Skip to main content

ஆதனூர் சோழன் எழுதும் பாஜகவின் ஊழல்கள் ஏ டூ இஸட்!!! பகுதி- 12

Published on 22/08/2019 | Edited on 22/08/2019

நூறுநாள் வேலைத் திட்ட நிதியை விழுங்கிய ஹரியானா பாஜக!- MGNREGA SCAM (HARYANA).

 

THODARGAL ATHANUR CHOZHAN BJP SCAM A TO Z PART 12


ஹரியானா மாநிலத்தில் மகாத்மா காந்தி கிராமப்புற 100 நாள் வேலைத் திட்டத்தில் அம்பாலா மாவட்டத்தில் 2007 முதல் 2020 வரை 25 கோடி ரூபாய் ஊழல் செய்த நான்கு ஐஏஎஸ் அதிகாரிகளை பாஜக அரசு காப்பாற்ற முயன்றது. இந்த ஊழல் அம்பலமாகி, ஏழைகளின் வயிற்றில் அடிக்க முயன்ற பாஜகவின் முகமூடி கிழிக்கப்பட்டது.

 

கும்பமேளா நடத்தியதிலும் கோடிக்கணக்கில் ஊழல்!- MAHA KUMBH MELA SCAM (UTTARAKHAND).

 

THODARGAL ATHANUR CHOZHAN BJP SCAM A TO Z PART 12


2010 ஆம் ஆண்டு கும்பமேளா நடத்துவதற்காக மத்திய அரசு 565 கோடி ரூபாயை ஒதுக்கியது. இந்த விழாவுக்காக அறிவிக்கப்பட்ட பல வேலைகள் முடிவுறாமல் அரைகுறையாக கைவிடப்பட்டு, அதற்காக ஒதுக்கப்பட்ட நிதியை பாஜக தலைவர்கள் விழுங்கி ஏப்பம் விட்டிருப்பது தெரியவந்தது. தகவல் அறியும் உரிமை சட்டத்தின் கீழ் ரமேஷ் சந்தர் சர்மா என்பவர் இந்த ஊழலை அம்பலப்படுத்தினார். 180 கோடி ரூபாய் மதிப்புள்ள 54 வேலைகள் இப்படி கைவிடப்பட்டதாக அவர் தெரிவித்தார்.

 

மோடி கேட் ஊழல்!- MODIGATE.

 

THODARGAL ATHANUR CHOZHAN BJP SCAM A TO Z PART 12


 

2010 ஆம் ஆண்டு ஐபிஎல் கிரிக்கெட் முடிந்தவுடன் அதன் சேர்மன் லலித் மோடியை பிசிசிஐ சஸ்பெண்ட் செய்தது. ஐபிஎல் கிரிக்கெட்டில் ஏராளமாக முறைகேடு செய்ததாக அவர் மீது குற்றம் சாட்டப்பட்டது. அவர் மீது அமலாக்கத்துறை விசாரணை தொடங்கவிருந்தது. இதையடுத்து அவர் லண்டனுக்கு தப்பிச் சென்றார். 2010 ஆண்டு அவருடைய பாஸ்போர்ட்டை அன்றைய காங்கிரஸ் தலைமையிலான ஐமுகூ அரசு முடக்கியது. அதை எதிர்த்து அவர் டெல்லி உயர்நீதிமன்றத்தில் வழக்கு தொடர்ந்தார். அவருக்காக பாஜக அமைச்சர் சுஷ்மா சுவராஜின் கணவரும் மகளும் வழக்காடினார்கள். 2011 ஆம் ஆண்டு மற்றொரு பாஜக தலைவரான வசுந்தரா ரஜே லலித் மோடிக்கு ஆதரவாக, அவர் பிரிட்டனுக்கு குடியேறுவதற்கான ஆவணங்களில் கையெழுத்திட்டார்.

 

ராஜஸ்தான் சுரங்க ஊழல்!- MINING SCAM (RAJASTHAN).
 

