Skip to main content

அந்த சீனில் நடிக்க அஜித்தைக் கேட்டோம்... பில்லா பாண்டி டைரக்டர் ‘ஷாக்’ தகவல்

Published on 14/03/2019 | Edited on 14/03/2019


குட்டிபுலி, தர்மதுரை, சண்டக்கோழி 2 ஆகிய படங்களில் நகைச்சுவை கேரக்டர்களில் நடித்திருப்பவர் சரவண சக்தி. சமீபத்தில் பில்லா பாண்டி என்ற படத்தை இயக்கி அஜித் ரசிகர்கள் மத்தியில் வரவேற்பைப் பெற்றிருந்தார். அவரதுத் திரைத்துறை அனுபவங்களை நம்மிடம் பகிர்ந்துகொண்டார். அதன் தொகுப்பு.

 

saravana sakthi

 

ஜெ.கே.ரித்தீஸை வைத்து நாயகன் படத்தை எடுத்தேன். அதைத் தொடர்ந்து ஒரு விளம்பர படத்தில் வேலைப் பார்க்கும்போது பெரிய விபத்து ஏற்பட்டது. அதிலிருந்து குணமாகி வருவதற்கு இரண்டு வருடங்களானது. அப்போது என்னைப் பெரும்பாலும் யாருக்கும் ஞாபகம் இல்லை. உடனே படம் இயக்குகிற வாய்ப்பும் கிடைக்கவில்லை. எனவே, சினிமாவின் தொடர்பு விடாமல் இருப்பதற்கும், அடிப்படைத் தேவைகளுக்காகவும், சினிமாவில் புரடக்‌ஷன் துறையிலும், விளம்பர படங்களிலும், வேறு சில பரிமாணங்களிலும் வேலைச் செய்திருக்கிறேன். அதில் ஒன்றுதான் நடிப்பும். ஆனால், என்னை ஒரு நடிகனாக ஏற்றுக்கொண்டீர்களா எனத் தெரியவில்லை. இருந்தாலும், தொடர்ந்துத் திரைப்படங்களில் நகைச்சுவைப் வேடங்களில் கண்டிப்பாக நடிப்பேன். அதற்கு காரணம், சின்ன வயதிலிருந்து சினிமாவில் ஜெயிக்கவேண்டுமெனப் போராடுகிறவர்கள் சிரிப்பதையே மறந்திருப்பார்கள். கண்களை மூடினாலும் கதை, எடிட்டிங், கேமரா என்று தான் மனதில் தோன்றும். எனவே, என்னால் தான் சிரிக்கமுடியல, என்னைப் பார்க்கிறவர்களையாவது சிரிக்க வைக்கலாமென்ற எண்ணம் எனக்குள் இருக்கிறது.
 

பொதுவாகவே அஜித் மேல் எல்லோருக்கும் ஒரு ஈர்ப்பு இருக்கிறது. நான் ஊர்களுக்குப் போகும்போது அஜித் ரசிகர்களாக இருக்கிறவர்கள் எப்பவும் போல வேலைக்குப் போவார்கள், கடுமையாக உழைப்பார்கள், வேலை முடிந்து வந்ததும் ரசிகர் மன்றத்தில் கூடி, அதிலும் கடுமையாக வேலைப் பார்ப்பார்கள். நானும் ஒரு அஜித் ரசிகனாக இருப்பதால் அந்த விஷயம் என்னை மிகவும் ஈர்த்தது. அதை வைத்துதான் பில்லா பாண்டி படத்தை எடுத்தேன். அதுபோல, ஹீரோவாக நடித்திருக்கும் ஆர்.கே.சுரேஷ் படத்தில் மட்டுமில்லாமல் நிஜ வாழ்க்கையிலும் அஜித் ரசிகராக இருந்தார். சாதாரணமாக, பொதுமேடைகளில் அஜித், விஜய் பற்றி பேசினால் நிறைய கைத்தட்டல்கள் வரும். அந்தவகையில் படத்தில் அஜித் பற்றி பேசியிருப்பது ஒரு வியாபார யுக்தியும்கூட. அதுமட்டுமில்லாமல் நாம் ரசித்த ஒன்றைப் பற்றி படம் எடுத்தால் தான் அது ஓடும், நாங்கள் அஜித்தை ரசிக்கிறோம், எனவே அவரைப் பற்றி படம் எடுத்திருக்கிறோம்.
 

