Skip to main content

ஆர்.சி.பி புதிய லோகோ... விஜய் மல்லையாவின் கிண்டல்....

Published on 15/02/2020 | Edited on 15/02/2020

கோலி தலைமையில், சிறந்த பேட்ஸ்மேன்கள், பந்துவீச்சாளர்கள் என ஐபிஎல் தொடரின் பலம் மிகுந்த ஒரு அணியாக திகழ்ந்து வருகிறது ஆர்.சி.பி. சிறந்த வீரர்கள் இருந்தும் இதுவரை ஐபிஎல் கோப்பையை ஒருமுறை கூட இந்த அணி வென்றதில்லை. இதனை வைத்து அந்த அணியை இணையவாசிகள் கிண்டல் செய்வது வாடிக்கை. தற்போது அதேபோன்று அந்த அணியின் முன்னாள் உரிமையாளரான விஜய் மல்லையாவும் அந்த அணியை கிண்டல் செய்துள்ளார்.

 

vijay mallya about rcb logo and ipl cup

 

 

அடுத்த மாதம் ஐபிஎல் போட்டிகள் தொடங்க உள்ள நிலையில், பெங்களூரு அணிக்கான புதிய லோகோ நேற்று வெளியிடப்பட்டது. இந்நிலையில் இதனை கிண்டல் செய்யும் விதமாக விஜய் மல்லையா ட்வீட் செய்துள்ளார். புதிய அத்தியாயம் தொடங்குகிறது என ஆர்சிபி அணி வெளியிட்ட வீடியோவில் கமெண்ட் செய்துள்ள மல்லையா, "நல்லது. ஆனால் கோப்பையை வெல்லுங்கள்" என தெரிவித்துள்ளார். மேலும், மற்றொரு பதிவில் "சிங்கம்போல கர்ஜியுங்கள். ஆனால் ஐபிஎல் கோப்பையை சொந்த வீடான பெங்களூருக்கு கொண்டு வாருங்கள்" என தெரிவித்துள்ளார். 

 

 

 

Next Story

RR vs RCB : ராஜஸ்தான் அணி அசத்தல் வெற்றி!

Published on 23/05/2024 | Edited on 23/05/2024
RRvsRCB: Amazing win for Rajasthan

குஜராத் மாநிலம் ஆமதாபாத்தில் உள்ள நரேந்திர மோடி கிரிக்கெட் மைதானத்தில் ஐபிஎல் போட்டியின் எலிமினேட்டர் சுற்று நேற்று (22.05.2024) நடைபெற்றது. புள்ளிப்பட்டியலில் 3 வது மற்றும் 4 வது இடத்தில் இருந்த ராஜஸ்தான் ராயல்ஸ் அணி மற்றும் ராயல் சேலஞ்சர்ஸ் பெங்களூரு அணிகள் மோதின. இதில் டாஸ் வென்ற ராஜஸ்தான் அணியின் கேப்டன் சஞ்சு சாம்சன் முதலில் பீல்டிங்கை தேர்வு செய்தார்.

அதன்படி முதலில் களமிறங்கிய பெங்களூரு அணியின் கேப்டன் டுபிளசி 17 ரன்களும், விராட் கோலி 33 ரன்களும், கிரீன் 27 ரன்களும், தினேஷ் கார்த்திக் 11 ரன்களும், ரஜத் படிதர் 34 ரன்களும், லாம்ரர் 32 ரன்களும் எடுத்தனர். மேக்ஸ்வெல் ரன் ஏதும் எடுக்காமல் ஆட்டமிழந்தார். இறுதியில் பெங்களூரு அணி 20 ஓவர் முடிவில் 8 விக்கெட் இழப்புக்கு 172 ரன்கள் எடுத்தது.

அதனைத்தொடர்ந்து களமிறங்கிய ராஜஸ்தான் அணியின் சார்பில் காட்மோர் 20 ரன்களும், ஜெய்ஸ்வால் 45 ரன்களும், சஞ்சு சாம்சன் 17 ரன்களும், துருவ் ஜுரெல் 8 ரன்களும், ரியான் பராக் 36 ரன்களும், ஷிம்ரன் ஹெட்மயர் 26 ரன்களும் எடுத்தனர். பாவெல் 16 ரன்கள எடுத்து இறுதி வரை ஆட்டமிழக்காமல் இருந்தார். இறுதியாக ராஜஸ்தான் அணி 19 ஓவரில் 6 விக்கெட்டு இழப்புக்கு 174 ரன்கள் எடுத்து வெற்றி பெற்றது. மேலும் ராஜஸ்தான் அணியின் ரவிச்சந்திரன் அஷ்வின் ஆட்ட நாயகன் விருதைத் தட்டிச் சென்றார்.