THODARGAL ATHANUR CHOZHAN BJP SCAM A TO Z PART 12


 

சுரங்கங்களுக்கான நிலம் ஒதுக்கும் ஒப்பந்தங்களில் ராஜஸ்தான் மாநில வசுந்தரா ரஜே அரசு கையெழுத்திட்டது. 2014 அக்டோபர் 30 ஆம் தேதி முதல் 2014 ஆம் ஆண்டு ஜனவரி 12 தேதிக்கு இடையில் 45 ஆயிரம் கோடி ரூபாய் அளவுக்கு இந்த ஒப்பந்தங்கள் இருந்தன. கடைப்பிடிக்க வேண்டிய ஏல விதிமுறைகளை மீறி இந்த ஒப்பந்தங்கள் கையெழுத்தாகின. சுமார் 22 ஆயிரத்து 86 ஹெக்டேர் நிலத்தில் 63 சுரங்கங்கள் தோண்டுவதற்கான லெசென்சுகளும், குத்தகை உரிமங்களும் கையெழுத்திடப்பட்டதாக குற்றம்சாட்டப்பட்டது.

 

மல்லையா தப்ப உதவி!- MALLYA ESCAPE.
 

THODARGAL ATHANUR CHOZHAN BJP SCAM A TO Z PART 12


தொழில் அதிபர் விஜய் மல்லையாவை சிபிஐ தீவிரமாக தேடிவந்த நிலையில் அவர் நாட்டை விட்டு தப்ப பாஜக அரசு உதவியது. மல்லையாவுக்கு எதிராக சிபிஐ வழக்கு பதிவு செய்து, நோட்டிஸும் அனுப்பப்பட்ட நிலையில் அவர் தப்பினார். சுமார் 9 ஆயிரம் கோடி ரூபாய் அளவுக்கு அவர் கடன் செலுத்த வேண்டியிருப்பதால் பல்வேறு பொதுத்துறை வங்கிகள் மல்லையா நாட்டைவிட்டு செல்வதை தடுக்க வேண்டும் என்று வழக்குத் தொடுத்திருந்தன.

 

மருந்து வாங்கியதிலும் ஊழல்!- MEDICINE PURCHASE SCAM (MAHARASHTRA).
 

THODARGAL ATHANUR CHOZHAN BJP SCAM A TO Z PART 12



மகாராஸ்டிரா மாநிலத்தில் தேசிய சுகாதார சேவையின் கீழ் மருந்து கொள்முதல் செய்து வினியோகிக்க ஏற்படுத்தப்பட்ட விதிமுறைகளை அந்த மாநில அரசு மீறியது. அவசர அவசரமாக 549 வகையான மருந்துகளை 297 கோடி ரூபாய் அளவுக்கு கொள்முதல் செய்தது. 2015 ஆம் ஆண்டு மார்ச் மாதம் 31 ஆம் தேதி கொள்முதல் செய்ததில் பெருமளவு ஊழல் நடைபெற்றதாக குற்றம்சாட்டப்பட்டது.


 

 

Next Story

தேவதாசிகளின் உண்மை வரலாறு!

Published on 31/12/2019 | Edited on 31/12/2019

தேவதாசி என்ற வார்த்தை அவ்வப்போது சர்ச்சையை ஏற்படுத்தி இருக்கிறது. எனவே, தேவதாசி என்று அழைக்கப்பட்டவர்கள் யார்? அவர்கள் எப்படி உருவானார்கள்? அந்த வரலாற்றின் கரு எங்கு உற்பத்தியாகியது? இப்போது அந்த வார்த்தைக்கு கற்பிக்கப்படுகிற  அர்த்தம் நிஜம்தானா? என்பது பற்றி தெரிந்து கொள்ள முயற்சி செய்தோம். அதன் விளைவே இந்த வரலாற்று சுருக்கம்.
 

