Skip to main content

‘அதுலதான் நான் ஸ்பெஷலிஸ்ட்’; முதலிடத்தில் நீடிக்கும் பதிரானா 

Published on 24/05/2023 | Edited on 24/05/2023

 

More wickets in the final overs; Patirana will remain at the top

 

16 ஆவது ஐபிஎல் தொடரின் லீக் போட்டிகள் அனைத்தும் முடிவடைந்த நிலையில் 4 அணிகள் ப்ளே ஆஃப் போட்டிகளுக்கு தகுதி பெற்றுள்ளன. அதன்படி குஜராத், சென்னை, லக்னோ, மும்பை என 4 அணிகள் ப்ளே ஆஃப் போட்டிகளுக்கு தகுதி பெற்றுள்ளன.

 

சென்னை சேப்பாக்கத்தில் இன்று தொடங்கிய போட்டியில் டாஸ் வென்ற குஜராத் டைட்டன்ஸ் பந்துவீச்சை தேர்வு செய்ய, சென்னை சூப்பர் கிங்ஸ் பேட்டிங் செய்தது. 20 ஓவரில் ஏழு விக்கெட்டுகளை இழந்து 172 ரன்கள் எடுத்தது. பின்னர் ஆடிய குஜராத் அணி 20 ஓவர்களில் அனைத்து விக்கெட்டுகளையும் இழந்து 157 ரன்கள் எடுத்து  15 ரன்கள் வித்தியாசத்தில் தோல்வி அடைந்தது. ஆட்ட நாயகனாக 60 ரன்களை அடித்த ருதுராஜ் கெய்க்வாட் தேர்வு செய்யப்பட்டார்.

 

இந்த போட்டியில் வென்றதால் சென்னை சூப்பர் கிங்ஸ் 10 ஆவது முறையாக இறுதிப் போட்டிக்கு முன்னேறியுள்ளது. சென்னை அணி வெற்றியைத் தொடர்ந்து தமிழகத்தில் பல்வேறு இடங்களில் பட்டாசுகள் வெடித்து ரசிகர்கள் கொண்டாடி வருகின்றனர். இதுவரை நான்கு முறை ஐபிஎல் கோப்பைகளை வென்ற சென்னை அணி இந்த முறையும் கோப்பையை வெல்லும் என்ற எதிர்பார்ப்பு ரசிகர்கள் மத்தியில் எகிறி உள்ளது. 

 

இந்த போட்டியில் சென்னை அணி முதல் 10 ஓவர்களில் விக்கெட்கள் இழப்பின்றி 85 ரன்களையும் அடுத்த 7 ஓவர்களில் 4 விக்கெட்களை இழந்து 52 ரன்களையும் இறுதி 3 ஓவர்களில் 3 விக்கெட்களை இழந்து 35 ரன்களையும் எடுத்தது. டெத் ஓவர்களில் அதிக விக்கெட்களை வீழ்த்தியவர்கள் பட்டியலில் பதிரானா 16 விக்கெட்களை வீழ்த்தி முதல் இடத்தில் உள்ளார். தொடர்ந்து சாஹல், மோஹித் சர்மா, ஹர்சல் படேல் தலா 11 விக்கெட்களை வீழ்த்தி இரண்டாம் இடத்தில் உள்ளனர். இறுதி 16 முதல் 20 ஓவர்களில் இதுவரை பதிரானா 26.2 ஓவர்களை வீசியுள்ளார். 16 விக்கெட்களை வீழ்த்தியுள்ள அவர் 65 டாட் பந்துகளை வீசியதும் குறிப்பிடத்தக்கது.

 

ஐபிஎல் போட்டிகளில் ஒரு தொடரில் 700 அல்லது அதற்கு மேற்பட்ட ரன்களை அடித்த இந்தியர்கள் பட்டியலில் சுப்மன் கில்லும் இணைந்தார். அவர் நடப்பு தொடரில் இதுவரை 705 ரன்களை எடுத்துள்ளார். 2016 தொடரில் 973 ரன்களை எடுத்து விராட் கோலி முதல் இடத்தில் உள்ளார்.

 


 

 

Next Story

'பிரகாசமான பிளே ஆப்'-சென்னை சூப்பர் கிங்ஸ் அசத்தல் வெற்றி

Published on 12/05/2024 | Edited on 12/05/2024
'Brilliant play-off'-Chennai Super Kings' stunning win

ராஜஸ்தான் அணிக்கு எதிரான ஐபிஎல் லீக் போட்டியில் சென்னை சூப்பர் கிங்ஸ் அணி அசத்தல் வெற்றி பெற்றுள்ளது.

