Skip to main content

வாட்சன் இன்ஸ்டாகிராம் பக்கத்தில் குவியும் சர்ச்சை படங்கள்... முகம்சுளித்த ரசிகர்கள்... பதிலளித்த வாட்சன்...

Published on 15/10/2019 | Edited on 15/10/2019

ஆஸ்திரேலிய கிரிக்கெட் அணியின் முன்னாள் வீரரும், சிஎஸ்கே தொடக்க ஆட்டக்காரருமான ஷேன் வாட்சனின் இன்ஸ்டாகிராம் பக்கத்தில் ஆபாச படங்கள் பதிவேற்றப்பட்டது குறித்து அவர் விளக்கமும், மன்னிப்பும் கோரியுள்ளார்.

 

shane watson twitter account hacked

 

 

அவரது இன்ஸ்டாகிராம் கணக்கில் சில ஆபாச படங்கள் பதிவேற்றப்பட்டன. இந்நிலையில் தன்னுடைய இன்ஸ்டாகிராம் பக்கம் ஹேக் செய்யப்பட்டுள்ளதாக வாட்சன் தெரிவித்துள்ளார். தனது இன்ஸ்டாகிராம் கணக்கை ஹேக் செய்த பின்னர், ஹேக்கர்கள் சில சட்டவிரோத படங்களை வெளியிட்டதாகவும், அதற்காக அனைவரிடமும் மன்னிப்பு கேட்டுக்கொள்வதாகவும் தெரிவித்துள்ளார்.

இதுகுறித்து தனது ட்விட்டர் பக்கத்தில் பதிவிட்டுள்ள அவர், "எனது இன்ஸ்டாகிராம் கணக்கில் வெளியிடப்பட்ட சட்டவிரோத புகைப்படங்களுக்கு அனைவரும் என்னை மன்னித்துவிடுங்கள். முதலில் எனது ட்விட்டர் கணக்கு கடந்த வெள்ளிக்கிழமை ஹேக் செய்யப்பட்டு இப்போது இன்ஸ்டாகிராம். இதுபோன்ற விஷயங்கள் நடக்கும்போது இன்ஸ்டாகிராம் மிக விரைவாக உதவ வேண்டும்" என தெரிவித்துள்ளார். 

 

 

 

Next Story

ரீல்ஸ் எடுக்க முயன்ற இன்ஸ்டாகிராம் பிரபலம்; அடுத்து நடந்த விபரீதம்!

Published on 18/07/2024 | Edited on 18/07/2024
Instagram celebrity who tried to take reels in maharashtra

மகாராஷ்டிரா மாநிலம், மும்பையைச் சேர்ந்தவர் ஆன்வி கம்தார் (27). இவர், தனது இன்ஸ்டாகிராம் பக்கத்தில் ரீல்ஸ் வீடியோ எடுத்து மிகப்பெரிய அளவில் வைரல் ஆகி வந்துள்ளார். 

இன்ஸ்டாகிராம் பக்கத்தில் 2.5 லட்சத்திற்கும் மேற்பட்ட ஃபாலோவர்ஸ்களை கொண்ட ஆன்வி கம்தார், ராய்காட் மாவட்டத்தில் உள்ள கும்பே நீர்வீழ்ச்சிக்கு அவரது நண்பர்களுடன் சுற்றுலா சென்றிருந்தார். அப்போது, நீர்வீழ்ச்சியின் அருகே அவர் ரீல்ஸ் வீடியோ எடுத்துக் கொண்டிருந்த போது 300 அடி பள்ளத்தில் தவறி விழுந்தார். 

