‘துள்ளுவதோ இளமை’ பட நடிகர் அபிநய் காலமானார்

தனுஷ் நடித்த ‘துள்ளுவதோ இளமை’ படத்தின் மூலம் அறிமுகமானவர் நடிகர் அபிநய். பின்பு மலையாளத்தில் கவனம் செலுத்தி வந்தார். தொடர்ச்சியாகத் துணை கதாபாத்திரத்தில் நடித்து வந்த இவர் கடைசியாக சந்தானம் நாயகனாக நடித்த ‘வல்லவனுக்கு புல்லும் ஆயுதம்’ படத்தில் ஒரு சிறிய கதாபாத்திரத்தில் நடித்திருந்தார். இந்த படம் 2014ஆம் ஆண்டு வெளியான நிலையில் அதன் பிறகு இவர் எந்த படத்திலும் அவர் நடிக்கவில்லை. இதனிடையே நிறைய விளம்பர படங்களிலும் நடித்திருந்தார்.

இவர் அண்மைக் காலமாக லிவர் சிரோசிஸ்(Liver Cirrhosis) எனப்படும் கல்லீரல் நோயால் பாதிக்கப்பட்டு மருத்துவமனையில் சிகிச்சை பெற்று வந்தார். இது தொடர்பான புகைப்படங்கள் சமூக வலைதளங்களில் வெளியாகி பலருக்கும் அதிர்ச்சியை ஏற்படுத்தியது. அதில் அவருடைய வயிற்றுப் பகுதி அளவுக்கு அதிகமாக வீங்கி இருப்பது பலரையும் கலங்கடிக்கச் செய்தது. பின்பு மருத்துவமனை சிகிச்சைக்கு நிதியுதவி கேட்டு வந்தார். கேபிஒய் பாலா உதவி செய்தார். பின்ப்ய் தனுஷ் பெரிய தொகை கொடுத்ததாக தகவல் வெளியானது. 

இதையடுத்து மெல்ல அதில் இருந்து மீண்டு வந்தார். ஆனால் தற்போது இன்று காலை அவர் உடல்நலக்குறைவால் காலமானார். அவருக்கு வயது 44. இவரது மறைவு தமிழ் திரையுலகில் சோகத்தை ஏற்படுத்தியுள்ளது.