தேவதாசி என்பது வடமொழிச் சொல் என்கிறார்கள். கி.பி.ஆறாம் நூற்றாண்டில்தான் இந்த தேவதாசி முறை புழக்கத்தில் இருந்தது என்று சிலர் கூறினாலும், சிந்து சமவெளி நாகரிக காலத்திலும், அதற்கு முந்தைய வேத காலத்திலும் இந்த பழக்கம் நடைமுறையில் இருந்தது என்று ஆய்வுகளில் நிரூபிக்கப்பட்டுள்ளது.

devadasi true history temples mandapam


ஆலயங்களில் இசை, நடனம் உள்ளிட்ட கலைகளின் வழியாக சேவையாற்றியவர்களே தேவதாசிகள் என்று அழைக்கப்பட்டனர். சமூகத்தில் உயர்ந்த நிலையில் வைக்கப்பட்டிருந்த பெண்கள் ஒரு பகுதி ஆண்களால் பாலியல் பொருளாக ஆக்கப்பட்டனர் என்கிறது வரலாறு. தேவதாசி என்ற வார்த்தையை பயன்படுத்தினாலே உயர்ந்தபட்ச கொதிநிலைக்கு சிலர் ஆளாவது ஏன் என்பதற்கு முடிந்த அளவுக்கு விளக்கம் சொல்வதே நமது நோக்கம்.
 

மிகப் பழமையான காலத்திலேயே தேவதாசி முறை இருந்திருக்கிறது. இந்தியாவின் தொன்மை நாகரிகம் என்று கருதப்படும் சிந்து சமவெளி நாகரித்திலேயே நடனக்கலை முக்கிய அம்சமாக இருந்திருக்கிறது. நாட்டியப் பெண்மணியை சித்தரிக்கும் மிகச்சிறிய வெண்கலச் சிலை கண்டெடுக்கப்பட்டுள்ளது. ஆரியர்களின் ரிக் வேதத்திலும் கூட நடனமாதுகள் பற்றிய குறிப்புகள் இருக்கின்றன. உஷா என்ற ஆடல் அரசியை ரிக் வேதம் வர்ணிக்கிறது. அதன்பிறகு வந்த புராணங்களிலும் இந்த நடனமாது கதாபாத்திரம் வருகிறது.
 

தேவதாசி என்ற வார்த்தை பலவிதமாக பயன்படுகிறது. ஆந்திராவில் மாதங்கி என்றும் விலாசினி என்றும், கொங்கனியில் நாயகி என்று், மராட்டியத்தில் பாசவி என்றும், கர்நாடாகவில் சூலி, சானி எனவும், ஒடிஸாவில் மக எனவும், உத்தரப்பிரதேசத்தில் பாலினி எனவும் தேவதாசிகளை அழைக்கிறார்கள்.

devadasi true history temples mandapam

சங்க இலக்கியங்கள் கலையறிந்த பெண்களை பதியிலாள், மாணிக்கம், தளிச்சேரி, பெண்டுகள் என்று அடையாளப்படுத்துகின்றன. இந்த வார்த்தைகளின் அர்த்தம் எல்லா வகையிலும் அந்தப் பெண்களை பெருமைப்படுத்துவதாகவே இருப்பதாக அறிஞர்கள் கூறியுள்ளனர். சைவ மற்றும் வைணவ மதங்களில் உள்ள ஆகமங்கள் இத்தகைய பெண்களை ருத்ர கன்னிகைகள் என்றே குறிப்பிடுகின்றன. இவர்கள் உடலாலும், மனதாலும் தூய்மையானவர்கள், சொல் மற்றும் செயலில் அறிவு மற்றும் பொறுமை உடையவர்கள். தோற்றத்தில் இளமையும் மென்மையும் உடையவர்கள் என்று தெரிவிக்கிறது.
 

சைவ சமயக் குறவர்களில் முதன்மையான திருநாவுக்கரசரும் தேவதாசிகளை போற்றிப் பாடுகிறார். சுந்தரமூர்த்தி நாயனாரின் காதல் மனைவி பறவை நாச்சியார் ஒரு தேவதாசி என்கிறார்கள். இவர்கள் இருவரின் காதலுக்கு சிவபெருமான் தூது சென்றதாக புராணங்கள் கூறுகின்றன. தேவதாசிகளின் உயர்வான நிலைக்கு இதுவே சான்று என்கிறார்கள்.
 

