Skip to main content

திருமணம் ஆகாத பெண்களைக் குறிவைக்கும் காமுகன்கள் - டிடெக்டிவ் மாலதியின் புலனாய்வு: 02

Published on 20/03/2023 | Edited on 20/03/2023

 

Detective Malathi's Investigation : 02

 

சமுதாயம் எவ்வளவு முன்னேறினாலும் டெக்னாலஜி எவ்வளவு வளர்ந்தாலும் பாதிக்கப்படும் சமுதாயமாக பெண் சமுதாயம் தான் இருக்கிறது. அந்த வகையில், தான் சந்தித்த பெண்கள் அதிகம் குறிவைக்கப்பட்ட வழக்குகள் குறித்து முதல் பெண் துப்பறிவாளரான மாலதி விவரிக்கிறார்.

 

மணமகன் தேவை என்று விளம்பரம் கொடுத்த ஒரு பெண்ணை ஒரு பையன் தொடர்புகொண்டான். சில காலம் பேசிப் பழகிய பிறகு நேரில் சந்தித்தனர். இருவரும் அடுத்தடுத்த நிலைகளைக் கடந்தனர். ஆறு மாதங்களுக்குப் பிறகு அவளை விட்டு அவன் விலக ஆரம்பித்தான். இதனால் அவர்கள் எங்களைத் தொடர்புகொண்டனர். அவனுக்கு அந்தப் பெண்ணைப் பற்றி அனைத்தும் தெரியும். ஆனால், இவளுக்கு அவனைப் பற்றி ஒன்றும் தெரியாது. முட்டாள்தனமாக அவனோடு பழகியிருக்கிறாள். 

 

அவளைத் தொடர்ந்து அவனுக்கு மெயில் அனுப்பச் சொன்னோம். ஒருகட்டத்தில் அவன் வெளியே வந்தான். அவள் இருக்கும் இடத்திற்கு வந்து ரூம் போட்டு அவளை அழைத்துச் சென்றான். நாங்களும் அவர்களைப் பின்தொடர்ந்தோம். சுற்றி இருக்கும் அனைத்து இடங்களிலும் ஆள் வைத்து கண்காணித்தோம். அன்று முழுவதும் அவன் கால்டாக்சியிலேயே தான் சுற்றினான். அவனுடைய காரை கண்டுபிடித்தோம். அவன் பின்னணியை அறிந்தபோது அதிர்ச்சியாக இருந்தது. அவனுக்கு ஏற்கனவே திருமணமாகி குழந்தைகள் இருந்தனர். 

 

சில நாட்களில் இந்தப் பெண் தற்கொலை செய்துகொண்டாள். காவல்துறையினர் எங்களையும் விசாரித்தனர். நாங்கள் நடந்த அனைத்தையும் கூறினோம். அவனுடைய இருப்பிடம் குறித்து நாங்கள் தகவல் தெரிவித்தோம். காவல்துறையினர் அவனை கைது செய்தனர். அவன் ஆன்லைனில் இதே வேலையாகத்தான் இருந்திருக்கிறான் என்பது அதன் பிறகு போலீஸ் விசாரணையில் தெரிந்தது. 

 

டேட்டிங் என்றால் என்ன என்பது குறித்த சரியான புரிதல் நம்முடைய இளைஞர்களுக்கு இல்லை. வெளிநாடுகளில் உறவுமுறையை உறுதி செய்து திருமணம் வரை கொண்டு செல்வதற்கே டேட்டிங் பயன்படுகிறது. இங்கு அதற்கான அர்த்தமே வேறு.

 

வெளிநாட்டினர் நம்முடைய கலாச்சாரத்தை இப்போது பின்பற்றி வாழ்கின்றனர். நம் இளைஞர்கள் தவறான பழக்கங்களையே கலாச்சாரம் என்று கருதுகின்றனர். ஒரு வழக்கில் சரியான துப்புகள் கிடைத்தால் மட்டும்தான் அதை நாங்கள் எடுத்துக்கொள்வோம். துப்புகளே இல்லாத வழக்குகளை நாங்கள் எடுப்பதில்லை. குறிப்பிட்ட நேரத்திற்குள் ஒரு இடத்திலிருந்து நான் வரவில்லை என்றால் போலீசாரோடு எங்கள் டீம் உள்ளே வந்துவிடும். அனைத்தையுமே ப்ளான் செய்துவிட்டு தான் உள்ளே செல்வோம்.

