Skip to main content

‘அதில் அனைத்துமே பொய்யானது...’- ரைசா வில்சன்

Published on 19/03/2019 | Edited on 19/03/2019

கடந்த 2017ஆம் ஆண்டு முதன் முதலாக தமிழில் நடைபெற்ற பிக்பாஸ் நிகழ்ச்சியில் ரைசா ஒரு போட்டியாளராக தமிழ் மக்களுக்கு அறிமுகமாகினார். பிக்பாஸுக்கு முன்னதாக ரைசா வில்சன் மாடலிங் துறையில் இருந்துள்ளார். அதன் பின் நடிகையாக வேண்டும் என்கிற எண்ணத்தோடு தமிழ் சினிமாவில் துணை கதாபாத்திரங்களில் நடித்திருக்கிறார்.
 

all the details are completely wrong

 

 

பிக்பாஸ் நிகழ்ச்சிக்கு பின்னர் பியார் பிரேமா காதல் என்னும் படத்தில் ஹரிஷ் கல்யாணுக்கு ஜோடியாக நடித்தார். ஹரிஷும் பிக்பாஸ் நிகழ்ச்சி பங்கேற்றவர். பியார் பிரேமா காதல் வெற்றியை அடுத்து ரைசா வில்சனுக்கு நடிக்க வாய்ப்பு குவிவதாக செய்திகள் வந்த வண்ணம் இருந்தன. 
 

பாலா இயக்கத்தில் விக்ரம் மகன் துருவ் நடித்த வர்மா படத்தில் முக்கிய கதாபாத்திரம் ஒன்றில் நடித்தார். படம் பாதியிலேயே கைவிடப்பட்டது. தற்போது காதலிக்க நேரமில்லை, ஆலிஸ் போன்ற படங்களில் நடித்து வருகிறார்.
 

இந்நிலையில், ரைசா வில்சன் சமீபத்தில் தன்னை பற்றி விக்கிபீடியாவில் உள்ள தகவல் முற்றிலும் பொய் என்று ஸ்கிரீன் ஷாட் எடுத்து பதிவிட்டு தெரிவித்துள்ளார். விக்கிபீடியாவில்தான் பிரபலங்களை பற்றியான தகவல்களை தெரிந்துகொள்ள எளிதாக இருக்கும். பலரும் இதுதான் 100 சதவிதம் உண்மை என்றும் நினைக்கின்றனர். ஆனால், விக்கிபீடியாவில் யார் வேண்டுமானாலும் தகவல்களை சேர்க்கலாம் என்பது குறிப்பிடத்தக்கது.


 

சார்ந்த செய்திகள்

Next Story

இது தான் பிக்பாஸின் புது ஹவுஸா! (படங்கள்)

Published on 03/10/2023 | Edited on 03/10/2023

 

 

 

கடந்த 2017ஆம் ஆண்டு தொடங்கி ஆண்டுதோறும் நடைபெற்று வரும் பிக் பாஸ் நிகழ்ச்சி, தற்போது 7வது சீசனை தொட்டுள்ளது. ஒவ்வொரு ஆண்டும் ஏதாவது புதுசாக அறிமுகப்படுத்தும் பிக் பாஸ், இந்த முறை இரண்டு வீடுகளாக அமைத்து பார்வையாளர்களை வியப்பில் ஆழ்த்தியுள்ளனர். அந்த வீட்டின் பிரத்தியேக புகைப்படங்கள்...

 

 

Next Story

பிக் பாஸ் சீசன் 7: டஃப் கொடுப்பார்களா இந்த நால்வரும்?

Published on 03/10/2023 | Edited on 03/10/2023

 

big boss 7 update

 

கடந்த 2017ஆம் ஆண்டு தொடங்கி ஆண்டுதோறும் நடைபெற்று வரும் பிக் பாஸ் நிகழ்ச்சி, தற்போது 7வது சீசனை தொட்டுள்ளது. சமீபத்தில் கோலாகலமாகத் தொடங்கிய இந்த நிகழ்ச்சியின் 7வது சீசன், இந்த முறை வித்தியாசமாக 2 வீடுகள் என ரசிகர்களை வியக்க வைத்துள்ளனர். இந்த நிலையில் போட்டியாளர்களாக இவர் வருவார், அவர் வருவார் எனவெல்லாம் யூகிக்கப்பட்டது. இறுதியில் இவரெல்லாம் வந்திருக்கார்களே என நினைக்க வைத்த கூல் சுரேஷ், பவா செல்லத்துரை, யுகேந்திரன், வனிதா மகள் ஜோவிகா, ஆகிய நால்வரைப் பற்றி பார்ப்போம்.  

