இதனிடையே 2019 ஆம் ஆண்டு ஜார்ஜ் பனாயிடோவுடன் நிச்சயதார்த்தம் செய்து கொண்டார். இவர்களுக்கு அதே ஆண்டு ஒரு ஆண் குழந்தையும் பிறந்தது. பின்பு திருமணம் செய்து கொள்ளாமலே சில காரணங்களால் இருவரும் பிரிந்தனர். இதையடுத்து 2021லிருந்து ஹாலிவுட் நடிகர் எட் வெஸ்ட்விக்குடன் டேட்டிங் செய்து வந்ததாகத் தகவல் வெளியானது. பின்பு 2022 ஆம் ஆண்டு இருவரும் காதலை உறுதி செய்தனர்.
இந்த நிலையில், ஹாலிவுட் நடிகர் எட் வெஸ்ட்விக் எமி ஜாக்சனிடம் நிச்சயதார்த்தத்திற்காக மோதிரம் நீட்டி ப்ரோபோஸ் செய்துள்ளார். அவரது ப்ரோபோஸலை ஏற்றுக்கொண்ட எமி, அவர் கொடுத்த மோதிரத்தை வாங்கி கையில் அணிந்து கொண்டார். இது தொடர்பான புகைப்படங்களை தனது இன்ஸ்டாகிராம் பக்கத்தில் பகிர்ந்துள்ளார் எமி ஜாக்சன். அந்த பதிவிற்கு கீழ் நடிகை கியாரா அத்வானி, ஸ்ருதிஹாசன் உள்ளிட்ட பலர் வாழ்த்துக்கள் தெரிவித்து வருகின்றனர்.