அஜித் பற்றிப் பேசுவது மக்களை ஈர்ப்பதற்காக தான். ஆனால், அவர்கள் தியேட்டர்ல வந்து பார்க்கும்போது படத்தில் ஒரு கதை இருக்கனும். அஜித் ரசிகர்களின் வாழ்வியலை இந்தப் படம் பேசியிருக்கும். அவர்களுக்கு வருகிற பிரச்சனைகள், அஜித் ரசிகனாக இருப்பதால் அவனொட மனநிலை எப்படியிருக்கும் என்பதுதான் படம். படத்தில் ஆங்காங்கே அஜித் பற்றி பேசியிருந்தாலும் படம் கதைக்குள் தான் நகரும். க்ளைமேக்ஸ் சீனில் அஜித் போட்டோயிருக்கிற காரில் ஒருவர் வந்து காப்பாத்துறது மாதிரி எடுத்திருந்தோம். அதில் அஜித்தே வந்து காப்பாற்றுவது போல் யோசித்தோம். அதற்காக அஜித்திடமும் கேட்டுப்பார்த்தோம். அவர் அப்போது ஹைதராபாத்தில் இருந்ததால் அவரைப் புடிக்கமுடியல. படத்தை அஜித் பார்த்தாரானு தெரியல. ஆனால், அஜித்தின் மேனேஜர் சுரேஷ் சந்திரா என்னைக் கூப்பிட்டுப் பாராட்டுனார். அதுபோல இயக்குனர் சிவா எனக்கு நெருங்கிய நண்பர், பாட்டு ரெக்கார்டு பண்ணின உடனே அவரிடம் போட்டுக் காட்டினேன். அவர் “ஓப்பனிங் சாங்கே பயங்கரமா இருக்கே”னு சொன்னார். படம் ரிலீஸ் ஆனபோது தம்பிராமயா விஸ்வாசம் பட சூட்டிங்கில் இருந்தார், அவர் அஜித்திடம் பில்லா பாண்டி படத்தைப் பற்றி பேசியதாக சொன்னார். இதில் இன்னொரு சுவாரசியமான விஷயம் பில்லா பாண்டி படம் சர்க்கார் படத்துடன் ரிலீஸானது என்பது தான். நாங்கள் வெகு நாட்களுக்கு முன்பே பில்லா பாண்டி ரிலீஸ் தேதியை அறிவிச்சுட்டோம், சர்க்கார் படம் திடீரென்று ரிலீஸ் ஆனது. அவ்வளவு பெரிய படத்துடன் மோதுவது நடக்காத காரியம். நான் தேவா படத்தில் விஜய் உடனும் வேலைப் பார்த்திருக்கிறேன். எனக்கு இருவரைப் பற்றியும் நன்றாக தெரியும். எனவே, சர்க்கார் ஒரு யானை, பில்லா பாண்டி ஒரு எறும்பு, அது சாப்பிட்டு கீழே சிந்துவதுக் கிடைத்தாலேப் போதும் என்பதுதான் எங்கள் எண்ணமாக இருந்தது. மீம் கிரியேட்டர்ஸ் இரண்டு படங்களையும் ஒப்பிட்டே என் படத்தையும் ஓட வைத்துவிட்டார்கள். பெரிய பிரபலமாகவில்லை என்றாலும் பில்லா பாண்டி வணிகரீதியில் வெற்றிப் படமாகவே அமைந்தது. படத்தின் ஹிந்தி ரைட்ஸ் மட்டுமே ஐம்பது லட்சத்திற்கு விற்றது, எனப் பெருமிதத்துடன் பேசினார்.    




 

சார்ந்த செய்திகள்

Next Story

ரஜினி, கமல், அஜித், விக்ரம், சூர்யா, செய்ததை விஜய் இன்னும் செய்யவில்லை..! என்னவா இருக்கும்?

Published on 03/09/2019 | Edited on 03/09/2019

தமிழ் சினிமாவில் சில காலங்களாக ட்ரெண்டில் இருந்துவந்த மதுரை சம்பந்தப்பட்ட படங்கள், முழு நீல காமெடி படங்கள், பேய் படங்கள், ஆகியவை மெல்ல மறைந்து தற்போது பார்ட் 2 காலம் ட்ரெண்ட்டில் இருந்து வருகிறது. இதில் பெரும்பாலும் வெற்றிபெற்ற படங்களின் இரண்டாம் பாகம் படங்கள் வெளிவந்து ரசிகர்களை மகிழ்வித்து வருகின்றன.

