புதிய அறிவிப்பு; ரசிகர்களைச் சோகத்தில் ஆழ்த்திய விராட் கோலி!

ஏற்கெனவே டெஸ்ட் கிரிக்கெட் போட்டியில் இருந்து ஓய்வு பெறுவதாக இந்திய வீரர் ரோகித் சர்மா அறிவித்திருந்ததை அடுத்து, தற்போது இந்திய கிரிக்கெட் அணியின் முன்னாள் கேப்டன் விராட் கோலியும் டெஸ்ட் கிரிக்கெட்டில் இருந்து ஓய்வு பெறுவதாக அறிவித்துள்ளார்.

இது தொடர்பாக விராட் கோலி தனது இன்ஸ்டாகிராம் பக்கத்தில் தெரிவித்திருப்பதாவது, “டெஸ்ட் கிரிக்கெட்டில் நான் முதன்முதலில் பேக்கி ப்ளூவை அணிந்து 14 ஆண்டுகள் ஆகின்றன. உண்மையைச் சொன்னால், இந்த வடிவம் என்னை அழைத்துச் செல்லும் பயணம் என்று நான் ஒருபோதும் நினைத்துப் பார்த்ததில்லை. அது என்னை சோதித்தது, என்னை வடிவமைத்தது, வாழ்க்கை முழுவதும் நான் சுமக்கும் பாடங்களைக் கற்றுக் கொடுத்தது.

வெள்ளை உடையில் விளையாடுவதில் ஆழமான தனிப்பட்ட ஒன்று இருக்கிறது. அமைதியான மோதல், நீண்ட நாட்கள், யாரும் பார்க்காத சிறிய தருணங்கள் என்றென்றும் உங்களுடன் இருக்கும். ஆனால், டெஸ்ட் கிரிக்கெட் போட்டிகளில் இருந்து விலகும் முடிவு எளிதானது அல்ல. ஆனால் அது சரியானதாக உணர்கிறது. நான் என்னிடம் இருந்த அனைத்தையும் அதற்குக் கொடுத்துள்ளேன். நான் எதிர்பார்த்ததை விட அதிகமாக அது எனக்குத் திருப்பித் தந்துள்ளது. விளையாட்டுக்காக, நான் மைதானத்தைப் பகிர்ந்து கொண்ட மக்களுக்காக, வழியில் என்னைப் பார்த்ததாக உணர வைத்த ஒவ்வொரு நபருக்காகவும், நான் நன்றியுணர்வு நிறைந்த இதயத்துடன் நடந்து செல்கிறேன். நான் எப்போதும் என் டெஸ்ட் வாழ்க்கையை ஒரு புன்னகையுடன் திரும்பிப் பார்ப்பேன்” எனத் தெரிவித்துள்ளார்.

123 டெஸ்ட் கிரிக்கெட் போட்டிகளில், பங்கேற்று 9,230 ரன்களைக் குவித்த விராட் கோலி உலக சாதனையான 10,000 ரன்கள் எடுப்பதற்கு முன்பே டெஸ்ட் கிரிக்கெட் போட்டிகளில் இருந்து தனது ஓய்வை அறிவித்திருப்பது என்பது ரசிகர்களுக்கு பெரும் ஏமாற்றத்தை அளித்திருப்பதாகவே பார்க்கப்படுகிறது.