வடசென்னை படத்தை தொடர்ந்து தனுஷ் மற்றும் வெற்றிமாறன் ஆகியோர் தொடர்ந்து பணிபுரியும் படம் அசுரன். இப்படத்தை கலைப்புலி எஸ்.தானு தயாரிக்க ஜி.வி. பிரகாஷ் இசையமைக்கிறார்.
ADVERTISEMENT
தமிழில் முதல் முறையாக மலையாள லேடி சூப்பர் ஸ்டார் மஞ்சு வாரியர் அறிமுகமாகிறார். இப்படத்தின் புகைப்படங்கள் சமீபத்தில் வெளியாகி நல்ல வரவேற்பை பெற்றது. மூன்று கட்டங்களாக இப்படத்தை உருவாக்கி வருகிறது படக்குழு. இந்நிலையில் மூன்றாவது கட்டமான கடைசி கட்டத்தை நேற்று தொடங்கப்பட்டுள்ளதாக தனுஷ் ட்விட்டரில் தெரிவித்துள்ளார்.
ADVERTISEMENT
அதனுடன் அசுரன் படத்தின் புதிய போஸ்டர் ஒன்றையும் அவர் வெளியிட்டிருக்கிறார். இதில் கையில் அரிவாளுடன், ஆக்ரோஷமாக நடந்து வருகிறார் தனுஷ். பக்கத்தில் ஐயனார் சிலை ஒன்று இருக்கிறது.
‘வெக்கை’ என்னும் நாவலை மையப்படுத்தி எடுக்கப்பட்டிருக்கும் இந்த படத்தின் வேலைகள் விரைவில் முடிக்கப்பட்டு வெளியாகும் என்று எதிர்பார்க்கப்படுகிறது.
Show comments