Skip to main content

மகுடம் யாருக்கு? க்ளைமேக்ஸில் சென்னை - குஜராத்

Published on 28/05/2023 | Edited on 28/05/2023

 

Who has the crown? Climax Chennai - Gujarat

 

16 ஆவது ஐபிஎல் சீசன் இறுதிக் கட்டத்தை எட்டியுள்ளது. பரபரப்பாக நடந்த லீக் ஆட்டங்களில் முதல் 4 இடங்களைப் பிடித்த அணிகள் ப்ளே ஆஃப் சுற்றுக்குத் தகுதி பெற்றது. அதன்படி குஜராத், லக்னோ, மும்பை, சென்னை அணிகள் ப்ளே ஆஃப் போட்டிக்கு தகுதி பெற்றது. முதல் குவாலிஃபயர் போட்டியில் குஜராத் - சென்னை அணிகள் மோதின. இதில் சென்னை வெற்றி பெற்று இறுதிப் போட்டிக்கு தகுதி பெற்றது. எலிமினேட்டர் போட்டியில் லக்னோ மும்பை அணிகள் மோதின. இதில் மும்பை அணி வெற்றி பெற்று இரண்டாவது குவாலிஃபயர் போட்டிக்கு தகுதி பெற்றது.

 

இரண்டாவது குவாலிஃபயர் போட்டியில் மும்பை குஜராத் அணிகள் மோதின. இதில் குஜராத் அணி இமாலய வெற்றி பெற்று இறுதிப் போட்டிக்கு முன்னேறியது. இன்று நடக்கும் இறுதிப் போட்டியில் தோனி தலைமையிலான சென்னை அணியும் ஹர்திக் தலைமையிலான குஜராத் அணியும் மோதுகின்றன. 

 

சென்னை அணி தனது 10 ஆவது ஐபிஎல் இறுதிப் போட்டியில் இன்று குஜராத்துடன் மோதுகிறது. 2011 ஆம் ஆண்டு முதல் நடந்த 12 இறுதிப் போட்டிகளில் 9 முறை குவாலிஃபயர் 1ல் வெற்றி பெற்று இறுதிப் போட்டிக்கு முதலில் தகுதியான அணியே வெற்றி பெற்றுள்ளது. இருந்தாலும் குஜராத் அணி வலுவான அணியாகவே உள்ளது. குஜராத் அணி வெற்றிகரமான அணியாக இருப்பதன் காரணம் அந்த அணியின் பந்துவீச்சு. நடப்பு சீசனில் அதிக விக்கெட்களை வீழ்த்திய பந்துவீச்சாளர்களில் ஷமி (28), ரஷித் கான் (27), மோஹித் சர்மா (24) மூவரும் குஜராத் அணியில் உள்ளனர். அதேபோல் பேட்டிங்கிலும் சுப்மன் கில் அசத்தி வருகிறார். நடப்பு சீசனில் அதிக ரன்கள் அடித்த வீரர்களில் 3 சதம், 4 அரைசதம், 5 முறை 30+ ரன்கள் என மொத்தம் 851 ரன்களை எடுத்து சுப்மன் கில் முதலிடத்தில் உள்ளார். இதுவரை 33 சிக்ஸர்களை அடித்துள்ளார் என்பதும் குறிப்பிடத்தக்கது.

 

மற்றபடி ஹர்திக், சஹா, விஜய் சங்கர், சாய் சுதர்சன், டேவிட் மில்லர் என அனைவரும் நல்ல ஃபார்மிலேயே உள்ளனர். நினைக்கும் போதெல்லாம் சிக்ஸர் அடிக்கும் ரஷித் கான் இறுதி ஓவர்களில் குஜராத் அணியின் நம்பிக்கையாக இருப்பார்.

