Skip to main content

"30 கோடி வசூல்; 9 படங்கள் கைவசம்" - விஷ்ணு விஷால் பெருமிதம்

Published on 07/12/2022 | Edited on 07/12/2022

 

  30 crore collection; 9 films in hand - Vishnu Vishal

 

கட்டா குஸ்தி திரைப்படத்தின் வெற்றிக்கு நன்றி தெரிவிக்கும் விதமாக பத்திரிகையாளர் சந்திப்பு நடைபெற்றது. இந்த நிகழ்வில் கட்டா குஸ்தி திரைப்படத்தின் தயாரிப்பாளர் மற்றும் நடிகர் விஷ்ணு விஷால் பேசியது.,

 

எனக்கு சார்பட்டா பரம்பரை படம் மிகவும் பிடித்திருந்தது; அதைப் போலவே சண்டைக்காட்சிகள் வேண்டுமென்று விரும்பியதால் இந்த திரைப்படத்திற்கு அன்பு அறிவு மாஸ்டர் தான் சண்டைப் பயிற்சி செய்ய வேண்டும் என்று கேட்டுக் கொண்டேன்; மாஸ்டர் நீங்க பண்ணலையின்னா நான் இந்த படத்தை பண்ணவில்லை என்று கேட்டுக் கொண்டேன். கதையைக் கேட்டுவிட்டு அவர்களின் பிசியான நேரத்திலும் என் படத்திலும் பணியாற்றினார்கள்; அவர்களுக்கு என் நன்றி

 

அடுத்தபடியாக என் வாழ்வில் இருக்கும் பெண்கள்; என் அம்மா இல்லத்தரசி, உலகத்திலேயே மிக கஷ்டம் என்பது இல்லத்தரசியாக இருப்பதுதான். அப்புறம் என் அக்கா, ஒரு பன்னாட்டு வங்கியில் பணிபுரிகிற அவர்களும் இந்தப் படத்திற்காக என பொருளாதார ரீதியாக ஆதரவு அளித்தார்கள். அடுத்தபடியாக என் பையனோட அம்மா (விவாகரத்து செய்யப்பட்டது குறிப்பிடத்தக்கது) அவங்களும் நான் ஒரு நடிகராக இந்த மேடையில் நிற்பதற்கு ஒரு காரணம், அடுத்து என் மனைவி. இப்படியான பெண்களுக்கும் கனவுகள் இருக்கும் அதற்கு ஆதரவு அளிக்க வேண்டும். ஆணும் பெண்ணும் ஒன்றுதான் என்ற கருத்தை சொன்னதால் இந்தப் படம் பண்ணவே ஒப்புக்கொண்டேன்

 

எனக்கு மார்கெட்டே இல்லையென்றார்கள். இந்தப் படம் 30 கோடி ரூபாய் வரை வசூலித்திருக்கிறது. இப்பொழுது என்னிடம் 9 படங்கள் கை வசமிருக்கிறது. நான் இன்னும் வளர்ந்து வருவேன் என நம்பிக்கை இருக்கிறது.

 


 

சார்ந்த செய்திகள்

Next Story

அருண்ராஜா காமராஜ் இயக்கத்தில் விஷ்ணு விஷால்

Published on 05/02/2024 | Edited on 05/02/2024
vishnu vishal new movie with arunraja kamaraj

லால் சலாம், மோகன்தாஸ், ஆர்யன் உள்ளிட்ட படங்களை விஷ்ணு விஷால் கைவசம் வைத்துள்ளார். மேலும் ராம்குமார் இயக்கத்தில் ஒரு படம் நடித்து வருகிறார். இதில் லால் சலாம் படத்தை ஐஸ்வர்யா ரஜினிகாந்த் இயக்கி வரும் நிலையில், ரஜினி சிறப்புத் தோற்றத்தில் நடித்துள்ளார். இப்படம் வருகிற பிப்ரவரி 9 ஆம் தேதி வெளியாகவுள்ளது. 

இதனைத் தொடர்ந்து இதற்குத்தானே ஆசைப்பட்டாய் பாலகுமாரா, காஷ்மோரா உள்ளிட்ட சில படங்களை இயக்கிய கோகுல் இயக்கத்தில் ஒரு படமும், கட்டா குஸ்தி பட இயக்குநர் செல்லா அய்யாவு இயக்கத்தில் ஒரு படமும் தயாரித்து நடிக்கவுள்ளார். 

இந்த நிலையில், தற்போது விஷ்ணு விஷால் நடிக்கும் புது படத்தின் அறிவிப்பு வெளியாகியுள்ளது. அருண்ராஜா காமராஜ் இயக்கத்தில் நடிக்க ஒப்பந்தமாகியுள்ளார். ரோமியோ பிக்சர்ஸ் ராகுல் இப்படத்தை தயாரிக்கிறார். ரோமியோ பிக்சர்ஸ் நிறுவனம் இப்படத்தினை பெரும் பொருட்செலவில் பிரம்மாண்டமாக தயாரிக்கவுள்ளது. இப்படத்தின் தலைப்பு, படத்தில் பணியாற்றவுள்ள நடிகர்கள், தொழில்நுட்பக் கலைஞர்கள் மற்றும் படம் குறித்த மற்ற விவரங்கள் விரைவில் அதிகாரப்பூர்வமாக அறிவிக்கப்படும்.

Next Story

மீண்டும் இணைந்த வெற்றிக் கூட்டணி

Published on 23/01/2024 | Edited on 23/01/2024
vishnu vishal once again joined with gatta kusthi movie director

லால் சலாம், மோகன்தாஸ், ஆர்யன் உள்ளிட்ட படங்களை விஷ்ணு விஷால் கைவசம் வைத்துள்ளார். மேலும் ராம்குமார் இயக்கத்தில் ஒரு படம் நடித்து வருகிறார். இதில் லால் சலாம் படத்தை ஐஸ்வர்யா ரஜினிகாந்த் இயக்கி வரும் நிலையில், ரஜினி சிறப்புத் தோற்றத்தில் நடித்துள்ளார். இப்படம் வருகிற பிப்ரவரி 9ஆம் தேதி வெளியாகவுள்ளது. 

இதனைத் தொடர்ந்து இதற்குத்தானே ஆசைப்பட்டாய் பாலகுமாரா, காஷ்மோரா உள்ளிட்ட சில படங்களை இயக்கிய கோகுல் இயக்கத்தில் நடிக்க கமிட்டாகியுள்ளார். இதனை விஷ்ணு விஷாலே அவரது தயாரிப்பு நிறுவனமான விஷ்ணு விஷால் ஸ்டூடியோஸ் சார்பாக தயாரிக்கிறார். 

இந்த நிலையில் தற்போது அடுத்த படத்திற்கான அறிவிப்பை அறிவித்துள்ளார். கட்டா குஸ்தி பட இயக்குநர் செல்லா அய்யாவு இயக்கத்தில் மீண்டும் ஒரு படத்தில் நடிக்க கமிட்டாகியுள்ளார். இப்படத்தை விஷ்ணு விஷாலே தயாரிக்கிறார். இது குறித்து பேசிய விஷ்ணு விஷால், “கட்டா குஸ்தி படத்திற்கு நீங்கள் கொடுத்த அன்பு தான் எங்களை மீண்டும் இணைய வைத்துள்ளது. விரைவில் அடுத்தடுத்த அப்டேட் வரும்” என அவரது எக்ஸ் பக்கத்தில் குறிப்பிட்டுள்ளார்.