பூரி ஜெகன்நாத் இயக்கத்தில் விஜய் தேவரகொண்டா நடிப்பில் உருவாகியுள்ள படம் 'லைகர்'. இப்படத்தில் அனன்யா பாண்டே, ரம்யா கிருஷ்ணன், ரோனித் ராய் உள்ளிட்ட பலர் நடித்துள்ளனர். இவர்களோடு பிரபல குத்துச்சண்டை வீரர் 'மைக் டைசன்' முக்கிய கதாபாத்திரத்தில் நடித்துள்ளார். 'தர்மா புரொடக்ஷன்' தயாரித்துள்ள இப்படம் தமிழ், தெலுங்கு, மலையாளம், கன்னடம், இந்தி ஆகிய மொழிகளில் ஆகஸ்ட் மாதம் 25-ஆம் தேதி வெளியாகவுள்ளது. ஏற்கனவே இப்படத்தின் க்ளிம்பஸ் வீடியோ, முதல் பாடல் மற்றும் தீம் பாட்டு ரசிகர்களிடையே நல்ல வரவேற்பை பெற்றது.  

இந்நிலையில் 'லைகர்' படத்தின் ட்ரைலர் தற்போது வெளியாகியுள்ளது. மும்பையில் குடிசை பகுதியில் வாழும் விஜய் தேவரகொண்டா சர்வதேச அளவில் நடக்கும் குத்துச்சண்டை போட்டியில் இந்தியா சார்பாக கலந்து கொள்கிறார். ஒரு சாதாரண இடத்தில் இருந்து இந்திய அளவில் எவ்வாறு உயர்ந்தார் என்பதை மாஸ், ஆக்ஷன் கலந்து சொல்லியிருப்பது போல் வெளியாகியுள்ளது இந்த ட்ரைலர். மேலும் இந்த ட்ரைலர் ரசிகர்களின் வரவேற்பை பெற்று படத்தின் மீதான எதிர்பார்ப்பையும் அதிகரித்துள்ளது.  

'அர்ஜுன் ரெட்டி' படம் மூலம் இந்திய அளவில் பிரபலமான நடிகராக இருப்பவர் 'விஜய் தேவரகொண்டா'. இவர் பூரி ஜெகன்னாத் இயக்கத்தில் 'லைகர்' படத்தில் நடித்து முடித்துள்ளார். இப்படம் தெலுங்கு, ஹிந்தி ஆகிய இரு மொழிகளிலும் படமாக்கப்பட்டிருக்கிறது. தமிழ், மலையாளம், கன்னடம் போன்ற மொழிகளில் டப் செய்து பான் இந்தியா படமாக ஆகஸ்ட் 25-ல் வெளியாகவுள்ளது. இப்படத்தினை பூரி ஜெகன்நாத், சர்மீ, கரண் ஜோகர் உள்ளிட்டோர் 'தர்மா ப்ரொடக்ஷன்' பேனரில் தயாரிக்கின்றனர். அனன்யா பாண்டே, ரம்யா கிருஷ்ணன், ரோனித் ராய் உள்ளிட்ட பலர் நடித்துள்ளனர். பிரபல குத்துச்சண்டை வீரர் 'மைக் டைசன்' முக்கிய கதாபாத்திரத்தில் நடித்துள்ளார். இந்த படத்தின் மூலம் இந்திய சினிமாவில் அறிமுகமாகிறார்.

இந்நிலையில் 'லைகர்' படத்தின் டப்பிங்கை குத்துச்சண்டை வீரர் 'மைக் டைசன்' நிறைவு செய்துள்ளார். இதனை படக்குழு அதிகாரப்பூர்வமாக அறிவித்துள்ளது. இது குறித்து சமூக வலைதளத்தில் மைக் டைசன் பேசும் ஒரு வீடியோவை படக்குழு வெளியிட்டுள்ளது. அதில் "என்னிடம் அன்பாக நடந்துகொண்டதற்கு மிக்க நன்றி" என கூறியுள்ளார். அதோடு மைக் டைசன் டப் செய்யும் காட்சியை போஸ்டராக வெளியிட்டுள்ளது படக்குழு. இப்போஸ்டர் சமூக வலைதளங்களில் வைரலாகி வருகிறது.