 

சென்னை அணியை பொறுத்தவரை தொடக்க ஆட்டக்காரர்களான ருதுராஜ், கான்வே சிறப்பான தொடக்கத்தை அமைத்து வருகிறார்கள். சென்னையின் கேப்டன் தோனி மிக முக்கியமான போட்டிகளில் ப்ளேயிங் 11ல் மாற்றத்தை கொண்டு வருவார். அல்லது ஆட்டத்தின் முக்கிய கட்டத்தில் யாரும் எதிர்பாரா வகையில் சில திட்டங்களை செயல்படுத்துவார். அவர் இந்திய அணியின் கேப்டனாக செயல்பட்டபோதும் ஐபிஎல் போட்டிகளிலும் இதுபோன்று பலமுறை செயல்படுத்தியுள்ளார். இது சில முறை பயன் தராமல் இருந்தாலும் பலமுறை தோனிக்கு வெற்றிகரமான ஒன்றாகவே அமைந்துள்ளது. அதேபோல் இன்றும் மாற்றங்களை ஏற்படுத்தலாம். மற்றபடி பந்துவீச்சில் தேஷ்பாண்டே (21), பதிரானா(17), சாஹர்(12), ஜடேஜா(19), மொயின் அலி (9), தீக்‌ஷனா (11) நல்ல ஃபார்மிலேயே உள்ளனர்.

 

குஜராத் மைதானத்தை பொறுத்தவரை நடப்பு சீசனில் முதலில் பேட் செய்த அணியின் சராசரி 193 ரன்களாக உள்ளது. இதில் 5 போட்டிகளில் முதலில் பேட் செய்த அணியே வெற்றி பெற்றுள்ளது. பேட்டிங்கிற்கு சாதகமான மைதானமாக உள்ளதால் இரு அணியும் முதலில் பேட்டிங் செய்வதையே விரும்பும். எனவே இன்றைய போட்டியில் டாஸ் முக்கியப் பங்கு வகிக்கும். வானம் மேகமூட்டத்துடன் காணப்படும் என்றும் மழை பாதிப்பு இருக்காது.

 

 

 

Next Story

ரசிகர்களுக்கு சஸ்பென்ஸ் வைத்த சி.எஸ்.கே!

Published on 12/05/2024 | Edited on 12/05/2024
CSK kept the fans in suspense

உலக அளவில் புகழ்பெற்ற கிரிக்கெட் தொடரான ஐ.பி.எல். டி20 தொடர் கடந்த 2008 ஆம் ஆண்டு முதல் நடைபெற்று வருகிறது. இதன் 17 ஆவது சீசன் இந்த ஆண்டு (2024) மார்ச் மாதம் தொடங்கி நடைபெற்று வருகிறது. இத்தகைய சூழலில் சென்னை சேப்பாக்கம் ஸ்டேடியத்தில் இன்று (12.05.2024) நடைபெற உள்ள ஆட்டத்தில் சென்னை சூப்பர் கிங்ஸ் - ராஜஸ்தான் ராயல்ஸ் அணிகள் மோதுகின்றன. அரையிறுதி போட்டிக்குச் செல்ல சென்னை அணிக்கு இந்த இந்த ஆட்டம் முக்கியமான ஒன்று ஆகும். இதனால் ரசிகர்கள் இடையே பலத்த எதிர்பார்ப்பு நிலவுகிறது.

இந்நிலையில் இன்று நடைபெற உள்ள போட்டிக்கு பின்னர் சென்னை சூப்பர் கிங்ஸ் அணியின் ரசிகர்களை ஸ்டேடியத்தில் சிறிது நேரம் காத்திருக்கும்படி சென்னை சூப்பர் கிங்ஸ் அணியின் நிர்வாகம் சார்பில் தெரிவிக்கப்பட்டுள்ளது. சென்னை அணியின் ரசிகர்களுக்கு ஸ்பெஷலான ஒன்று இருக்கிறது எனவும் சிஎஸ்கே அணி தனது எக்ஸ் சமூக வலைத்தளத்தில் பதிவிடப்பட்டுள்ளது. சென்னையில் நடைபெறும் கடைசி லீக் போட்டி என்பது குறிப்பிடத்தக்கது.

