Skip to main content

தோற்றாலும் நம்பர் 1; தொடரும் சிங்கத்தின் கர்ஜனை; பட்டியலிலும் முந்திய கான்வே

Published on 01/05/2023 | Edited on 01/05/2023

 

No. 1 despite losing; Continuing Lion's feat; Conway tops the list

 

நடப்பு ஐபிஎல் சீசனின் 41 ஆவது லீக் போட்டி சென்னை சேப்பாக்கம் மைதானத்தில் நேற்று நடைபெற்றது. இதில் சென்னை சூப்பர் கிங்ஸ் மற்றும் பஞ்சாப் கிங்ஸ் அணிகள் மோதின. டாஸ் வென்ற சென்னை அணி பேட்டிங்கை தேர்வு செய்தது. முதலில் விளையாடிய சென்னை அணி 20 ஓவர் முடிவில் நான்கு விக்கெட் இழப்புக்கு 200 ரன்கள் எடுத்தது. 19.5 ஓவரில் 198 ரன்கள் எடுத்திருந்த நிலையில் கடைசி பந்தில் 3 ரன்கள் எடுத்ததன் மூலமாக 201 ரன்கள் எடுத்து பஞ்சாப் அணி த்ரில் வெற்றி பெற்றது.

 

சென்னை அணியில் அதிகபட்சமாக கான்வே 92 ரன்களும் ருதுராஜ் கெய்க்வாட் 37 ரன்களும் ஷிவம் துபே 28 ரன்களும் எடுத்தனர். பஞ்சாப் அணியில் அர்ஷ்தீப் சிங், சாம் கரண், ராகுல் சாஹர், சிக்கந்தர் ரஸா தலா ஒரு விக்கெட் வீழ்த்தினர். பஞ்சாப் அணி பேட்டிங்கில் பிரப்சிம்ரன் சிங் 42 ரன்களும் லிவிங்ஸ்டன் 40 ரன்களும் சாம் கரண் 20 ரன்களும் ஷிகர் தவான் 28 ரன்களும் எடுத்தனர். சென்னை அணியில் அதிகபட்சமாக துஷார் தேஷ்பாண்டே மூன்று விக்கெட்களும் ஜடேஜா இரண்டு விக்கெட்களும் வீழ்த்தினர்.

 

இந்த போட்டியில் கான்வே 92 ரன்களை எடுத்திருந்தார். இவர் 45 ரன்களை கடக்கும் போது ஆடவர் டி20 கிரிக்கெட் போட்டிகளில் அதிவேகமாக 5000 ரன்களை கடந்த வீரர்கள் பட்டியலில் 3 ஆவது இடத்தில் இணைந்துள்ளார். இவர் 144 இன்னிங்ஸ்களில் இச்சாதனையை படைத்துள்ளார். முதல் இடத்தில் கிறிஸ் கெயில் 132 இன்னிங்ஸ்களிலும் இரண்டாவது இடத்தில் கே.எல்.ராகுல் 143 இன்னிங்ஸ்களிலும் இச்சாதனையை படைத்துள்ளனர். மேலும் பேட்டர் 5000 ரன்களை கடக்கும் போது அவர் வைத்திருக்கும் சராசரி ரன்னில் கான்வே முதலிடத்தில் உள்ளார். இவர் 44.41 சராசரியில் 5000 ரன்களை கடந்துள்ளார். இரண்டாவது இடத்தில் பாபர் அசாம் உள்ளார். இவர் 44.02 சராசரியுடன் 5000 ரன்களை கடந்துள்ளார். 

 

இந்த போட்டியில் தோனியின் இறுதி 2 இரண்டு சிக்ஸர்களுடன் சென்னை அணி 200 ரன்களை குவித்தது. இதன் மூலம் ஐபிஎல் போட்டிகளில் அதிக முறை 200 ரன்களை எடுத்த அணிகளின் பட்டியலில் சென்னை அணி முதல் இடத்தில் உள்ளது. இது வரை சென்னை அணி 27 முறை 200 ரன்கள் அல்லது அதற்கும் மேல் குவித்துள்ளது. இரண்டாவது இடத்தில் பெங்களூர் அணி 24 முறை 200 ரன்கள் அல்லது அதற்கும் மேல் குவித்துள்ளது.

 

 

 

 

Next Story

'பிரகாசமான பிளே ஆப்'-சென்னை சூப்பர் கிங்ஸ் அசத்தல் வெற்றி

Published on 12/05/2024 | Edited on 12/05/2024
'Brilliant play-off'-Chennai Super Kings' stunning win

ராஜஸ்தான் அணிக்கு எதிரான ஐபிஎல் லீக் போட்டியில் சென்னை சூப்பர் கிங்ஸ் அணி அசத்தல் வெற்றி பெற்றுள்ளது.