 

vijay

 

இந்த 2ஆம் பாக படங்கள் எங்கு ஆரம்பித்தது என்று பார்த்தால் அதிசய மனிதன், நாளைய மனிதன், குரோதம் மற்றும் நான் அவன் இல்லை படங்கள் மூலமாக இருந்தாலும் இது தீவிரம் அடைந்து ட்ரெண்டாக மாறியது என்னவோ 2011ல் வெளியான 'முனி 2 காஞ்சனா' படம் மூலம் தான். இந்த படம் வெளியாகி மாபெரும் வெற்றிபெற்றதையடுத்து இந்த பார்ட் 2 படங்கள் சூடுபிடிக்க ஆரம்பித்தன. 

 

அதன்பின் வரிசையாக காஞ்சனா 2, காஞ்சனா 3, பாகுபலி 2, கோ 2, வெண்ணிலா கபடி குழு 2, சண்டக்கோழி 2, கலகலப்பு 2, அரண்மனை 2,  கோலி சோடா 2, விஐபி 2, மாரி 2, ஜெய்ஹிந்த் 2, புலன் விசாரணை 2, பசங்க 2, டார்லிங் 2, ஜித்தன் 2, தில்லுக்கு துட்டு 2, தேவி 2, சென்னை 28 - 2, மணல் கயிறு 2, சென்னையில் ஒரு நாள் 2, திருட்டு பயலே 2, தமிழ்ப்படம் 2, சார்லி சாப்ளின் 2, சித்திரம் பேசுதடி 2, உறியடி 2, நீயா 2, களவாணி 2, கழுகு 2, ஆகிய படங்கள் தமிழ் சினிமாவில் படையெடுத்து, பலப்படங்கள் வெற்றிபெற்று சில படங்கள் கவனிக்கவும் வைத்தன. 

 

 

இதுபோக தமிழின் சூப்பர்ஸ்டார் நடிகர்களான ரஜினிக்கு 2.0, கமலுக்கு விஸ்வரூபம் 2, இந்தியன் 2, அஜித்திற்கு பில்லா 2, விக்ரமிற்கு சாமி 2, சூர்யாவுக்கு சிங்கம் 1,2,3 படங்கள் என பெரிய ஹீரோக்களும் தங்கள் பங்கிற்கு சீக்குவல் படங்களான பார்ட் 2 படங்களில் நடித்துள்ளனர். இதில் கவனிக்கத்தக்க ஒரு அம்சமாக விஜய் மட்டும் இன்னும் எந்த பார்ட் 2 படத்திலும் நடிகைவில்லை. விஜய் தொடர்ந்து ஒரு பாக படத்திற்கே முன்னுரிமை கொடுத்து நடித்து வருகிறார்.  

 

மேலும் முன்னணி நடிகர்களான தனுஷ், விஷால், ஜெயம் ரவி, மற்றும் இன்னும் சில நடிகர்களும் பார்ட் 2 படங்களில் நடித்து, அந்த படங்களும் வெளியாகியுள்ளன. மேலும் இவர்கள் நடிப்பில் 'சாட்டை 2 அடுத்த சாட்டை', 'தனி ஒருவன் 2', சதுரங்கவேட்டை 2, துப்பறிவாளன் 2, அப்பா 2, இரும்புத்திரை 2, நேற்று இன்று நாளை 2, கடவுள் 2, கும்கி 2, நாடோடிகள் 2, ராஜதந்திரம் 2, வடசென்னை 2, ஆகிய படங்கள் அடுத்தடுத்து வெளிவர காத்திருக்கின்றன. மேலும் தமிழ் சினிமாவில் மாபெரும் வெற்றிபெற்ற படங்களின் பார்ட் 2க்கள் தயாரிக்க திரையுலகினர் திட்டமிட்டு வருகின்றனர். 

 

 

Next Story

விஜய் நடித்த கேரக்டருக்கு அஜித் ஆசைப்பட்டார்! - இயக்குனர் விண்செண்ட் செல்வா பகிர்ந்த சுவாரசிய நினைவுகள்

Published on 22/04/2019 | Edited on 22/04/2019

பிரியமுடன், யூத் போன்ற விஜய்யின் வெற்றிப்படங்களை இயக்கியவர் இயக்குனர் விண்செண்ட் செல்வா. அவர் தனது முதல் படத்திலேயே விஜயுடன் இணைந்த சுவாரசியமான சம்பவங்களை நம்முடன் பகிர்ந்துகொண்டார். 
 

