Skip to main content

40 கோடி சொத்தை திருடிய மகன்கள்; பெற்றோரை சுமக்கும் மகள்கள் - டிடெக்டிவ் மாலதியின் புலனாய்வு: 31

Published on 15/11/2023 | Edited on 15/11/2023

 

detective-malathis-investigation-31

 

பெற்றோரின் சொத்து மீது ஆசைப்பட்டு மகன்கள் செய்த துரோகத்தினை புலனாய்வு செய்தது பற்றி முதல் பெண் துப்பறியும் நிபுணர் மாலதி விளக்குகிறார்.

 

இரண்டு பெண்கள் வந்தார்கள், அவர்கள் கையோடு பத்திரம் ஒன்றையும் எடுத்து வந்திருந்தார்கள். இந்த பத்திரத்தில் உள்ள கையெழுத்து எங்க அம்மா, அப்பா போட்டதா? அல்லது பொய்யாக போடப்பட்டதா என்பதைக் கண்டறிய வேண்டும் என்பதே அவர்கள் கேட்டுக் கொண்டதாகும். 

 

நாமும் அந்த பத்திரத்தின் கையெழுத்தை இரண்டு கைரேகை நிபுணர்களை வைத்து பரிசோதித்தோம். முடிவில் அந்த கையெழுத்து அந்த பெண்ணின் பெற்றோர்தான் போட்டிருக்கிறார்கள் என்பது உறுதியாயிற்று. என்னதான் இந்த கையெழுத்தில் பிரச்சனை என்று இன்னும் தீவிரமாக விசாரித்தபோது தெரிய வந்தது, மகன்கள் தங்களது பெற்றோரை ஏமாற்றி 40 கோடி மதிப்புள்ள சொத்தை அபகரித்திருக்கிறார்கள்.

 

பெற்றோரின் சொத்துக்களை அவர்கள் மனப்பூர்வமாக தங்களது மகன்களுக்கு தானம் செட்டில் செய்யவில்லை. ஆனால் மகன்கள் தங்களுக்கு வியாபாரம் செய்ய தன் பெற்றோர் ஒரு சூரிட்டி கையெழுத்து போட வேண்டும் என்று பத்திர பதிவு அலுவலகத்திற்கு அழைத்துச் சென்று கையெழுத்தினை வாங்கி ஏமாற்றியிருக்கிறார்கள் என்பது புலனாய்வின் மூலம் தெரிய வந்தது.

 

இதைக் கண்டறிந்து ரிப்போர்ட்டினை அந்த பெண்களிடம் கொடுத்தோம். தங்களது பெற்றோரை ஏமாற்றி சொத்துக்களை சகோதரர்கள் எடுத்துக் கொண்டார்கள் என்பது தெரிந்தும் அவர்கள் மேற்கொண்டு நடவடிக்கை எதுவும் எடுக்காமல் தங்களது பெற்றோரை தாங்கள் கவனித்துக் கொள்வதாக சொல்லிவிட்டார்கள். அந்த வயது முதிர்ந்த பெற்றோரும், மகன்கள் தங்களது சொத்துக்களை அபகரித்துக் கொண்டார்கள் அதே சமயத்தில் நமக்கும் மருத்துவ உதவி செய்திருக்கலாம் என்று வருந்தினார்கள்.

 

 

 

Next Story

கார் டிரைவரை நம்பி இளம்பெண் செய்த செயல்; நிஜமுகம் தெரிந்ததால் அதிர்ச்சி - டிடெக்டிவ் மாலதியின் புலனாய்வு : 45

Published on 22/07/2024 | Edited on 22/07/2024
detective-malathis-investigation-45

முதல் பெண் துப்பறிவாளர் மாலதி, தான் துப்பறிந்த சுவாரசியமான விசயங்களை நம்மோடு பகிர்ந்துகொண்டு வருகிறார். அந்த வகையில், மகளை துப்பறியச் சொன்ன ஒரு வழக்கு குறித்து நம்மிடையே விவரிக்கிறார்.