தேவதாசிகளில் இரண்டுவகை இருக்கிறார்கள். முதல்வகை பதியிலார் என்று அழைக்கப்படுகிறார்கள். இவர்கள் யாரையும் கணவனாக ஏற்காமல், இறைவனை மட்டுமே மனதில் நினைத்து வாழ்க்கையை நடத்துவார்கள். இவர்களுக்கு நித்ய சுமங்கலிகள் என்ற பெயரும் உண்டு. இரண்டாவது வகையினர் ருத்ர கன்னிகைகள் என்று அழைக்கப்பட்டனர். இவர்கள் இறைவனின் சன்னிதானத்தில் நாட்டியம் ஆடினாலும், தனது மனங்கவர்ந்த கணவன் ஒருவனோடு இல்லறம் நடத்தினார்கள். கணவனோடு வாழ்ந்தாலும், கணவன் இல்லாமல் வாழ்ந்தாலும் இவர்கள் மிகவும் ஒழுக்கமான வாழ்க்கையை நடத்தினார்கள். ஆனால், பிற்காலச் சமூகமே இவர்களை வேறு பாதைக்கு மாற்றியது என்கிறார்கள்.
 

ஒரு குறிப்பிட்ட சமூகத்தை சேர்ந்தவர்களையே இப்போது தேவதாசி பரம்பரையினர் என்று இப்போது கூறப்படுகிறது. ஆனால் இது உண்மையில்லை. பல்வேறு சாதிகளைச் சேர்ந்த பெண்களும் தேவதாசிகளாக இருந்திருக்கிறார்கள் என்று ஆதாரங்களுடன் சொல்கிறார்கள். ஆதி சமூகத்தில் குடும்பத்தில் மூத்த பெண்ணாக பிறக்கும் குழந்தையை கோவிலுக்கு அர்ப்பணித்துவிடும் பழக்கம் இருந்திருக்கிறது. இந்தப் பழக்கம் அந்தணர், மறவர், வேளாளர் என்று சாதி வித்தியாசம் இல்லாமல் எல்லா மக்களிடத்தும் இருந்ததாக கூறுகிறார்கள். தேவதாசி பரம்பரையினர் எண்ணிக்கை அதிகரித்ததால் தங்களை ஒரு சமுதாயமாக அறிவித்துக் கொண்டதாக கருதலாம்.
 

ஆலயங்களில் தேவதாசிகளின் கடமை புனிதமானதாக கருதப்பட்டது. காலை, மாலை, உச்சிக்கால பூஜைகளில் இறைவன் முன் நாட்டியாஞ்சலி செய்வது இவர்களுடைய பணி. அர்த்தஜாம பூஜைக்குப் பிறகு மூர்த்தியை பள்ளியறைக்கு எடுத்துச் செல்லும்போதும், லாலி ஊஞ்சல், திருத்தாழ் அடைப்பு பாடல்களை பாட வேண்டும். ஒரு ஆலயத்தில் பல தேவதாசிகள் இருந்தால் முறை வைத்து பணி செய்தார்கள். ஆடல், பாடல் தெரியாத தேவதாசிகள் மாலை தொடுத்தல், பூஜை பாத்திரங்கள் சுத்தப்படுத்துதல் போன்ற பணிகளை செய்தார்கள்.
 

சுமார் 90 ஆண்டுகளுக்கு முன்புவரை பட்டர்களைப் போலவே தேவதாசிகளும் கருவறைவரை சென்று வந்தனர். இதற்கான ஆதாரங்கள், திருச்செந்தூர் முருகன் ஆலயத்திலும், திருவாரூர் தியாகராஜர் ஆலயத்திலும் இருப்பதாக கூறப்படுகிறது. புத்த, சமண துறவிகளின் பள்ளிகளிலும் தேவதாசிகள் பணிபுரிந்துள்ளனர். புத்தரேகூட தனது இறுதிக் காலத்தில் அமிராபாலி என்ற தேவதாசியிடம் மாந்தோப்பு ஒன்றை தானமாகப் பெற்று சங்கம் நிறுவ பயன்படுத்தியதாக யுவான் சுவாங் குறிப்புகளில் உள்ளது.

