Skip to main content

ஹன்சிகாவின் பார்ட்னராகும் ஆதி

Published on 20/03/2019 | Edited on 20/03/2019

ஆர்.எப்.சி கிரியேஷன்ஸ் சார்பாக எஸ்.பி.கோலி தயாரிக்கும் புதிய படமான "பார்ட்னர்" படத்தில் முதன்முறையாக ஆதியும் ஹன்சிகாவும்  இணைகிறார்கள். ஈரம், அரவான், யூ-டர்ன் ஆகிய படங்கள் மூலமாக தமிழ் ரசிகர்களின் மனதில் நல்ல நடிகர் என்ற பெயரைப் பெற்றிருக்கும் நடிகர் ஆதியும், தமிழக இளைஞர்கள் மட்டுமல்லாது எல்லாத் தரப்பு ரசிகர்களாலும் 'மகா' நடிகையாக ஏற்றுக்கொள்ளப்பட்ட ஹன்சிகாவும் இணையும் ''பார்ட்னர்'' படத்தில் ஆதிக்கு ஜோடியாக பாலக் லல்வாணி நடிக்கிறார்.

 

aadhi

 

இவர்  குப்பத்து ராஜா படத்தில் ஜீ.வி.பிரகாஷுக்கு ஜோடியாக நடித்திருக்கிறார். மேலும் பாண்டியராஜன், யோகிபாபு, ரோபோசங்கர், வி.டி.வி கணேஷ், ஜான்விஜய், ரவிமரியா, 'டைகர் கார்டன்' தங்கதுரை ஆகியோர் முக்கிய கதாபாத்திரத்தில் நடிக்கும் இப்படத்தை டோரா படத்தில் இணை இயக்குநராக பணியாற்றிய மனோஜ் தாமோதரன் இயக்குகிறார். இவர் இயக்குநர் சற்குணத்திடம் உதவி இயக்குநராக பணிபுரிந்தவர். 

 

 

மேலும் படம் குறித்து அவர் பேசியபோது... "இப்படம் முழுக்க முழுக்க காமெடியை அடிப்படையாக கொண்டது. அதே சமயம் படத்தில் சயின்ஸ் பிக்‌ஷன் கலந்த ஒரு பேண்டசி விஷயமும் இருக்கிறது. அது ரசிகர்களை வெகுவாக கவரும். அந்த வகையில் படத்தின் திரைக்கதை அமைக்கப் பட்டிருக்கிறது. படத்தில் மிக முக்கிய அம்சமாக ஹன்சிகாவின் கதாபாத்திரம் இருக்கும். நடிகர் ஆதிக்கு இப்படம் அவரது கரியரில் முக்கியமான படமாக இருக்கும். மேலும் ஆதியின் ஜோடியாக நடிக்கும் பாலக் லல்வாணி உள்பட படத்தில் பங்குபெறும் அத்தனை கதாபாத்திரங்களும் பெரிதாகப் பேசப்படும். இந்தப் பார்ட்னர் நிச்சயம் பக்கா எனர்ஜிடிக் மற்றும் எண்டெர்டெயின்மெண்ட் மூவியாக இருக்கும்" என்றார். இன்று பூஜையோடு இப்படத்தின் படப்பிடிப்பு துவங்கியது.

 

சார்ந்த செய்திகள்

Next Story

"உண்மையில் அந்த பழக்கமே எனக்கு இல்லை" - ஹன்சிகா

Published on 03/07/2023 | Edited on 03/07/2023

 

hansika about Partner movie

 

ஆதி, ஹன்சிகா மோத்வானி, பாலக் லால்வானி, யோகி பாபு, பாண்டியராஜன் உள்ளிட்ட பலர் நடித்து அறிமுக இயக்குநர் மனோஜ் தாமோதரன் இயக்கியிருக்கும் படம் பாட்னர். இப்படத்திற்கு சந்தோஷ் தயாநிதி இசையமைத்திருக்கிறார். நகைச்சுவையை மையப்படுத்தி தயாராகி இருக்கும் இந்த திரைப்படத்தை ராயல் ஃபார்ச்சூனா கிரியேஷன்ஸ் எனும் பட நிறுவனம் சார்பில் தயாரிப்பாளர் கோலி சூரியபிரகாஷ் தயாரித்திருக்கிறார்.

 

இப்படத்தின் ட்ரைலர் அண்மையில் வெளியாகி ரசிகர்களின் வரவேற்பைப் பெற்று வருகிறது. இம்மாதம் இப்படம் வெளியாகவுள்ளதாக படக்குழு குறிப்பிட்ட நிலையில் விரைவில் தேதி அறிவிப்பார்கள் என எதிர்பார்க்கப்படுகிறது. 

 

இப்படம் குறித்து ஹன்சிகா பேசுகையில், "திரைத்துறையில் 20 ஆண்டுகளைக் கடந்துள்ளேன். சினிமாவை தாண்டி 31 குழந்தைகளை தத்தெடுத்து வளர்த்து வருவதால் அவர்களுக்கான கல்வி விஷயங்களுக்கும் முக்கியத்துவம் கொடுத்து வருகிறேன். இதுவரை நான் நடித்த கதாபாத்திரங்களில் மது சம்பந்தமான காட்சிகள் ஹிட்டாகி ட்ரெண்டானது. அது போன்ற காட்சிகள் இப்படத்திலும் இருக்கிறது. ஆனால், உண்மையில் எனக்கு குடிப்பழக்கமே கிடையாது. ஒரு ஆண் பெண் ்உருவத்திற்கு மாறினால் எப்படி இருக்கும் என்ற கதாபாத்திரத்தில் நான் நடித்தது சவாலாக இருந்தது. கதாபாத்திரம் பிடித்துவிட்டதால் நடித்தேன். ரசிகர்களுக்கு இப்படம் கண்டிப்பாக பிடிக்கும்" என்றார்.