டீன் ஏஜ் மானிட்டரிங்க்காக ஒரு பணக்கார குடும்பத்தில் இருந்து என்னிடம் புகார் வந்தது. தன் மகள் அடிக்கடி பணம் கேட்டு தொந்தரவு செய்து வருகிறாள். மேலும், வீட்டில் அடிக்கடி பணம் நகை என்று தொலைந்து போகிறது. என்னவென்று கண்டுபிடிக்குமாறு கேட்டு கொண்டனர். 

நாங்கள் முதலில் அந்தப் பெண்ணை தான் பின் தொடர்ந்து சென்றோம். அந்தப் பெண் தனக்கென்று தனி ஓட்டுநர் என்று வைத்திருக்காமல் தானே காரை வெளியே ஓட்டி சென்று வருகிறாள். தினமும் காலேஜ் போய்விட்டு வருவதை கவனித்தோம். இப்படியே பின் தொடரும்போது ஒரு நாள் வெளியே போகும் வழியிலேயே காரை நிறுத்தி ஒரு நபருடன் பேசிக்கொண்டு இருந்ததை பார்த்தோம். அவர்கள் பேசிய விதம் நண்பர்கள் போல இல்லாமல் அதைத் தாண்டி நெருக்கமாக இருந்தது. எனவே அடுத்து அந்த பெண்ணை விட்டுவிட்டு அந்த நபரை பின்தொடர ஆரம்பித்தோம். ஆனால், அந்த நபரோ இந்த பெண்ணை போல பணம் புழங்குபவராக இல்லாமல் சாதாரணமாக இருக்கிறார். 

பின் தொடர்ந்து பார்த்ததில் அவருக்கு ஒரு மனைவி குழந்தை இருக்கிறது என்று கண்டுபிடித்தோம். அவர்களுடன் ஒரு சின்ன வீட்டில் வசித்து வருகிறார். உடனேயே உறுதி செய்யாமல் கொஞ்சம் நாள் கழித்து நன்கு இருவரையும் கவனித்த பின்னரே தொடர்பு இருக்கிறது என்று உறுதி செய்து பின் பெற்றோர்களை அழைத்து விஷயத்தை சொன்னோம். ஆதாரங்களையும் புகைப்படங்களையும் காண்பித்ததும் உடனேயே ஆளை அடையாளம் கண்டனர். தங்கள் வீட்டில் முன்பு டிரைவராக வேலை பார்த்தார், ஆனால் அவரை நிப்பாட்டி விட்டோம் என்றும் அவர்களின் பெண்ணை பள்ளியில் படிக்கும் வரை கொண்டு சென்று விட்டது இந்த ஓட்டுநர் தான் என்று சொன்னாகள். 

இந்தப் பெண்ணுடன் தான் இவருக்கு தொடர்பு இருக்கிறது என்று புரிய வைத்து அந்த டிரைவரை நிப்பாட்டிய பின்பும் இவன் தொடர்ந்து பாலோ செய்து அந்தப் பெண்ணுடன் தொடர்பில் இருந்திருக்கிறான்.  நீங்கள் பெண்ணிற்காக கொடுக்கும் பணமும் வீட்டில் இருக்கும் நகையும் எல்லாம் இவரிடம் தான் சென்றிருக்கிறது என்று சொன்னோம். அந்த டிரைவருக்கு திருமணம் ஆனதை பெற்றோர்கள் தாங்கள் சொன்னால் நம்ப மாட்டாள். வேண்டுமென்றே நாங்கள், ஏழை குடும்பம் என்பதால் மறுக்கிறோம் என்று தான் எடுத்துக் கொள்வாள். அதனால், நீங்களே சொல்லி புரிய வையுங்கள் என்று பெண்ணை அழைத்து வந்தனர். அந்தப் பெண்ணிடம் நாங்கள் எடுத்துச் சொல்லும் போது அவள் கொஞ்சமும் நம்பவே இல்லை. எனவே அவளை அழைத்துக் கொண்டு அந்த நபரின் வீட்டில் ஆள் இல்லாத பொழுது காண்பித்து திருமணம் ஆன போட்டோ எல்லாம் பார்த்து அந்த நபரின் மனைவியிடமும் அந்தப் பெண்ணை சாதாரணமாக பேச வைக்கவும் தான் நம்பினாள். ரிப்போர்ட்டை அந்தக் குடும்பத்திடம் கொடுத்து அனுப்பினோம்.