இதன் மூலம் ராஜஸ்தான் அணி நாளை (24.05.2024) சென்னையில் நடக்கும் இரண்டாவது தகுதிச் சுற்று போட்டியில் ஐதராபாத் அணியை எதிர்கொள்கிறது. இந்த போட்டியில் வெற்றி பெறும் அணி சென்னையில் நடைபெறும் இறுதிப் போட்டியில் (26.05.2024)) கொல்கத்தா அணியை எதிர்கொள்ள உள்ளது. 

Next Story

விராட் கோலிக்கு ஆபத்து?; பயங்கரவாதிகள் மிரட்டலால் பரபரப்பு!

Published on 22/05/2024 | Edited on 22/05/2024
Danger for Virat Kohli due to threats

ஐபிஎல் 2024இன் 65ஆவது லீக் ஆட்டம் சென்னை சூப்பர் கிங்ஸ் மற்றும் பெங்களூரு அணிகளுக்கிடையே பெங்களூர் சின்னசாமி மைதானத்தில் கடந்த 18ஆம் தேதி நடைபெற்றது. இதில், டாஸ் வென்ற சென்னை சூப்பர் கிங்ஸ் அணி, பந்து வீச்சை தேர்வு செய்தது. அதன்படி, முதலில் பேட்டிங் செய்த பெங்களூர் அணி 20 ஓவர்களில் 5 விக்கெட்கள் இழப்புக்கு 218 ரன்கள் அடித்தது. அதனை தொடர்ந்து, களமிறங்கிய சென்னை சூப்பர் கிங்ஸ் அணி, 20 ஓவருக்கு 7 விக்கெட் இழப்புக்கு 191 ரன்கள் எடுத்து பெங்களூர் அணியிடம் தோல்வி அடைந்தது. இந்த அபார வெற்றி மூலம், பெங்களூர் அணி பிளே ஆஃப் சுற்றுக்கு தகுதி பெற்றது. 

இதனையடுத்து, முதல் தகுதி சுற்று போட்டி நேற்று (21-05-24) நடைபெற்றது. இதில், ஹைதராபாத் அணியை தோற்கடித்து நேரடியாக இறுதிச்சுற்றுக்கு கொல்கத்தா அணி தகுதி பெற்றுள்ளது. இந்த நிலையில், இன்று (22-05-24) அகமதாபாத்தில் உள்ள நரேந்திர மோடி மைதானத்தில் ராஜஸ்தான் அணிக்கும், பெங்களூர் அணிக்கும் போட்டி நடைபெறவுள்ளது. இந்த இரு அணிகளில் வெற்றி பெறும் அணி, அடுத்ததாக ஹைதராபாத் அணியோடு மோதவிருக்கிறது.

இத்தகைய சூழலில், பெங்களூர் அணி வீரர் விராட் கோலிக்கு தீவிரவாதிகள் மிரட்டல் விடுத்துள்ளதாகவும், அவரின் உயிருக்கு அச்சுறுத்தல் இருப்பதாகவும் குஜராத் போலீசார் எச்சரிக்கை விடுத்துள்ளனர். அதனால், இன்று நரேந்திர மோடி மைதானத்தில் நடைபெறவிருந்த பயிற்சியை பெங்களூர் அணி ரத்து செய்துள்ளது. மேலும், இந்த மிரட்டல் குறித்து போலீசார் வழக்குப்பதிவு செய்து விசாரணை நடத்தி வருகின்றனர். 

முன்னதாக, கடந்த 20ஆம் தேதி அகமதாபாத்தில் உள்ள சர்தார் வல்லபாய் பட்டேல் விமான நிலையத்தில் ஐ.எஸ்.ஐ பயங்கரவாதிகள் 4 பேரை குஜராத் மாநில பயங்கரவாத தடுப்பு பிரிவு போலீசார் கைது செய்து விசாரணை நடத்தி வருகின்றனர் என்பது குறிப்பிடத்தக்கது.