Skip to main content

அந்த ஆபாச வீடியோவில் இருப்பது நானா..? - நடிகை அனிகா விளக்கம்!

Published on 22/01/2021 | Edited on 22/01/2021

 

gfbxbf

 

அஜித் படங்களான 'என்னை அறிந்தால்' மற்றும் 'விஸ்வாசம்' உள்ளிட்ட படங்களில் அஜித்துக்கு மகளாக நடித்துப் பிரபலமான குழந்தை நட்சத்திரம் அனிகா. இவர் கருப்பு நிற உடையணிந்து ஆபாசமாக நடனமாடுவது போல் ஒரு வீடியோ சமீபத்தில் வைரலானது. இந்த விடியோவைப் பார்த்த பலரும் அதிர்ச்சி அடைந்த நிலையில், இதுகுறித்து நடிகை அனிகா விளக்கம் அளித்துள்ளார். அதில்...

 

"நான் கருப்பு உடையில் நடனமாடுவது போன்ற ஒரு வீடியோ சமூக வலைதளங்களில் கடந்த சில நாட்களாக வலம் வந்துகொண்டிருக்கிறது. அது நான் அல்ல. மார்ஃப் செய்து வெளியிடப்பட்டுள்ளது. எனக்கும் அந்த வீடியோவை சிலர் அனுப்பி விசாரித்தனர். உண்மையைச் சொல்ல வேண்டுமென்றால் முதலில் நான் பார்க்கும்போதுகூட எனக்கும் அது நிஜ வீடியோவைப் போலவே தோன்றியது. அவ்வளவு துல்லியமாக மார்ஃபிங் செய்துள்ளனர். இந்த வீடியோவை இணையத்திலிருந்து நீக்க என்ன நடவடிக்கை எடுக்க வேண்டுமோ அதைச் செய்திருக்கிறோம். ஏனென்றால் அது பார்க்க உகந்த வீடியோ அல்ல. நீங்களும் அந்த வீடியோ குறித்து புகார் தெரிவித்து அதை நீக்க உதவினால் நன்றாக இருக்கும்" எனக் கூறியுள்ளார்.

 

 

சார்ந்த செய்திகள்

Next Story

விடாமுயற்சி - வெளியான புது அப்டேட்

Published on 19/07/2024 | Edited on 19/07/2024
vidamuyarchi third look poster released

அஜித் குமார் தற்போது மகிழ் திருமேனி இயக்கத்தில் ‘விடாமுயற்சி’ படத்தில் நடித்து வருகிறார். லைகா தயாரிப்பில் உருவாகும் இப்படத்தில் த்ரிஷா கதாநாயகியாக நடித்து வருகிறார். மேலும் அர்ஜுன், ரெஜினா கெஸாண்ட்ரா, ஆரவ் உள்ளிட்டோர் நடித்து வருகின்றனர். இப்படம் திரையரங்குகளுக்கு பின் ஓடிடியில் வெளியாகும் டிஜிட்டல் உரிமையை நெட்ஃபிளிக்ஸ் நிறுவனம் வாங்கியுள்ளது. இப்படத்தின் முதற்கட்ட படப்பிடிப்பு கடந்த ஆண்டு அக்டோபர் மாத தொடக்கத்தில் அஜர்பைஜானில் தொடங்கியது. அதன் பின்னர், இந்தப் படத்தின் படப்பிடிப்பு பல்வேறு மாநிலங்களில் நடைபெற்று வந்தது. 

பின்பு படப்பிடிப்பு தளத்தில் அஜித், கார் ஓட்டும் போது விபத்துக்குள்ளான வீடியோ ஒன்று வெளியாகி பரபரப்பை ஏற்படுத்தியது. பின்பு மீண்டும் சில இடைவெளிக்குப் பிறகு, அஜர்பைஜானில் படப்பிடிப்பு தொடங்கியது. இதையடுத்து சண்டைக் காட்சிகளில் அஜித் நடிக்கும் வீடியோ ஒன்று வெளியானது. இதனையடுத்து விடாமுயற்சி படத்தின் ஃபர்ஸ்ட் லுக் போஸ்டர் சமீபத்தில் வெளியானது. இதையடுத்து படத்தின் அடுத்தடுத்த போஸ்டர்கள் தொடர்ந்து வெளியாகிக் கொண்டு வருகிறது. 