சிறிது நாட்கள் தொந்தரவு செய்யாமல் தனிமையில் விட்ட பின்பு, அந்தப் பெண் தன் தவறுகளை புரிந்து பெற்றோரிடம் அந்த நபருக்கு கேட்கும்போதெல்லாம் தான் தான் நம்பி பணம் கொடுத்ததை உண்மை எல்லாம் சொல்லி ஒப்புக் கொண்டாள். அதன் பிறகு, அவளுக்கு வேறு இடத்தில்  திருமணம் பார்த்து கல்யாணம் செய்து வைக்கப்பட்டது. இருந்தாலும் பெற்றோர்கள் பெண் பாதுகாப்பை எண்ணி அவ்வப்போது என்னிடம்  அந்தப் பெண்ணை பார்த்துக்கொள்ள சொல்வார்கள்.

Next Story

ஆம்ஸ்ட்ராங் கொலை வழக்கு; அடுத்தடுத்து வெளியாகும் திடுக்கிடும் தகவல்கள்!

Published on 21/07/2024 | Edited on 21/07/2024
Armstrong case The startling information that will be released in succession

பகுஜன் சமாஜ் கட்சியின் மாநிலத் தலைவர் ஆம்ஸ்ட்ராங் (வயது 52) என்பவர் கடந்த 5 ஆம் தேதி  (05.07.2024) அன்று மாலை கொலை செய்யப்பட்டார். இது குறித்து செம்பியம் காவல் நிலையத்தில் வழக்குப்பதிவு செய்து விசாரணை நடைபெற்று வருகிறது. இந்த கொலைக்கான காரணத்தைக் கண்டறிந்து சம்மந்தப்பட்ட குற்றவாளிகளை உடனடியாக கைது செய்ய சென்னை பெருநகர காவல் ஆணையாளர் உத்தரவிட்டிருந்தார். அந்த உத்தரவின்படி தனிப்படைகள் அமைக்கப்பட்டு ஏற்கனவே 14 குற்றவாளிகள் கைது செய்யப்பட்டு சிறையில் அடைக்கப்பட்டுள்ளனர்.

இத்தகைய சூழலில் தனிப்படை போலீசார் தீவிர விசாரணை செய்து இந்த கொலை வழக்கில் சம்பந்தப்பட்ட திருவள்ளூர் மாவட்டம் கடம்பத்தூர் பகுதியைச் சேர்ந்த கோதண்டராமன் என்பவரது மகன் ஹரிதரன் (வயது 37) என்பவரை நேற்று (20.07.2024) கைது செய்தனர். மேலும் விசாரணையில் கைது செய்யப்பட்ட ஹரிதரன் வழக்கறிஞராக பணியாற்றி வருவதும், இவர் அதிமுகவின் கடம்பத்தூர் ஒன்றிய குழு உறுப்பினராக உள்ளதும் தெரியவந்தது. 

Armstrong case The startling information that will be released in succession

இவர் ஆம்ஸ்ட்ராங் கொலை வழக்கில் கைது செய்யப்பட்ட ஹரிஹரன் மற்றும் அருளின் நண்பர் ஆவார். அருள் இவ்வழக்கில் குற்றவாளிகள் பயன்படுத்திய 6 செல்போன்களை ஹரிதரனிடம் ஒப்படைத்துள்ளார். இந்த செல்போன்களை மற்றொரு குற்றவாளியான ஹரிஹரன் யாருக்கும் தெரியாமல் தூக்கி எறியுமாறு ஹரிதரனிடம் தெரிவித்ததன் பேரில், ஹரிதரன் 6 செல்போன்களையும் சேதப்படுத்தி திருவள்ளுவர் மாவட்டம், வெங்கத்தூரில் உள்ள கொசஸ்தலை ஆற்றில் வீசி எறிந்துள்ளார்.