 

 

 

Next Story

நியோ மேக்ஸ் மோசடி வழக்கு; காவல்துறையினருக்கு நீதிமன்றம் கெடு!

Published on 12/07/2024 | Edited on 12/07/2024
Court time for the police for Neo Max Fraud Case

மதுரையைத் தலைமையிடமாகக் கொண்டு நியோ மேக்ஸ் என்ற நிதி நிறுவனம் செயல்பட்டு வந்தது. இந்த நிறுவனத்திற்கு சுமார் 20க்கும் மேற்பட்ட கிளை நிறுவனங்களும் உள்ளன. அதிக வட்டி தருவதாகக் கூறி மக்களிடம் கோடிக்கணக்கில் மோசடி செய்யப்பட்டது. இந்த மோசடி தொடர்பாக நெல்லை, பாளையங்கோட்டை, ராமநாதபுரம் உள்ளிட்ட பல்வேறு கிளைகளை நிர்வகித்து வந்த நிர்வாகிகள் கைது செய்யப்பட்டு சிறையில் உள்ளனர். கைது செய்யப்பட்டவர்களில் முக்கிய சில நபர்களுக்கு ஜாமீன் வழங்கப்பட்டுள்ளது. மேலும், இந்த வழக்கை சிபிஐக்கு மாற்றக்கோரியும், சிலருக்கு வழங்கப்பட்ட ஜாமீனை ரத்து செய்யக்கோரியும் ஏராளமான வழக்குகள் தாக்கல் ஆகின. 

இந்த வழக்குகள் அனைத்து மதுரை உயர்நீதிமன்ற கிளை நீதிபதி தண்டபானி முன்னிலையில் விசாரணைக்கு வந்தது. அனைத்து தரப்பு வாதங்களை கேட்ட நீதிபதி, ‘நிதி நிறுவனங்களில் ஆசை வார்த்தையை நம்பி 3.6 லட்சம் பேர் பாதிக்கப்பட்டிருக்கிறார்கள். இதில், 11,709 பேர் மட்டுமே தங்களுடைய முதலீட்டுகளை திரும்ப பெற்றிருக்கிறார்கள். இந்த வழக்கை பொறுத்தவரை குற்றம் சாட்டப்பட்டவர்கள் விசாரணைக்கு முழுமையான ஒத்துழைப்பு தர வேண்டும். தங்களிடம் முதலீடு செய்தவர்களின் விபரங்கள், முதலீடு செய்யப்பட்ட தொகை, நிறுவனத்திற்கு சொந்தமான இடங்கள், சொத்துக்கள் ஆகிய முழு விவரங்களையும் பொருளாதார குற்றப்பிரிவு காவல்துறையினரிடம் வழங்க வேண்டும். 

அதே போல், பாதிக்கப்பட்டவர்கள் இந்த விவகாரம் தொடர்பாக முழுவதுமாக அறியும் வகையிலும், மோசடி குறித்து பாதிக்கப்பட்டவர்கள் புகார் செய்யும் விதமாகவும் பரந்த அளவில் விளம்பரம் செய்யப்பட வேண்டும். இதன் மூலம், பாதிக்கப்பட்டவர்களிடம் இருந்து புகார்களை பெறுவதில் பொருளாதார குற்றப்பிரிவு காவல்துறையினர் முனைப்பு காட்ட வேண்டும். பாதிக்கப்பட்ட மக்களிடம் இருந்து புகார்களை பெற்று, இந்த வழக்கு தொடர்பான அனைத்து விசாரணைகளையும் முடித்து 15 மாதங்களில் சிறப்பு நீதிமன்றத்தில் பொருளாதார குற்றப்பிரிவு காவல்துறையினர் குற்றப்பத்திரிகை தாக்கல் செய்ய வேண்டும்” என உத்தரவு பிறப்பிக்கப்பட்டுள்ளது. 

