Skip to main content

அமித் மிஸ்ராவிற்கு பதில் புதிய வீரர் சேர்ப்பு!

 

Pravin Dubey

 

 

13-வது ஐபிஎல் தொடர் அமீரகத்தில் நடைபெற்று வருகிறது. டெல்லி அணியைச் சேர்ந்த அமித் மிஸ்ராவிற்கு, கொல்கத்தா அணிக்கு எதிரான போட்டியின்போது கைவிரலில் காயம் ஏற்பட்டது. பின் நடந்த மருத்துவப் பரிசோதனையில் காயத்தின் தன்மை தீவிரமாக இருப்பது தெரியவந்தது. இதனையடுத்து, நடப்பு ஐபிஎல் தொடரில் இருந்து விலகுவதாக அமித் மிஸ்ரா அறிவித்தார். இந்நிலையில், அமித் மிஸ்ராவிற்கு பதிலாக பிரவீன் துபே என்ற வீரர் அணியில் சேர்க்கப்பட்டுள்ளதாக அணி நிர்வாகம் அறிவித்துள்ளது.

 

பிரவீன் துபே கர்நாடகாவை சேர்ந்தவர் ஆவார். லெக் ஸ்பின்னரான பிரவீன் துபே இதுவரை கர்நாடக அணிக்காக 14 உள்நாட்டு 20 ஓவர் போட்டிகளில் விளையாடி,16 விக்கெட்டுகளை வீழ்த்தியுள்ளார்.

 

டெல்லி அணி, நாளை நடைபெற இருக்கிற 38-வது லீக் போட்டியில் பஞ்சாப் அணியுடன் மோத இருக்கிறது. இப்போட்டியில், பிரவீன் துபே களமிறங்குவார் என எதிர்பார்க்கப்படுகிறது. 

 

 

உங்கள் கருத்தைப் பதிவு செய்யுங்கள்