devadasi true history temples mandapam


 

வரலாற்றில் பல தேவதாசிகளின் பொதுத் தொண்டுகள் சிறப்பாக பதிவு செய்யப்பட்டுள்ளன. ஒரு ஆலயத்தில் பணிபுரியும் தேவதாசி இறந்துவிட்டால் அவளது உடலை ஆலய மூல மூர்த்திக்கு போர்த்தப்படும் புனித ஆடையை போர்த்தியே எடுத்துச் செல்வார்கள். அன்று முழுவதும் ஆலய வழிபாடு நிறுத்தப்படும். மயானத்திற்கு எடுத்துச் செல்லப்படும் முன், ஆலயத்தின் ராஜகோபுரத்தின் முன் சிறிது நேரம் ஊர்வலம் நிறுத்தப்படும். தேவதாசிகள் ஒழுக்கமற்றவர்களாக இருந்திருந்தால் இத்தகைய மரியாதைக்கு அன்றைய சமூகம் ஒப்புக்கொண்டிருக்குமா? ஊர்வலம் சென்று திரும்பும் உற்சவ மூர்த்திக்கு கண் திருஷ்டி கழிக்கும் உரிமை தேவதாசிக்கு வழங்கப்பட்டது. சிலப்பதிகாரத்தில் மாதவியின் நேர்மைத்திறம், அவளுடைய மகள் மணிமேகலையின் துறவறம் போன்றவை சிறப்பு மிகுந்தவை.
 

இவ்வளவு சிறப்பு வாய்ந்த தேவதாசி முறை பின்னர் ஏன் அவமானச் சின்னமானது? தேவதாசி பரம்பரையில் ஒழுக்கக்கேடு திடீரென வந்துவிடவில்லை. ஆதியில் மூத்த மகளை தேவதாசியாக நேர்ந்து விடும் பழக்கம் இருந்தது. ஆனால், பிற்காலத்தில் சற்று வசதி வந்தபிறகு, மூத்த மகளை தேவதாசியாக்க விரும்பாத சிலர் வேறு ஒரு பெண்ணை விலைக்கு வாங்கி தேவதாசியாக நேர்ந்து விடும் பழக்கம் தொடங்கியது. இப்படிப்பட்ட குறுக்குப் புத்திகளுக்கு வளைந்து கொடுக்கிற வகையில் அன்றைக்கும் சட்டமும் சமூக வழக்கமும் மாறிப்போனது. வசதியற்ற பெண்ணை விலைக்கு வாங்கலாம் என்ற நிலை உருவானபிறகு, இறைவன் முன் மட்டுமே நடனமாட வேண்டிய தேவதாசி அரசன் முன்னும் ஆடலாம் என்ற நிலையும் எளிதாக அறிமுகமாகிவிட்டது.
 

ராஜாதிராஜ சோழன் காலத்தில் 1174ல் பணக்கார வணிகர் நான்கு ஏழைப் பெண்களை 700 தங்கக் காசுகளுக்கு வாங்கி திருவாளங்காடு கோவிலுக்கு அர்ப்பணம் செய்ததாக கல்வெட்டு இருக்கிறது. நாளடைவில், அரசர்களும், அவர்களுக்கு கீழான சிற்றரசர்களும், ஜமீன்தார்களும், பண்ணையார்களும் பல தேவதாசிகளை தங்களுடைய ஆசை நாயகிகளாக வைத்துக் கொண்டனர். அதுவே அவர்களுடைய பணச் செருக்கின் அடையாளமாக கருதப்படும் நிலையும் உருவானது.

பக்தியையும், பரதத்தையும், இசையயும் வளர்த்த தேவதாசிகளை தஞ்சை போன்ற நில உடமையாளர் ஆதிக்கம் நிறை பகுதிகளில் பாலியல் தொழிலில் வலுக்கட்டாயமாக ஈடுபடுத்தினர். அவர்களுக்கு பிறக்கும் குழந்தைகள் அவமானச் சின்னமாக கருதப்பட்டனர். பணக்கார வீடுகளில் விருந்தினர்களை சந்தோஷப்படுத்தவே பல ஏழைப் பெண்கள் பாலியல் கொத்தடிமைகளாக மாற்றப்பட்டனர்.