Next Story

பாஜக பொருளாளர் எஸ்.ஆர்.சேகரிடம் சிபிசிஐடி போலீசார் விசாரணை!

Published on 11/07/2024 | Edited on 11/07/2024
BJP Treasurer SR Shekhar CBCID Police Interrogated 

சென்னை எழும்பூர் ரயில் நிலையத்தில் இருந்து திருநெல்வேலிக்கு செல்லும் ரயிலில் தாம்பரம் ரயில் நிலையத்தில் கடந்த 6 ஆம் தேதி (06.04.2024) இரவு உரிய ஆவணங்களின்றி கொண்டு செல்ல முயன்றதாக சுமார் ரூ.4 கோடி மதிப்பிலான ரொக்கம் பறக்கும் படையினரால் பறிமுதல் செய்யப்பட்டது. இந்தப் பணத்தை எடுத்து வந்த புரசைவாக்கம் தனியார் விடுதி மேலாளரும் பாஜக உறுப்பினருமான சதீஷ், அவரின் சகோதரர் நவீன் மற்றும் லாரி ஓட்டுநர் பெருமாள் ஆகிய 3 பேரும் கைது செய்யப்பட்டனர். அப்போது திருநெல்வேலி மக்களவைத் தொகுதி பாஜக வேட்பாளர் நயினார் நாகேந்திரனுக்கு, இந்தப் பணத்தைக் கொண்டு செல்ல முயன்றதாக மூவரும் வாக்குமூலம் கொடுத்ததாகத் தகவல் வெளியாகி இருந்தது.

இத்தகைய சூழலில் இந்த வழக்கை சிபிசிஐடி விசாரணைக்கு மாற்றி தமிழக போலீஸ் டிஜிபி சங்கர் ஜிவால் உத்தரவு ஒன்றை பிறப்பித்திருந்தார். அதனைத் தொடர்ந்து இந்த வழக்கு குறித்து சிபிசிஐடி போலீசார் வழக்குப்பதிவு செய்து விசாரணை நடத்தி வருகின்றனர். இதற்கிடையே தமிழக பாஜக பொருளாளர் எஸ்.ஆர். சேகர் சென்னை உயர் நீதிமன்றத்தில் மனு ஒன்றை தாக்கல் செய்திருந்தார். அந்த மனுவில் “ஏற்கனவே என்னிடம் சிபிசிஐடி போலீசார் விசாரணை நடத்தினார். இருப்பினும் சிபிசிஐடி போலீசார் தொடர்ந்து சம்மன் அனுப்பி வருகின்றார். எனவே இந்த விவகாரம் தொடர்பாக தன்னை துன்புறுத்தக் கூடாது என உத்தரவிட வேண்டும்” எனத் தெரிவித்திருந்தார். 

BJP Treasurer SR Shekhar CBCID Police Interrogated 

அப்போது நீதிபதி எஸ்.ஆர்.சேகரை சிபிசிஐடி விசாரணைக்கு நேரில் ஆஜராக உத்தரவிட்டார். மேலும் அவரது செல்போனை ஒப்படைக்கும்படி சிபிசிஐடி போலீசார் வலியுறுத்தக் கூடாது எனவும் தெரிவித்தார். இந்நிலையில் இந்த வழக்கு தொடர்பாக தமிழக பாஜக பொருளாளர் எஸ்.ஆர்.சேகர் சிபிசிஐடி விசாரணைக்கு சென்னை எழும்பூரில் உள்ள சிபிசிஐடி அலுவலகத்தில் இன்று (11.07.2024) காலை ஆஜரானார். காலை 10.30 மணிக்கு ஆஜரானவரிடம் மாலை 06.30 மணி வரை என அவரிடம் சிபிசிஐடி போலீசார் சுமார் ஏழரை மணி நேரம் விசாரணை நடத்தினர். இவரிடம் 190 கேள்விகளை சிபிசிஐடி போலீசார் எழுப்பியதாகவும் கூறப்படுகிறது. சில வாரங்களுக்கு முன்பு எஸ்.ஆர்.சேகர் வீட்டில் சிபிசிஐடி போலீசார் சோதனை நடத்தி இருந்தது குறிப்பிடத்தக்கது.