 

Director Vincent Selva about vijay with ajith

 

நான் ஃபிலிம் இன்ஸ்ட்யூட்டில் படிக்கும்போது ஒரு ஷாட் ஃபிலிம் எடுத்தேன்.  ‘மண்ணில் இந்த காதல்’னு தலைப்பு வச்சுருந்த அந்த ஷாட் ஃபிலிமுக்காக கே.பாலச்சந்தர் கையால் எனக்கு கோல்டு மெடல் கிடைச்சுது. அந்த காலகட்டத்தில் என் ஷாட் ஃபிலிமை நிறைய பெரிய ஆட்கள் பார்த்துப் பாராட்டினார்கள். அப்படித்தான் அந்த ஷாட் ஃபிலிமை விஜயிடமும் காட்டினேன். அவருக்கும் ரொம்போ பிடித்திருந்தது. தோடர்ந்து அவருடைய நண்பர் வீட்டுக்குக் கதைச் சொல்ல கூப்பிட்டார். நான் அவரிடம் “எனக்கு பெருசா கதைச் சொல்ல தெரியாது. இன்டெர்வெல் வரைக்கும் சொல்வேன், அது பிடித்திருந்தால் கண்டிப்பாக எனக்குப் படவாய்ப்புக் கொடுக்கணும்” அப்படின்னு ஒரு கண்டிஷன் போட்டேன். விஜய் சிரிச்சுக்கிட்டெ “சொல்லுங்கண்ணா, சொல்லுங்க”னு சொன்னார். 
 

ஒரு ஐந்து நிமிடக்கதையைச் சொல்லிவிட்டு நிறுத்திட்டேன். அவர் மேல சொல்லுங்கண்ணா என்றார். இதுக்கு மேல கதைச் சொன்னால் கண்டிப்பா வாய்ப்புக் கொடுக்கணும் சார்னு சொல்லும்போதே சொல்லுங்கண்ணா பார்க்கலாம்னு சொன்னார். நானும் முழுக் கதையைச் சொல்லி முடிச்சுட்டேன். அதுதான் ‘பிரியமுடன்’. அந்தக்கதையில் இரண்டு கேரக்டர், ஒன்று பாசிட்டிவ், இன்னொன்று நெகட்டிவ். அதிலும் பொசசிவின் எக்ஸ்ட்ரீமான கேரக்டர். தமிழ் சினிமாவில் அந்த மாதிரி பண்ணனும்னு நிறைய ஹீரோக்களுக்கு ஆசையிருந்தது. ஆனால், யார் பூனைக்கு மணிக்கட்டுறது. ஏனென்றால், ஹீரோ இமேஜ் போயிடுமோ என்று பயப்புடுவாங்க. ஆனால், விஜய் என்னுடைய இமேஜயே நீங்கள் பார்க்காதீங்கன்னு சொல்கிறார், எஸ்.ஏ.சி சார் வேண்டாம் என்று சைகை காட்டுகிறார். எனக்கும் மனதிற்குள் ஒரு பயம் இருந்தது, விஜய்க்கு பெண் ரசிகர்கள் அதிகம் இருந்தார்கள், ஏதாவது பிரச்சனை வருமோ என்று நினைச்சுக்கிட்டேன். அதனால், விஜய் நீங்க பாசிட்டிவ் கேரக்டர் பண்றீங்களான்னு கேட்டேன். நீங்கள் என்ன நினைக்குறீங்கன்னு அவர் என்னிடம் திருப்பிக் கேட்டார். 
 

இது வேறமாதிரி கேரக்டர்ன்னு சொன்னென். விஜய்யும் அந்தக் கேரக்டர் மேல் மிக அதிகமான நம்பிக்கை வச்சுருந்தார். 7 படம் நடித்த பிறகுதான் இந்தப் படத்தில் அவர் நடிக்க முடியும். அப்படியிருந்தும் பிரியமுடன் நடித்தாகணும்னு உறுதியாக இருந்தார். எந்த புரடக்‌ஷனும் ஒத்துக்கவில்லை. விஜய் “யார் இந்தப் படத்தை எடுக்கிறார்களோ அவர்களுக்குகாக நான் இன்னோரு படம் நடிக்கிறேன்” என்றுகூட சொன்னார். அப்போ விஜயை வைத்து எஸ்.ஏ.சி சார் ஒரு படம் டிரைக்ட் பண்ணுறதா பூஜையெல்லாம் போட்டு ரெடியாக இருந்துச்சு. அவரிடம் விஜய் “நான் யார் கிட்ட கெஞ்சுறது? நீங்கதான் எனக்கு விட்டுக்கொடுக்கணும்”னு கேட்டு எஸ்.ஏ.சி சாரின் படத்தை தள்ளிப் போட்டுவிட்டு ‘பிரியமுடன்’படத்தில் நடித்தார். விஜய் “கண்டிப்பா நெகட்டிவ் கேரக்டரில் தான் நடிக்கப்போறேன், இதில் சமரசமே பண்ணாதீங்க”அப்படினு சொல்லியிருந்தார். 
 

