தொடர் ஒர்க் -அவுட், அஞ்சலியின் நியூ லுக்!

பலூன் படத்திற்கு பிறகு நடிகை அஞ்சலி தற்போது தமிழ், மலையாளத்தில் தயாராகி உள்ள பேரன்பு படத்தில் மம்முட்டியுடன் நடித்து முடித்துள்ளார். இதையடுத்து,விஜய் ஆண்டனி ஜோடியாக காளி படத்திலும் நடித்து முடித்துள்ளார். இவ்விரு படங்களும் விரைவில் வெளியாக இருக்கின்ற நிலையில் அஞ்சலி தற்போது சசிகுமாருடன் நாடோடிகள்-2 படத்திலும், குண்டூர் டாக்கீஸ் என்ற தெலுங்கு படத்திலும் நடித்து வருகிறார். இந்நிலையில் சில மாதங்களுக்கு முன் குண்டாக காணப்பட்ட அஞ்சலியை டைரக்டர்கள் பலரும் அடுத்தடுத்து நடிக்கும் கதாபாத்திரத்துக்காக உடல் எடையை குறைக்கும்படி வற்புறுத்தினர். இதையடுத்து அவர் சமீபத்தில் ஒல்லியான தோற்றத்திற்கு மாறினார். இதற்காக கடுமையான உடற்பயிற்சியும் செய்து வருகிறார். மேலும் இதை தக்கவைத்துக்கொள்ள ஜிம்மிலேயே நீண்ட நேரம் செலவிடுவதாக தகவல்கள் வெளியாகியுள்ளன. இந்நிலையில் அஞ்சலி ஜிம்மில் தீவிர உடற்பயிற்சி செய்யும் வீடியோவை தற்போது சமூக வலைத்தளத்தில் வெளியிட்டு உள்ளார். இது தற்போது வேகமாக வைரலாகி வருகிறது.