அதே சமயம் இன்றைய போட்டி முடிந்ததும் ஐபிஎல் கிரிக்கெட் தொடரில் இருந்து ஓய்வு அறிவிப்பை தோணி அறிவிக்க வாய்ப்பு இருபதாக ரசிகர்கள் கவலை தெரிவித்துள்ளனர்.  அதே சமயத்தில் சென்னையில் கடைசி  மேட்ச் நடந்து முடியும் பொழுது அனைத்து பார்வையாளர்களுக்கும் டீ சர்ட், பந்துகள் தரப்படுவது வழக்கம். அதேபோல் அனைவருக்கும் மைதானத்தை சுற்றி வந்து டாடா காட்டிவிட்டு நன்றி சொல்வதும் வழக்கம். இதனால் கூட ரசிகர்களை ஸ்டேடியத்தில் காத்திருக்க சிஎஸ்கே நிர்வாகம் கூறியிருக்கலாம் என்று ரசிகர்களால் யூகிக்கப்படுகிறது.

Next Story

ஐபிஎல்-இல் தோனி மட்டுமே செய்த புதிய சாதனை

Published on 20/04/2024 | Edited on 20/04/2024
A new record that only Dhoni has achieved in IPL

ஐபிஎல்-இல் பல்வேறு சாதனைகளுக்கு சொந்தக்காரரான தோனி மற்றுமொரு புதிய சாதனையை லக்னோ அணிக்கு எதிரான நேற்றைய போட்டியில் நிகழ்த்தியுள்ளார்.

ஐபிஎல்2024 இன் 31 ஆவது ஆட்டம் லக்னோவில் நேற்று தொடங்கியது. இதில் டாஸ் வென்ற லக்னோ அணி கேப்டன் ராகுல் முதலில் பந்துவீச்சைத் தேர்வு செய்தார். முதலில் களமிறங்கிய சென்னை அணி லக்னோ அணியின் சிறப்பான பந்து வீச்சால் 90 ரன்களுக்குள் 5 விக்கெட்டுகளை இழந்து தடுமாறியது. பின்னர் வந்த ஜடேஜா பொறுப்புடன் ஆடினார். அரைசதம் கடந்த ஜடேஜா 57 ரன்கள் எடுத்து இறுதி வரை களத்தில் நின்றார். அவருக்கு மொயீன் அலி 30 ரன்கள், தோனி 9 பந்துகளில் 28 ரன்கள் எடுத்து கை கொடுக்க 20 ஓவர்களில் 176 ரன்கள் எடுத்தது. சிறப்பாக பந்து வீசிய க்ருனால் பாண்டியா 3 ஓவர்களில் 16 ரன்கள் கொடுத்து 2 விக்கெட்டுகளை வீழ்த்தினார்.

பின்னர் ஆடிய லக்னோ அணிக்கு டி காக், ராகுல் இணை சிறப்பான துவக்கம் தந்தது. இருவரும் அரை சதம் கடந்து முத்ல் விக்கெட் பார்ட்னர்ஷிப்பிற்கு 134 ரன்கள் சேர்த்தனர். டி காக் 54 ரன்களும், ராகுல் 82 ரன்களும் குவித்து ஆட்டமிழந்தனர். அடுத்து வந்த பூரன் 23, ஸ்டாய்னிஸ் 8 ரன்கள் என எளிதில் வெற்றிக்கு அழைத்துச் சென்றனர். 19 ஓவர்கள் முடிவில் லக்னோ 2 விக்கெட்டுகள் இழப்பிற்கு 180 ரன்கள் எடுத்தது. இதன் மூலம் 8 புள்ளிகளுடன் 5 ஆவது இடத்தில் நீடிக்கிறது. சென்னை அணி ரன்ரேட் அடிப்படையில் 8 புள்ளிகளுடன் 3 ஆவதி இடத்தில் உள்ளது. ஆட்ட நாயகனாக ராகுல் தேர்வு செய்யப்பட்டார்.

இந்த போட்டியில் 9 பந்துகளில் 28 ரன்கள் எடுத்ததன் மூலம் ஐபிஎல் இல் 5000 ரன்களைக் கடந்தார். மேலும் ஒரு விக்கெட் கீப்பராக ஐபிஎல் - இல் 5000 ரன்கள் எடுத்த முதல் வீரர் என்ற சாதனையைப் படைத்தார். இவருக்கு அடுத்தபடியாக தினேஷ் கார்த்திக் 4369 ரன்களுடனும், உத்தப்பா 3011 ரன்களுடனும் அடுத்த இரண்டு இடங்களில் உள்ளனர். 
 
- வெ.அருண்குமார்