நிலையில் இப்படத்தை ஜேக்கப் வர்கீஸ் இயக்க உள்ளார் என்ற தகவலும் வெளியாகியுள்ளது.

 

சார்ந்த செய்திகள்

Next Story

சர்வதேச திரைப்பட விழாவில் நடிகர் தனுஷுக்கு விருது

Published on 29/11/2021 | Edited on 29/11/2021

 

Actor Dhanush won Best Actor award BRICS Film Festival for asuran movie

 

சிறந்த படைப்புகள், கலைஞர்கள் என திரைத்துறையில் சாதித்தவர்களை அங்கீகரிக்கும் விதமாக ஆண்டுதோறும் இந்தியாவில் சர்வதேச திரைப்பட விழா நடத்தப்படுவது வழக்கம். அந்த வகையில், இந்த ஆண்டுக்கான 52வது இந்திய சர்வதேச திரைப்பட விழா கோவாவில் கடந்த  20ஆம் தேதி தொடங்கி நேற்றுடன் (28.11.2021) நிறைவடைந்தது. இவ்விழாவில் பல்வேறு மொழி திரைப்படங்கள் மற்றும் குறும்படங்கள் திரையிடப்பட்ட நிலையில், தமிழில் இருந்து பி.எஸ். வினோத்ராஜ் இயக்கிய ‘கூழாங்கல்’ திரைப்படமும் ஜெயச்சந்திர ஹாஷ்மி இயக்கிய ‘ஸ்வீட் பிரியாணி’ குறும்படமும் திரையிடப்பட்டன.

 

இதையடுத்து, 52வது இந்திய சர்வதேச திரைப்பட விழாவுடன் நடத்தப்பட்ட BRICS திரைப்பட விழாவில் ‘அசுரன்’ படத்தில் நடித்ததற்காக சிறந்த நடிகருக்கான விருது தனுஷுக்கு வழங்கப்பட்டுள்ளது. வெற்றி மாறன் இயக்கத்தில், தனுஷ் நடிப்பில் வெளியான இப்படம் சர்வதேச திரைப்பட விழாவில் கலந்துகொண்டு பல்வேறு விருதுகளை வென்றுள்ளது. மேலும், 2019ஆம் ஆண்டின் சிறந்த படத்திற்கான தேசிய விருது 'அசுரன்' படத்திற்கும், அதில் நடித்ததற்காக சிறந்த நடிகருக்கான தேசிய விருது தனுஷுக்கும் வழங்கப்பட்டது குறிப்பிடத்தக்கது.  

 

 

 

Next Story

அசுரன் தெலுங்கு ரீமேக்கின் ரிலீஸ் தேதி அறிவிப்பு!

Published on 12/07/2021 | Edited on 12/07/2021

 

asuran

 

வெற்றிமாறன் இயக்கத்தில் தனுஷ், மஞ்சு வாரியர், பசுபதி, கென் கருணாஸ் உள்ளிட்ட பலர் நடிப்பில் கடந்த 2019ஆம் ஆண்டு வெளியான படம் 'அசுரன்'. தமிழில் இப்படத்திற்குக் கிடைத்த வரவேற்பைத் தொடர்ந்து, இப்படம் தெலுங்கில் ரீமேக் செய்யப்படுவதாக அறிவிப்பு வெளியானது. தெலுங்கு ரீமேக்கை சுரேஷ் புரொடக்‌ஷன்ஸ் மற்றும் தாணு இருவரும் இணைந்து தயாரித்தனர். தமிழில் தனுஷ் நடித்த கதாபாத்திரத்தில் வெங்கடேஷ் நடிக்க, மஞ்சுவாரியார் கதாபாத்திரத்தில் ப்ரியாமணி நடித்தார். இப்படத்திற்கு தெலுங்கில் 'நாராப்பா' எனப் பெயரிடப்பட்டது.

 

இப்படத்தின் அனைத்து பணிகளும் நிறைவடைந்து ரிலீஸிற்கு தயாரான வேளையில், கரோனா பரவல் காரணமாக ஊரடங்கு அமல்படுத்தப்பட்டு திரையரங்குகள் மூடப்பட்டன. இதனால் படத்தை திட்டமிட்டபடி ரிலீஸ் செய்வதில் சிக்கல் எழுந்தது. இந்த நிலையில், 'நாராப்பா' படத்தை நேரடியாக ஓடிடியில் வெளியிட முடிவெடுத்த தயாரிப்பு தரப்பு, சில முன்னணி ஓடிடி நிறுவனங்களிடம் இது தொடர்பாக பேச்சுவார்த்தை நடத்தியது. இதில், அமேசான் நிறுவனத்துடன் நடைபெற்ற பேச்சுவார்த்தையில் இறுதி முடிவு எட்டப்பட்டது. இதனையடுத்து, நாராப்பா படத்தின் ஓடிடி ரிலீஸ் தேதியை அமேசான் நிறுவனம் இன்று அறிவித்துள்ளது. அதன்படி, நாராப்பா திரைப்படம் அமேசான் தளத்தில் வரும் ஜூலை 20ஆம் தேதி வெளியாகவுள்ளது. 

 

அசுரன் படத்தின் தெலுங்கு ரீமேக்கான நாராப்பா ரிலீஸ் தெலுங்கு ரசிகர்கள் மட்டுமின்றி தமிழ் ரசிகர்கள் மத்தியிலும் பெரிய எதிர்பார்ப்பை ஏற்படுத்தியுள்ளது.