மனிதர்களின் வக்கிரபுத்தியால், தெய்வீகமாக கருதப்பட்ட தேவதாசிகளின் நிலைமை அவமானகரமான நிலைக்கு தள்ளப்பட்டது. வயதான தேவதாசிகள் பிச்சையெடுத்துப் பிழைக்க வேண்டிய நிலை ஏற்பட்டது.

devadasi true history temples mandapam


இப்படிப்பட்ட அவமானகரமான சூழலில் சிக்கிய பெண்களை மீட்கத்தான் மூவலூர் ராமமிர்தம் அம்மையாரும், டாக்டர் முத்துலெட்சுமி ரெட்டியும் சட்டபூர்வமாக முயற்சி செய்தனர். தேவதாசி முறையை பூண்டோடு ஒழித்துக்கட்ட சட்டமியற்ற வேண்டும் என்று அவர்கள் போராடினார்கள். அப்போது, சட்டமன்றத்தில் உறுப்பினராக இருந்த சத்தியமூர்த்தி தேவதாசி முறையை ஒழித்தால் தெய்வக் குற்றமாகிவிடும் என்றார். அவர்கள் சொர்க்கத்திற்கு செல்லும் பாக்கியத்தை இழந்துவிடுவார்கள் என்றார். தெய்வப்பணியில் ஈடுபடுபவர்களே தேவதாசிகள் என்றார்.
 

ஆனால், அவருக்கு பதில் கொடுத்த முத்துலெட்சுமி ரெட்டி அவர்கள், இதுவரை ஒரு குலத்தைச் சேர்ந்தவர்கள் இறைப்பணி ஆற்றினார்கள். இனி, உங்கள் குலத்தை சேர்ந்த பெண்கள் இறைப்பணியாற்ற தேவதாசிகள் ஆகலாமே என்று கேட்டார். இவ்வாறுதான் மனிதர்களின் காம இச்சையால் கொச்சைப்படுத்தப்பட்ட தேவதாசிகளின் எதிர்காலம் மரியாதைமிக்கதாக மாற்றப்பட்டது என்பது வரலாறு.


 

Next Story

ஆதனூர் சோழன் எழுதும் பாஜகவின் ஊழல்கள் ஏ டூ இஸட்!!! பகுதி- 19

Published on 31/12/2019 | Edited on 06/01/2020

குஜராத் குடிநீர் வாரிய ஊழல்!- WATER BOARD SCAM (GUJARAT)

athanur chozhan bjp party states government a to z part 19

குஜராத் மாநில குடிநீர் மற்றும் வடிகால் வாரியம் கண்டபடி செய்ததில் 340 கோடி ரூபாய் முறைகேடு நடந்துள்ளது. இந்த வாரியம் எப்படி செலவு செய்ய வேண்டும் என்று இந்திய சார்ட்டட் அக்கவுண்டன்ட் நிறுவனம் பல வழிமுறைகளை வகுத்துள்ளது. அதை பின்பற்றாமல் விதிகளை மீறி செலவு செய்து கணக்கு எழுதப்பட்டுள்ளதாக கூறப்பட்டது. இந்த ஊழல் குறித்து முன்னாள் முதல்வர் சுரேஷ் மேத்தா கடுமையாக விமர்சனம் செய்தார். 2017-2018 நிதியாண்டில் மட்டும் இந்த ஊழல் என்றால், இதற்கு முன் எவ்வளவு நடந்ததோ என்று கேள்வி எழுப்பியிருக்கிறார்.


