Skip to main content

உள்ளே வெளியே ஆட்டத்திற்கு முடிவு கிடைக்குமா? - ஐ.பி.எல். போட்டி #50 

Published on 16/05/2018 | Edited on 16/05/2018

ப்ளே ஆஃப் சுற்றை நோக்கிய லீக் போட்டிகள் இறுதிக்கட்டத்தை நெருங்கி இருக்கின்றன. ஒருவழியாக ஐ.பி.எல். தொடரின் 50ஆவது ஆட்டத்தையும் நெருங்கிவிட்டோம். இன்றைய போட்டி மும்பை இந்தியன்ஸ் மற்றும் கிங்ஸ் லெவன் பஞ்சாப் அணிகளுக்கு இடையே நடைபெறவுள்ளது. மும்பையில் உள்ள வான்கடே மைதானத்தில் நடைபெறும் இந்தப் போட்டி இரவு 8 மணிக்கு தொடங்குகிறது. மும்பை அணிக்கு இதுதான் சொந்த மைதானத்தில்

ஆடுவதற்கான ஒரே வாய்ப்பு.

mi

 

இந்த இரண்டு அணிகளுமே மீதமிருக்கும் இரண்டு போட்டிகளில் வெற்றிபெற்றாக வேண்டிய கட்டாயத்தில் இருக்கின்றன. இன்றைய போட்டியில் வெற்றிபெறும் அணி நேரடியாக புள்ளிப்பட்டியலின் நான்காவது இடத்தைப் பிடிக்கும். ஒருவேளை மும்பை அணி வெற்றிபெற்றால் பஞ்சாப் மற்றும் ராஜஸ்தான் அணிகள் ப்ளே ஆஃப் தகுதியை இழக்கநேரிடும். அதேபோல், பஞ்சாப் இன்று வெற்றிபெற்றால் ராஜஸ்தான் மற்றும் மும்பை அணிகள் நடையைக் கட்டவேண்டியதுதான். இப்படி உள்ளே வெளியே ஆடாமல் கொல்கத்தாவுடன் ஜெயித்திருந்தால் எந்தப் பிரச்சனையும் இருந்திருக்காது ராஜஸ்தான் அணிக்கு. 

 

KXIP

 

ஆனால், மும்பை அணிக்கு இன்னமும் வாய்ப்பிருக்கிறது. இதே ரன்ரேட் அல்லது கூடுதலான ரன்ரேட்டுடன் வெற்றிபெற்றால் அந்த அணி நிச்சயமாக புள்ளிப்பட்டியலில் நான்காவது இடத்தைப் பூர்த்தி செய்யும் வாய்ப்பைப் பெறும். இன்றைய போட்டியைப் பொருத்தவரை இரண்டு அணிகளுமே சமமான ஆக்ரோஷத்தை வெளிப்படுத்தக் கூடியவை. நேருக்கு நேர் மோதிய 22 போட்டிகளில் 11ல் மும்பை அணி வெற்றிபெற்றிருக்கிறது. அதேசமயம், வான்கடே மைதானத்தில் களமிறங்கிய 7 போட்டிகளில் பஞ்சாப் அணி நான்கு முறை வெற்றிபெற்றுள்ளது குறிப்பிடத்தக்கது. 

 

 

Next Story

மும்பை அணியை துவம்சம் செய்து வரலாற்று சாதனை படைத்த சன் ரைசர்ஸ்

Published on 27/03/2024 | Edited on 27/03/2024
mi vs srh ipl live score update sun risers creates history record in ipl

ஐபிஎல் 2024 இன் 8ஆவது லீக் ஆட்டம் சன்ரைசர்ஸ் ஹைதராபாத் மற்றும் மும்பை அணிகளுக்கு இடையே ஹைதராபாத்தில் தொடங்கியது. இதில் டாஸ் வென்ற மும்பை கேப்டன் ஹர்திக் முதலில் பந்துவீச்சை தேர்வு செய்தார். அதன்படி முதலில் களமிறங்கிய சன்ரைசர்ஸ் அணிக்கு டிராவிஸ் ஹெட் அதிரடி துவக்கம் தந்தார். மற்றொரு தொடக்க வீரரான மயங்க் அகர்வால் 11 ரன்களில் ஆட்டமிழந்து வெளியேறினார்.