 

big boss 7 update

 

கூல் சுரேஷ் - சில திரைப்படங்களில் சிறிய வேடத்தில் நடித்துள்ள இவர் பெரும்பாலும் நெகட்டிவ்ஷேட் உள்ள கதாபாத்திரத்தையே ஏற்று நடித்திருக்கிறார். மேலும் சிம்புவின் தீவிர ரசிகரான இவர், வெந்து தணிந்தது காடு படம் வெளியான சமயத்தில் பல பேட்டிகளில் நகைச்சுவையாக பேசி ரசிகர்கள் மத்தியில் பிரபலமானார். மேலும் இவர் கொடுக்கும் கவுண்டர்கள் சமூக வலைத்தளத்தில் வைரலானது. இதையடுத்து அதற்காகவே பல படங்களின் ப்ரோமோஷனில் கலந்து கொண்டார். அப்படி கலந்துகொண்ட ஒரு படத்தின் இசை வெளியீட்டு விழாவில், தொகுப்பாளினிக்கு மாலை அணிவித்து சர்ச்சையில் சிக்கினார். பின்பு பகிரங்கமாக மன்னிப்பு கேட்டார். தொடர்ந்து தனது வேடிக்கையான செயல்கள் மூலம் ரசிகர்களை எண்டர்டெயின் செய்த கூல் சுரேஷ் இதிலும் அதை தொடர்வார் என எதிர்பார்க்கப்படுகிறது. 

 

big boss 7 update

 

பவா செல்லத்துரை - எழுத்தாளராக இலக்கியத் துறையில் பயணிக்கும் இவர், கதை சொல்லியாக மிகவும் பிரபலமானவர். திருவண்ணாமலையை சேர்ந்த இவர், முற்போக்கு பேசும் கதாபாத்திரத்தில் ஜோக்கர் படம் மூலம் நடிகராக அறிமுகமானார். பின்பு பேரன்பு, சைக்கோ என பல்வேறு படங்களில் நடித்துள்ளார். குறிப்பாக ஜெய் பீம் படத்தில் கம்யூனிஸ்ட் கட்சியைச் சார்ந்தவராக அக்கதாபாத்திரத்திக்கு சரியாக பொருந்தியிருப்பர். பிக் பாஸ் வீட்டிற்குள் கையில் ஒரு புத்தகத்தோடு நுழைந்து பலரது கவனத்தை பெற்ற இவர், தொடர்ந்து ரசிகர்களின் கவனத்தை பெறுவார் எனவும் எதிர்பார்க்கப்படுகிறது. 

 

big boss 7 update

 

யுகேந்திரன்  - பாடகர் மலேசியா வாசுதேவனின் மகனான இவர் தந்தையை போல் பல பாடல்களை பாடியுள்ளார். மேலும் அவரை போலவே பல படங்களில் நடித்தும் உள்ளார். அஜித்தின் 'பூவெல்லாம் உன் வாசம்' விஜய்யுடன் யூத், பகவதி, திருப்பாச்சி என ஏராளமான படங்களில் முக்கிய கதாபாத்திரத்தில் நடித்துள்ளார். படத்தில் வருவது போல் நிகழ்ச்சியிலும் முக்கிய போட்டியாளராக இருப்பார் என எதிர்பார்க்கப்படுகிறது.

 

 

big boss 7 update

 

வனிதா மகள் ஜோவிகா - நடிகையாக சினிமாவில் ஒரு ரவுண்டு வந்த வனிதா, பிக் பாஸ் நிகழ்ச்சி மூலம் மீண்டும் ரசிகர்கள் மத்தியில் அதிகமாக பேசப்பட்டார். இவர் கலந்து கொண்ட சீசனில் கடும் போட்டியாளராக இருந்தார். இந்த நிலையில் அவரது மகளான ஜோவிகா, 18 வயதை கடந்துவிட்ட நிலையில் அம்மாவை போல் கடும் போட்டியாளராக இருப்பார் என எதிர்பார்க்கப்படுகிறது.