மத்தியப் பிரதேச நீர்வளத்துறையில் ஊழல்!- WATER RESOURCES DEPT.SCAM (MADHYA PRADESH)

athanur chozhan bjp party states government a to z part 19


மத்தியப்பிரதேச மாநில பாஜக முதல்வராக இருந்த சிவராஜ் சிங் சவுகான் நிர்வாகத்தில் அரசின் பல்வேறு திட்டங்களில் ஏராளமான நிதி மோசடிகள் நடைபெற்றிருப்பதை மத்திய கணக்கு தணிக்கை அதிகாரி கண்டுபிடித்து வெளியிட்டார். இந்த முறைகேடுகளால் அரசுக்கு 8 ஆயிரத்து 17 கோடி ரூபாய் இழப்பு ஏற்பட்டிருப்பதாக அதிகாரி தெரிவித்தார். நீர்வளத்துறையில் பணிபுரியும் அதிகாரிகள், பொதுப்பணித்துறை விதிகளை மீறியிருப்பது தெரியவந்தது. திட்டத்தை தொடங்குவதற்கு முன் எந்திவிதமான மதிப்பீடும் அளவீடும் செய்யாததே மக்கள் பணம் விரையமானதற்கு காரணம் என்று கூறப்பட்டது.


நிலக்கடலைக்கு பதிலாக கற்களும் மணலும் நிரப்பி ஏமாற்றிய குஜராத் அரசு!- WEIGHT MANIPULATION SCAM

athanur chozhan bjp party states government a to z part 19


குஜராத் மாநிலத்தில் விவசாயிகளிடம் இருந்து ஏராளமான நிலக்கடலையை அரசு கொள்முதல் செய்தது. இந்த நிலக்கடலை மொத்தத்தையும் இடைத்தரகர்களின் உதவியோடு அரசு அதிகாரிகளும் அரசியல்வாதிகளும் சேர்ந்து எண்ணெய் உற்பத்தி ஆலைகளுக்கு விற்றுவிட்டனர். இந்தத் திருட்டை மறைப்பதற்காக 31 ஆயிரத்து 500 சாக்குகளில் கூழாங்கற்களையும், மணலையும் கலந்து நிரப்பினார்கள். இந்த திருட்டில் ஈடுபட்ட அதிகாரிகள் கைது செய்யப்பட்டனர். ஆனால், இந்த ஊழலில் தொடர்புடைய பாஜக தலைவர்களை அரசு காப்பாற்றுவதாக எதிர்க்கட்சிகள் குற்றம்சாட்டின.
 

எக்ஸ்ரே டெக்னிஷியன் பணிநியமனத்தில் ஊழல்!- X- RAY TECHNICIAN RECRUITMENT SCAM

athanur chozhan bjp party states government a to z part 19


எக்ஸ்ரே தொழில்நுட்ப உதவியாளர்களுக்கான தேர்வு நடைபெற்றது. இந்த தேர்வு முடிந்த நிலையில், தேர்வு எழுதியவர்களுக்கு போன் மூலம் அழைப்பு வந்தது. பணம் கொடுத்தால் வேலை உறுதி என்று சொல்லப்பட்டது. வேலைக்கு 2 முதல் 4 லட்சம் ரூபாய் கொடுக்க வேண்டும் என்றார்கள். நுழைவுத் தேர்வில் தேறி, நேர்முகத் தேர்வுக்கு தேர்வானவர்களுக்கே இந்த போன்கள் வந்தன. பணம் கொடுத்த பலருடைய பெயர் இறுதிப் பட்டியலில் இடம்பெறவில்லை. இதையடுத்தே இந்த ஊழல் வெளியே வந்தது.


எடியூரப்பாவிடம் லஞ்சம் பெற்ற பாஜக தலைவர்கள்!- YEDDY DIARIES (KARNATAKA)

