Skip to main content

'30 வருட திரைப் பயணம்' - தமிழ் ரசிகர்களை மகிழ்வித்த ஷாருக்கான்

 

'30 Years of cinema journey'- Shah Rukh Khan released his 'pathan' movie poster

 

இந்தி திரையுலகில் முன்னணி நடிகராக வலம் வரும் ஷாருக்கானுக்கு இந்தியா முழுவதும் ரசிகர்கள் இருக்கிறார்கள். இவர் நடித்த பல படங்கள் தமிழில் டப் செய்து திரையரங்கில் வெளியாகி இருக்கிறது. ஷாருக்கான், தற்போது அட்லீ இயக்கும் 'ஜவான்' மற்றும் பிரபல இயக்குநர் ராஜ்குமார் ஹிரானி இயக்கத்தில் 'டன்கி' படத்திலும் நடிக்கிறார். இதனிடையே 'யாஷ் ராஜ் பிலிம்ஸ்' தயாரிப்பில் 'பதான்' படத்தில் நடிக்கிறார். சித்தார்த் ஆனந்த் இயக்கும் இப்படத்தில் தீபிகா படுகோன், ஜான் ஆப்ரஹாம் உள்ளிட்ட பலர் முக்கிய கதாபாத்திரத்தில் நடிக்கின்றனர். 

 

இந்நிலையில் ஷாருக்கான், திரையுலகிற்கு வந்து 30-ஆண்டுகள் ஆகிறது. இதனையொட்டி ரசிகர்கள் மற்றும் திரைபிரபலங்கள் பலரும் தங்களது வாழ்த்துக்களை சமூக வலைத்தளங்களில் தெரிவித்து வருகின்றனர். அந்த வகையில் 'பதான்' படக்குழு படத்தின் மோஷன் போஸ்டர் மற்றும் போஸ்டரை வெளியிட்டுள்ளது. மேலும் இப்படம் அடுத்த ஆண்டு ஜனவரி மாதம் 25-ஆம் தேதி இந்தி, தமிழ் மற்றும் தெலுங்கு மொழிகளில் வெளியாகும் எனப் படக்குழு அதிகாரப்பூர்வமாக அறிவித்துள்ளது.

 

 

 

சார்ந்த செய்திகள்