சென்னை சேப்பாக்கம் மைதானத்தில் நடந்த போட்டியில் 5 விக்கெட் வித்தியாசத்தில் சென்னை அணி வெற்றி பெற்றுள்ளது. சூப்பர் கிங்ஸ் அணி பிளே ஆப் சுற்றுக்கு முன்னேறுவதற்கான முக்கியமான போட்டியாக இன்று சென்னை சேப்பாக்கம் மைதானத்தில் நடைபெற்ற போட்டி இருந்தது. இந்நிலையில் இன்று நடைபெற்ற ராஜஸ்தான் அணிக்கு எதிரான போட்டியில் 5 விக்கெட் வித்தியாசத்தில் வெற்றியைத் தழுவியது.

இதனால் பிளே ஆப் சுற்றுக்கான வாய்ப்பு சென்னை சூப்பர் கிங்ஸ் அணிக்கு பிரகாசமாகி உள்ளது. பெங்களூர், டெல்லி, லக்னோ போன்ற அணிகளின் ரன்களின் ரேட்டை விட சிஎஸ்கே வின் ரன் ரேட் பெரிய அளவில் உயரும். முதலில் டாஸ் வென்ற ராஜஸ்தான் அணியின் கேப்டன் பேட்டிங்கை தேர்ந்தெடுத்தார். ராஜஸ்தான் அணி இதில் 141 ரன்கள் எடுத்திருந்தது, 142 ரன்களை எடுத்தால் வெற்றி என்ற இலக்குடன் களமிறங்கிய சென்னை சூப்பர் கிங்ஸ் 5 விக்கெட் வித்தியாசத்தில் 18.2 ஓவரில் 145 ரன்கள் அடித்து வெற்றி பெற்றுள்ளது.

Next Story

ரசிகர்களுக்கு சஸ்பென்ஸ் வைத்த சி.எஸ்.கே!

Published on 12/05/2024 | Edited on 12/05/2024
CSK kept the fans in suspense

உலக அளவில் புகழ்பெற்ற கிரிக்கெட் தொடரான ஐ.பி.எல். டி20 தொடர் கடந்த 2008 ஆம் ஆண்டு முதல் நடைபெற்று வருகிறது. இதன் 17 ஆவது சீசன் இந்த ஆண்டு (2024) மார்ச் மாதம் தொடங்கி நடைபெற்று வருகிறது. இத்தகைய சூழலில் சென்னை சேப்பாக்கம் ஸ்டேடியத்தில் இன்று (12.05.2024) நடைபெற உள்ள ஆட்டத்தில் சென்னை சூப்பர் கிங்ஸ் - ராஜஸ்தான் ராயல்ஸ் அணிகள் மோதுகின்றன. அரையிறுதி போட்டிக்குச் செல்ல சென்னை அணிக்கு இந்த இந்த ஆட்டம் முக்கியமான ஒன்று ஆகும். இதனால் ரசிகர்கள் இடையே பலத்த எதிர்பார்ப்பு நிலவுகிறது.

இந்நிலையில் இன்று நடைபெற உள்ள போட்டிக்கு பின்னர் சென்னை சூப்பர் கிங்ஸ் அணியின் ரசிகர்களை ஸ்டேடியத்தில் சிறிது நேரம் காத்திருக்கும்படி சென்னை சூப்பர் கிங்ஸ் அணியின் நிர்வாகம் சார்பில் தெரிவிக்கப்பட்டுள்ளது. சென்னை அணியின் ரசிகர்களுக்கு ஸ்பெஷலான ஒன்று இருக்கிறது எனவும் சிஎஸ்கே அணி தனது எக்ஸ் சமூக வலைத்தளத்தில் பதிவிடப்பட்டுள்ளது. சென்னையில் நடைபெறும் கடைசி லீக் போட்டி என்பது குறிப்பிடத்தக்கது.

அதே சமயம் இன்றைய போட்டி முடிந்ததும் ஐபிஎல் கிரிக்கெட் தொடரில் இருந்து ஓய்வு அறிவிப்பை தோணி அறிவிக்க வாய்ப்பு இருபதாக ரசிகர்கள் கவலை தெரிவித்துள்ளனர்.  அதே சமயத்தில் சென்னையில் கடைசி  மேட்ச் நடந்து முடியும் பொழுது அனைத்து பார்வையாளர்களுக்கும் டீ சர்ட், பந்துகள் தரப்படுவது வழக்கம். அதேபோல் அனைவருக்கும் மைதானத்தை சுற்றி வந்து டாடா காட்டிவிட்டு நன்றி சொல்வதும் வழக்கம். இதனால் கூட ரசிகர்களை ஸ்டேடியத்தில் காத்திருக்க சிஎஸ்கே நிர்வாகம் கூறியிருக்கலாம் என்று ரசிகர்களால் யூகிக்கப்படுகிறது.