athanur chozhan bjp party states government a to z part 19


பாஜகவின் மத்திய தலைவர்களுக்கு பல்வேறு காலகட்டங்களில் எடியூரப்பா லஞ்சம் கொடுத்திருக்கிறார். இதுபற்றிய தகவல்களை அவர் ஒரு டைரியில் குறித்து வைத்திருந்தார். அந்த டைரி வருமானவரித் துறை அதிகாரிகளிடம் சிக்கியது. அந்த டைரியை தி கேரவான் பத்திரிகை வெளியிட்டு பரபரப்பை ஏற்படுத்தியது. பாஜகவின் மத்திய கமிட்டிக்கு ஆயிரம் கோடி ரூபாயும், அருண் ஜெட்லிக்கு 150 கோடி ரூபாயும், நிதின் கட்கரிக்கு 150 கோடி ரூபாயும், ராஜ்நாத் சிங்கிற்கு 150 கோடியும், எல்.கே.அத்வானிக்கு 100 கோடியும், முரளி மனோகர் ஜோஷிக்கு 50 கோடியும், கட்கரி மகன் திருமணத்துக்கு 10 கோடியும், சில நீதிபதிகளுக்கு 250 கோடியும், வழக்கறிஞர்களுக்கு 50 கோடியும் கொடுத்த விவரங்கள் அதில் இடம்பெற்றிருந்தன.

2009- ஆம் ஆண்டு கர்நாடகா சட்டமன்றம் வெளியிட்ட டைரியில், இந்த விவரங்களை எடியூரப்பா தனது சொந்த கையெழுத்தில் கன்னடத்தில் எழுதி வைத்திருந்தார். இந்த டைரியை வைத்து விசாரிக்க அமலாக்கத்துறை அதிகாரிகள் விரும்பினார்கள். ஆனால், தனது பெயர் இடம்பெற்றிருந்ததால் அருண்ஜெட்லி நடவடிக்கைக்கு அனுமதி தர மறுத்துவிட்டார்.
 

எடியூரப்பா நில ஊழல்!- YEDDYURAPPA LAND SCAM (KARNATAKA)

athanur chozhan bjp party states government a to z part 19


கர்நாடகா முதல்வராக இருந்தபோது அரசு நிலத்தை தனது குடும்பத்தினருக்கும், தன்னை பின்பற்றுகிறவர்களுக்கும் முறைகேடாக கொடுத்தார். இதுதொடர்பாக போதுமான ஆதாரம் இருப்பதாக லோக்அயுக்தா அறிக்கை கொடுத்தது. அதன் அடிப்படையில் எடியூரப்பா மீது வழக்கு தொடரலாம் என்று அறிவுறுத்தியது. தொழிற்பேட்டையில் இரண்டு ஏக்கர் நிலத்தை பெங்களூரில் உள்ள தனது குடும்ப நிறுவனங்களுக்கும், தனது மகளுக்குச் சொந்தமான பிபிஓ நிறுவனத்துக்கு 2 ஏக்கர் நிலமும், பெங்களூருவில் தனது மகனுக்கு ஒரு குடியிருப்பு மனையும், தன்னை பின்பற்றும் ஆதரவாளர்களுக்கு சுரங்கத்திற்காக 134 ஏக்கர் நிலமும், மைசூருவில் உள்ள தனது உறவினர்களுக்காக குடியிருப்பு மனைகளும் தாராளமாக வாரிக் கொடுத்திருக்கிறார் எடியூரப்பா.


ஸ்மிருதி இராணியின் கணவரின் நில ஊழல்!- ZUBIN IRANI LAND SCAM (MP)

athanur chozhan bjp party states government a to z part 19


மத்தியப்பிரதேச மாநிலம் உமாரியா மாவட்டத்தில் ஒரு பள்ளிக்குச் சொந்தமான நிலத்தில் ஒரு பகுதியை அங்குள்ள கம்பெனி ஒன்று அபகரித்தது. இந்த சட்டவிரோதமான நில அபகரிப்பை பள்ளியின் தலைமை ஆசிரியர் வெளியுலகிற்கு கொண்டுவந்தார். அதன்பிறகுதான் விசாரணை நடைபெற்றது. விசாரணையில் நிலத்தை அபகரித்த கம்பெனியில் மத்திய அமைச்சர் ஸ்மிருதி இராணியின் கணவர் பங்குதாரர் என்ற விஷயம். தனது மனைவியின் அமைச்சர் பதவி கொடுத்த தைரியம் அவருடைய கணவருக்கு இந்தளவு துணிச்சலைக் கொடுத்திருக்கிறது.