அஜித்துக்கு இவரா வில்லன் !

விவேகத்தை தொடர்ந்து நடிகர் அஜித், இயக்குனர் சிவாவுடன் நான்காவது முறையாக கூட்டணி அமைத்து நடிக்கும் படம் 'விஸ்வாசம்'. இப்படத்தின் படப்பிடிப்பு பிப்ரவரி 22-ஆம் தேதி துவங்க இருப்பதாகவும், அதை தொடர்ந்து 5 மாதங்கள் படப்பிடிப்பு நடத்த படக்குழு திட்டமிட்டுள்ளது. இந்த படத்தில் ஆத்மிகா முக்கிய கதாபாத்திரத்தில் நடிப்பதாகவும், விஜய் யேசுதாஸ் வில்லனாக நடிப்பதாகவும் சமீபத்தில் வதந்திகள் பரவி வந்தன. இந்நிலையில் இந்த படம் வடசென்னையை மையப்படுத்தி உருவாக இருப்பதாகவும், இந்த படத்தில் அஜித் தாதாவாக நடிப்பதாகவும் புதிய தகவல் ஒன்று உலா வந்துகொண்டு இருக்கிறது. தற்போது இந்த வதந்திகளுக்கு முற்றுப்புள்ளி வைக்கும் வகையில் 'விஸ்வாசம்' படத்தில் அஜித் ஜோடியாக நடிக்கும் நாயகி யார், வில்லன் யார் என்பது குறித்த அறிவிப்பு விரைவில் வெளியாக இருப்பதாக தற்போது தகவல் வெளியாகியுள்ளது.