இதில் பதற்றமடைந்த அவரது நண்பர்கள் இது குறித்து மீட்பு குழுவினருக்கு தகவல் கொடுத்தனர். இந்தச் சம்பவம் குறித்து தகவல் அறிந்து விரைந்து வந்த மீட்பு குழுவினர், பள்ளத்தில் விழுந்த ஆன்வி கம்தாரை தீவிரமாக தேடி வந்தனர். ஆறு மணி நேரப் போராட்டத்திற்குப் பிறகு அவர் காயங்களுடன் மீட்கப்பட்டார். பலத்த காயமடைந்த அவரை சிகிச்சைக்காக மருத்துவமனையில் அனுமதித்தினர். ஆனால், அவர் அங்கு சிகிச்சை பலனின்றி பரிதாபமாக உயிரிழந்தார். ரீல்ஸ் வீடியோ எடுக்கும் போது பள்ளத்தில் விழுந்து இளம்பெண் ஒருவர் உயிரிழந்தது பெரும் அதிர்ச்சியை ஏற்படுத்தியுள்ளது. 

Next Story

ரீல்ஸ் வெளியிட்ட மனைவி; துண்டுதுண்டாக வெட்டி படுகொலை செய்த கணவர்

Published on 15/07/2024 | Edited on 15/07/2024
husband incident wife because release instagram reels

ஒடிசாவைச் சேர்ந்தவர் பிரதீப் போலா. இவருக்கு மதுமிதா(24) என்ற பெண்ணுடன் திருமணமாகி இருவரும் 10 மாத பெண் குழந்தை ஒன்று உள்ளது. பிரதீப் தனது மனைவி மற்றும் பெண் குழந்தையுடன் தெலுங்கானாவில் தங்கி அங்குள்ள ஒரு தனியார் உணவகத்தில்  பணியாற்றி வருகிறார். 

இந்த நிலையில் மனைவி மதுமிதா அதிகம் நேரம் செல்போனில் செலவிட்டு இன்ஸ்டாகிராம் ரீல்ஸ் வெளியிட்டு வந்துள்ளார். ஆனால் அது பிரதீப் போலாவிற்கு பிடிக்கவில்லை. இதனைக் கண்டித்து மனைவியிடம் அடிக்கடி தகராறு செய்துவந்துள்ளார். ஆனால் இதனை மதுமிதா கண்டுகொள்ளாமல் தொடர்ந்து செல்போனிலேயே நேரத்தைச் செலவிட்டு வந்துள்ளார். ஒரு கட்டத்தில் ஆத்திரமடைந்த பிரதீப் போலா சில தினங்களுக்கு முன்பு தனது மனைவியைக் கத்தியால் குத்தி படுகொலை செய்துள்ளார். பின்னர் அவரது உடலை துண்டுதுண்டாக வெட்டி சாக்கு மூட்டையில் கட்டி தனது வீட்டுக் குளியலறையில் வைத்துள்ளார். 

அதன்பிறகு பிரதீப் போலா தனது குழந்தையுடன் தலைமறைவாகியுள்ளார். சில தினங்களாக பிரதீப் வேலைக்கு வராததால், அவருடன் வேலை பார்க்கும் சக ஊழியர்கள் அவர் தங்கியிருந்த வீட்டிற்குச் சென்று பார்த்துள்ளனர். அப்போது ஆளில்லா வீட்டிலிருந்து துர்நாற்றம் வருவதை உணர்ந்த அவர்கள், உடனடியாக போலீஸுக்கு தகவல் கொடுத்துள்ளனர். 

தகவலின் பேரில் சம்பவ இடத்திற்கு வந்த போலீசார் வீட்டின் கதவை உடைத்துக்கொண்டு உள்ளே சென்று பார்த்தபோது வீட்டின் குளியலறையில் இருந்து மதுமிதாவின் உடலைக் கைப்பற்றினர். தொடர்ந்து மதுமிதாவின் உடலை பிரேதப் பரிசோதனைக்காக மருத்துவமனைக்கு அனுப்பி வைத்து, வழக்குப்பதிவு செய்த  போலீசார் பெகும்பேட்டையில் தலைமறைவாக இருந்த பிரதீப் போலாவை கைது செய்தனர். அதன்பிறகு அவரிடன் நடத்தப்பட்ட விசாரணையில் ரீல்ஸ் வெளியிட்டதால் கொலை செய்தேன் என்பதனை ஒப்புக்கொண்டார். அதன்பிறகு நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டார். இந்த சம்பவம் தற்போது தெலுங்கானாவின் பெரும் பரபரப்பை ஏற்படுத்தியுள்ளது.