விராட் கோலி படைத்த புதிய சாதனை!

பஞ்சாப் மற்றும் பெங்களூரு அணிகளுக்கு எதிரான போட்டியில் விளையாடியதன் மூலம், ராயல் சேலஞ்சர்ஸ் பெங்களூரு அணிக்காக 200 போட்டிகளில் விளையாடிய வீரர் என்ற சாதனையை விராட் கோலி படைத்துள்ளார்.

இந்திய கிரிக்கெட் வீரரான விராட் கோலி 2008-ம் ஆண்டு முதல் ராயல் சேலஞ்சர்ஸ் பெங்களூரு அணிக்காக விளையாடி வருகிறார். பஞ்சாப் மற்றும் பெங்களூரு அணிகளுக்கு எதிரான நேற்றைய போட்டியில் விளையாடியதன் மூலம் பெங்களூரு அணிக்காக அவர் விளையாடிய போட்டிகளின் எண்ணிக்கை 200-ஐத் தொட்டுள்ளது. இதில், 185 போட்டிகள் ஐபிஎல் தொடரிலும், 15 போட்டிகள் சாம்பியன் லீக் தொடரில் விளையாடியதும் அடக்கம். 200 போட்டிகளில் விளையாடியுள்ள விராட் கோலி, இதுவரை 5 சதங்கள், 40 அரைசதங்கள் அடித்துள்ளார்.