சென்னை சேப்பாக்கம் மைதானத்தில் நடந்த போட்டியில் 5 விக்கெட் வித்தியாசத்தில் சென்னை அணி வெற்றி பெற்றுள்ளது. சூப்பர் கிங்ஸ் அணி பிளே ஆப் சுற்றுக்கு முன்னேறுவதற்கான முக்கியமான போட்டியாக இன்று சென்னை சேப்பாக்கம் மைதானத்தில் நடைபெற்ற போட்டி இருந்தது. இந்நிலையில் இன்று நடைபெற்ற ராஜஸ்தான் அணிக்கு எதிரான போட்டியில் 5 விக்கெட் வித்தியாசத்தில் வெற்றியைத் தழுவியது.

இதனால் பிளே ஆப் சுற்றுக்கான வாய்ப்பு சென்னை சூப்பர் கிங்ஸ் அணிக்கு பிரகாசமாகி உள்ளது. பெங்களூர், டெல்லி, லக்னோ போன்ற அணிகளின் ரன்களின் ரேட்டை விட சிஎஸ்கே வின் ரன் ரேட் பெரிய அளவில் உயரும். முதலில் டாஸ் வென்ற ராஜஸ்தான் அணியின் கேப்டன் பேட்டிங்கை தேர்ந்தெடுத்தார். ராஜஸ்தான் அணி இதில் 141 ரன்கள் எடுத்திருந்தது, 142 ரன்களை எடுத்தால் வெற்றி என்ற இலக்குடன் களமிறங்கிய சென்னை சூப்பர் கிங்ஸ் 5 விக்கெட் வித்தியாசத்தில் 18.2 ஓவரில் 145 ரன்கள் அடித்து வெற்றி பெற்றுள்ளது.

Next Story

ரசிகர்களுக்கு சஸ்பென்ஸ் வைத்த சி.எஸ்.கே!

Published on 12/05/2024 | Edited on 12/05/2024
CSK kept the fans in suspense

உலக அளவில் புகழ்பெற்ற கிரிக்கெட் தொடரான ஐ.பி.எல். டி20 தொடர் கடந்த 2008 ஆம் ஆண்டு முதல் நடைபெற்று வருகிறது. இதன் 17 ஆவது சீசன் இந்த ஆண்டு (2024) மார்ச் மாதம் தொடங்கி நடைபெற்று வருகிறது. இத்தகைய சூழலில் சென்னை சேப்பாக்கம் ஸ்டேடியத்தில் இன்று (12.05.2024) நடைபெற உள்ள ஆட்டத்தில் சென்னை சூப்பர் கிங்ஸ் - ராஜஸ்தான் ராயல்ஸ் அணிகள் மோதுகின்றன. அரையிறுதி போட்டிக்குச் செல்ல சென்னை அணிக்கு இந்த இந்த ஆட்டம் முக்கியமான ஒன்று ஆகும். இதனால் ரசிகர்கள் இடையே பலத்த எதிர்பார்ப்பு நிலவுகிறது.

இந்நிலையில் இன்று நடைபெற உள்ள போட்டிக்கு பின்னர் சென்னை சூப்பர் கிங்ஸ் அணியின் ரசிகர்களை ஸ்டேடியத்தில் சிறிது நேரம் காத்திருக்கும்படி சென்னை சூப்பர் கிங்ஸ் அணியின் நிர்வாகம் சார்பில் தெரிவிக்கப்பட்டுள்ளது. சென்னை அணியின் ரசிகர்களுக்கு ஸ்பெஷலான ஒன்று இருக்கிறது எனவும் சிஎஸ்கே அணி தனது எக்ஸ் சமூக வலைத்தளத்தில் பதிவிடப்பட்டுள்ளது. சென்னையில் நடைபெறும் கடைசி லீக் போட்டி என்பது குறிப்பிடத்தக்கது.

அதே சமயம் இன்றைய போட்டி முடிந்ததும் ஐபிஎல் கிரிக்கெட் தொடரில் இருந்து ஓய்வு அறிவிப்பை தோணி அறிவிக்க வாய்ப்பு இருபதாக ரசிகர்கள் கவலை தெரிவித்துள்ளனர்.  அதே சமயத்தில் சென்னையில் கடைசி  மேட்ச் நடந்து முடியும் பொழுது அனைத்து பார்வையாளர்களுக்கும் டீ சர்ட், பந்துகள் தரப்படுவது வழக்கம். அதேபோல் அனைவருக்கும் மைதானத்தை சுற்றி வந்து டாடா காட்டிவிட்டு நன்றி சொல்வதும் வழக்கம். இதனால் கூட ரசிகர்களை ஸ்டேடியத்தில் காத்திருக்க சிஎஸ்கே நிர்வாகம் கூறியிருக்கலாம் என்று ரசிகர்களால் யூகிக்கப்படுகிறது.