இதனையடுத்து தனிப்படை போலீசார் தமிழ்நாடு தீயணைப்பு மற்றும் மீட்புப் பணிகள் துறையைச் சேர்ந்த நீச்சல் பயிற்சி பெற்ற வீரர்களின் உதவியுடன் கொசஸ்தலை ஆற்றிலிருந்து 3 செல்போன்கள் மீட்கப்பட்டன. மற்ற செல்போன்களையும் கண்டுபிடிக்க மீட்புக் குழுவினர் தீவிரமாகத் தேடி வருகின்றனர். அதே சமயம் அதிமுக கவுன்சிலர் ஹரிதரனை அதிமுகவின் அடிப்படை உறுப்பினர் பொறுப்பு உட்பட அனைத்துப் பொறுப்புகளில் இருந்தும் நீக்கி அக்கட்சியின் பொதுச்செயலாளர் எடப்பாடி பழனிசாமி உத்தரவிட்டிருந்தார். 

Armstrong case The startling information that will be released in succession

இந்நிலையில் ஆம்ஸ்ட்ராங் கொலை வழக்கில் அடுத்தடுத்து வெளியாகும் தகவல்களால் பரபரப்பு ஏற்பட்டுள்ளது. அதிமுகவில் இருந்து நீக்கப்பட்ட ஒன்றிய கவுன்சிலர் ஹரிதரன் ஆம்ஸ்ட்ராங் கொலைக்கு முன்பு ஆற்காடு சுரேஷ் கூட்டாளிகளுடன் தொடர்பில் இருந்து அம்பலமாகி உள்ளது.மேலும் ஆற்காடு சுரேஷின் கூட்டாளிகளுக்கு ஹரிதரன் அடைக்கலம் கொடுத்ததும் போலீசார் நடத்திய விசாரணையில் தெரியவந்துள்ளது. அதோடு ஹரிதரன் ஆற்காடு சுரேஷ் கூட்டாளிகளுடன் மகாராஷ்டிராவுக்கு சுற்றுலா சென்றதாகவும் தகவல் வெளியாகியுள்ளது. ஆம்ஸ்ட்ராங்கை படுகொலை செய்த ரவுடி ராமனுடன் ஹரிஹரன் தொடர்பில் இருந்ததும் அம்பலமாகியுள்ளது.

தனது அரசியல் களத்தில் பகுஜன் சமாஜ்வாதி கட்சியின் ஹரிக்கு ஆதரவாக ஆம்ஸ்ட்ராங் செயல்பட்டு வந்ததால் ஹரிதரனுக்கும் ஆம்ஸ்ட்ராங் மீது பகை வந்துள்ளது. ஆம்ஸ்ட்ராங் திருவள்ளூர் வரும்போது கொலை செய்ய ஆற்காடு சுரேஷின் கூட்டாளிகள் கடம்பத்தூர் பகுஜன் சமாஜ் கட்சி நிர்வாகியை வேவு பார்க்க வைத்துள்ளனர். ஆம்ஸ்ட்ராங்கை கொன்ற குற்றவாளிகளில் ஒருவரான ராமு உடன் ஹரிஹரன் நெருக்கமாக இருப்பதற்கான அவர் வைத்த வாட்ஸ்அப் ஸ்டேட்டஸ் ஆதாரங்களாக கிடைத்துள்ளன. இந்த கொலை வழக்கு தொடர்பாக மேலும் சில வழக்கறிஞர்களிடம் போலீசார் விசாரணை நடத்தி வருகின்றனர்.