அந்த வகையில் தற்போது படத்தின் புதிய போஸ்டர் வெளியாகியுள்ளது. இதுவரை வெளியான போஸ்டர்களில் அஜித் மற்றும் இருந்த நிலையில் தற்போது வெளியாகியிருக்கும் புதிய போஸ்டரில் அஜித்துடன் த்ரிஷாவும் இடம்பெற்றுள்ளார். மேலும் அஜித் புது தோற்றத்தில் இருக்கிறார். இப்போஸ்டர் தற்போது சமூக வலைதளப்பக்கத்தில் வைரலாகி வருகிறது. தொடர்ந்து போஸ்டர்களை வெளியிடும் படக்குழு விரைவில் டீசர், ட்ரைலர் மற்றும் ரிலீஸ் குறித்த அறிவிப்பை வெளியிடுவார்கள் என எதிர்பார்க்கப்படுகிறது. 

Next Story

மருத்துவமனையில் ஷாலினி; அஜர்பைஜானில் இருந்து வந்த அஜித் குமார்!

Published on 03/07/2024 | Edited on 03/07/2024
Ajith Kumar from Azerbaijan

தடையறத் தாக்க, தடம் போன்ற வெற்றிப் படங்களை இயக்கிய இயக்குநர் மகிழ் திருமேனி இயக்கத்தில், அஜித்குமார் நடிப்பில் உருவாகி வரும் படம் ‘விடாமுயற்சி’. லைகா நிறுவனம் தயாரித்து வரும் இப்படத்தில், த்ரிஷா, அர்ஜுன், ரெஜினா கெஸாண்ட்ரா, ஆரவ் உள்ளிட்டவர்கள் நடித்து வருகின்றனர். இப்படத்தில், இசையமைப்பாளர் அனிருத் இசையமைத்து வருகிறார். இப்படத்தின் படப்பிடிப்பு அஜர்பைஜானில் இருந்து தொடங்கி இந்தியாவில் உள்ள பல்வேறு மாநிலங்களில் நடத்தப்பட்டது. தொடர்ந்து, இப்படத்தின் படப்பிடிப்பு 70 சதவீதம் முடிவடைந்த நிலையில், திடீரென்று நிறுத்தப்பட்டது.

இதனையடுத்து, சில நாட்கள் தொடங்காமல் இருந்த விடாமுயற்சி படத்தின் படப்பிடிப்பு சில தினங்களுக்கு முன்பு மீண்டும் அஜர்பைஜானில் தொடங்கியது. அந்த வகையில், இப்படத்தின் சண்டைக் காட்சிகள் படமாக்கப்படும் வீடியோ சமூக வலைத்தளங்களில் வெளியாகி வைரலானது. இதற்கிடையில், விடாமுயற்சி படத்தின் ஃபர்ஸ்ட் லுக் போஸ்டரை படத்தயாரிப்பு நிறுவனம் கடந்த ஜுன் 30ஆம் தேதி வெளியிட்டது. இது ரசிகர்கள் மத்தியில் பெரும் வரவேற்பை பெற்றது. 

இந்த நிலையில், அஜித் குமாரின் மனைவியும், நடிகையுமான ஷாலினிக்கு மைனர் ஆப்ரேஷன் நடந்துள்ளது. இதனையடுத்து, நேற்று (02-07-24) அஜித் குமார் அஜர்பைஜானில் இருந்து சென்னைக்கு வந்தார். இது தொடர்பான வீடியோ நேற்று வெளியானது. இன்று அஜித் மருத்துவமனைக்கு சென்று தன் மனைவியை நேரில் பார்த்து கவனித்து வந்துள்ளார். அஜித்தும், ஷாலினியும் இருக்கும் புகைப்படம் தற்போது வைரலாகி வருகிறது. மீண்டும் அஜித் அஜர்பைஜானுக்கு சென்று விடாமுயற்சி படப்பிடிப்பில் கலந்துகொள்வார் என்று எதிர்பார்க்கப்படுகிறது.