கிளைமேக்ஸில் விஜய் சாகணும், விஜய்யின் அப்பா அதற்கு ஒத்துக்கலை. ஒரு நல்ல ரசிகர்கள் இருக்காங்க அப்படினு தயங்கினார். விஜய் தான் என் கெரியரில் இப்படி ஒரு கேரக்டரில் கண்டிப்பா நடிக்கணும்னு சொல்லி அவரை சமாதானப்படுத்தினார். ஒரு முக்கியமான சீன் இருக்கு, ஆனால் அது படத்தில் வரலை. எந்த படத்தை எடுத்துக்கொண்டாலும் நெகட்டிவ் கேரக்டர் பிரியமுடன் லயனை டச் பண்ணாமல் போக முடியாது. ஏனென்றால், அதற்கான லாஜிக் பாயிண்ட் எல்லாமே அதில் இருக்கும். வாலி படத்தில்கூட அஜித் கடைசியாக சொல்லுவார் நீ பார்க்குறதுக்கு முன்னாடியே நான் அவளைப் பார்த்துட்டேன் என்று. பிரியமுடன் படத்தில் முதலில் விஜய் காதலித்த பொண்ணு அது. அவரோட நண்பன் கேரக்டர் ரத்தம் மட்டும் தான் கொடுத்திருப்பான், அப்போ விஜய்  நண்பன் கிட்ட “மச்சா, உன்ன அவள் பார்க்கணும்னு நினைக்குறதுக்கு முன்னாடியே நான் அவளை லவ் பண்ணிட்டேன் டா, முதலில் என்னைப் பார்த்திருந்தால் அவள் என்னைத்தான் லவ் பண்ணியிருப்பாள்” என்றுச் சொல்லுவார். அவன் அதை ஒத்துக்கவே மாட்டான். இல்ல இல்ல, அவள் என்னைத்தான் லவ் பண்ணுறானு சொல்லுவான். விஜய் “கிடையாது டா, நான் லவ் பண்ணிட்டேன், உன்கிட்ட சொன்னதெல்லாம் அவளைப் பற்றிதான் டா, உனக்குத் தெரியும்ல நான் எவ்வளவு ஆழமாக லவ் பண்ணுறன்னு” என்றுச் சொல்லிப்பார்ப்பார். ஒரு கட்டத்தில் அவனை அடிச்சுடுவார், அவன் பள்ளத்தாக்கின் கீழே விழப்போவான், விஜய் அவனின் கையைப்புடிச்சு காப்பாற்ற முயற்ச்சிச் செய்வார். அவன் கீழே தொங்கிக்கிட்டு இருப்பான், விஜய் கையின் நுனியில் பிடித்திருப்பார், அப்போது விஜய் கேட்ப்பார் “மச்சா, இப்பயாவது எனக்காக விட்டுக்கொடுத்துடுடா, எனக்கு அந்த பொண்ணு வேணும் டா, நீயும் எனக்கு வேணும்னு சொல்லுவார். அவன் உயிரே போனாலும் நான் உண்மையை சொல்வேன் அப்டினு சொல்லிட்டெ இருக்கும்போது அந்தப் பொண்ணு விஜயைக் கூப்பிட்டுக்கிட்டே பக்கத்தில் வந்துடுவாங்க. விஜய் திரும்பிப் பார்த்துட்டு நண்பனோட கையை விட்டுட்டு சிரிப்பார். காதலுக்காக எதையும் செய்ய துணிஞ்ச ஒரு கேரக்டர், நண்பன் என்றுக்கூட பார்க்காமல் கையை விட்டுட்டு அப்புறம் வீட்டுக்குப் போய் அழுவார். விஜய் அனுபவிச்சு அந்த சீனில் நடித்திருந்தார். முன்னோட்டம் பார்க்கும்போது விஜய் எழுந்து வெளியே போயிட்டார். இந்த சீனை ஏன் தூக்கிட்டீங்கனு கோபப்பட்டார். படத்தைப் பார்த்துட்டு அஜித் என்னைக் கூப்பிட்டு “இந்த கேரக்டரை நான் பண்ணியிருக்கணும் செல்வா”னு சொன்னார். அவரும் அந்த கேரக்டரில் இன்வால்வ் அகிட்டார்.