இயக்குனர் அவதாரம் எடுக்கும் விஜய் பட நடிகை...

மலையாள சினிமாவில் நடிகையாக அறிமுகமாகி, பின்னர் தமிழில் 'கண்ணுக்குள் நிலவு', 'சமுத்திரம்' உள்ளிட்ட படங்களில் முக்கிய கதாபாத்திரங்களில் நடித்தவர் கல்யாணி. தற்போது இயக்குனர் மற்றும் தயாரிப்பாளர் அவதாரம் எடுத்திருக்கிறார்.

style="display:block"

data-ad-client="ca-pub-7711075860389618"

data-ad-slot="8252105286"

data-ad-format="auto"

data-full-width-responsive="true">

ஹோலி பண்டிகையை முன்னிட்டு இப்படம் குறித்த அறிவிப்பை அறிக்கையின் மூலம் வெளியிட்டுள்ளார் கல்யாணி. அதில், “நான் நடிகை காவேரி (எ) கல்யாணி. இதுவரை எனக்கு அன்பும் பேராதரவும் அளித்துக் கொண்டிருக்கிற தயாரிப்பாளர்கள், இயக்குநர்கள், தொழில்நுட்பக் கலைஞர்கள், சக நடிக-நடிகையர், ஊடக நண்பர்கள், மக்கள் தொடர்பாளர்கள், நலம் விரும்பிகள் ஆகிய அனைவருக்கும், இத்தருணத்தில் எனது மனப்பூர்வமான நன்றியைத் தெரிவித்துக் கொள்கிறேன்.

‘K2K புரொடக்‌ஷன்ஸ்’ என்ற பெயரில், ஒரு இயக்குநர் - தயாரிப்பாளராக நான் அடியெடுத்துவைக்கும் இந்தப் புதிய முயற்சிக்கும் உங்களது அன்பும் ஆதரவும் நல்குமாறு வேண்டுகிறேன். ‘K2K புரொடக்‌ஷன்ஸ்’ சார்பாக எங்களது முதல் தயாரிப்பாக, தமிழ்-தெலுங்கு ஆகிய இரு மொழிகளில், உண்மை நிகழ்வுகளைக் அடிப்படையாகக் கொண்ட ஒரு தனித்துவமான காதல் கதையை, உளவியல் த்ரில்லர் திரைப்படமாக உருவாக்கியிருக்கிறோம்” என்று தெரிவித்துள்ளார்.

மேலும் இந்த படத்தின் டீஸர் கிளிம்ஸை இயக்குனர் கௌதம் மேனன் தனது ட்விட்டர் பக்கத்தில் வெளியிட்டுள்ளார்.