பின்னர் அபிஷேக் ஷர்மாவுடன் இணைந்த ஹெட் தொடர்ந்து தனது அதிரடியை காட்டினார். 18 பந்துகளில் அரை சதத்தை கடந்த ஹெட் மும்பை அணியின் பந்து வீச்சாளர்களை நாலாபக்கமும் சிதறடித்தார்.  அவருடன் இணைந்த அபிஷேக் ஷர்மா ஹெட்டை மிஞ்சும் அளவுக்கு அதிரடியில் கலக்கி 7 சிக்ஸர்கள் மூன்று பவுண்டரிகளுடன் 23 பந்துகளில் 63 ரன்கள் எடுத்து ஆட்டம் இழந்தார்.

பின்னர் மார்க்ரம் மற்றும் கிளாசன் இணைந்தனர். அவர்களும் மும்பை அணியின் பந்துவீச்சை துவம்சம் செய்தனர்.  கிளாசனும் தன் பங்கிற்கு 7  சிக்ஸர்கள் மற்றும் 4 பவுண்டரிகளுடன்  34 பந்துகளில் 80 ரன்கள் குவித்தார். மார்க்ரம் 28 பந்துகளில்  42 ரன்கள் எடுத்தார். இறுதியின் சன்ரைசர்ஸ் ஹைதராபாத் அணி 20 ஓவர்கள் முடிவில் 3 விக்கெட் இழப்புக்கு 277 ரன்கள் குவித்தது.

இதன் மூலம் ஐபிஎல் வரலாற்றில் ஒரு இன்னிங்ஸில் அதிக ரன்கள் எடுத்த அணி என்ற புதிய வரலாற்று சாதனையை படைத்துள்ளது. இதற்கு முன்பு கிறிஸ் கெயில் 175 ரன்கள் குவித்த  அந்த ஆட்டத்தில் அடிக்கப்பட்ட 263 ரன்களே சாதனையாக இருந்து வந்தது. தற்போது சன்ரைசர்ஸ் ஹைதராபாத் அணி அந்த சாதனையை தகர்த்து புதிய சாதனையை படைத்துள்ளது. அதனைத் தொடர்ந்து 278 ரன்கள் எடுத்தால் வெற்றி என்ற இலக்குடன் மும்பை அணி  களமிறங்கி 2 ஓவர்கள் முடிவில் 27 ரன்கள் எடுத்துள்ளது.

Next Story

பரபரப்பான இறுதி ஓவர்; பல்தான்ஸை வீழ்த்திய லக்னோ

Published on 16/05/2023 | Edited on 16/05/2023

 

Exciting final over; Lucknow who defeated Paltans

 

16 ஆவது ஐபிஎல் சீசனின் 63 ஆவது லீக் போட்டி லக்னோவில் உள்ள பாரத் ரத்னா ஸ்ரீ அடல் பிஹாரி வாஜ்பாயி கிரிக்கெட் மைதானத்தில் நடந்தது. லக்னோ சூப்பர் ஜெயிண்ட்ஸ் மற்றும் மும்பை இந்தியன்ஸ் மோதிய இந்த போட்டியில் டாஸ் வென்ற மும்பை அணி பந்துவீச்சை தேர்வு செய்தது. 

 

முதலில் களமிறங்கிய லக்னோ அணி 3 விக்கெட்களை இழந்து 177 ரன்களை எடுத்தது. அதிகபட்சமாக ஸ்டோனிஸ் 89 ரன்களையும் க்ருணால் பாண்டியா 49 ரன்களையும் எடுத்தனர். மும்பை இந்தியன்ஸ் சார்பில் ப்ஹெண்ட்ராஃப் 2 விக்கெட்களையும் சாவ்லா 1 விக்கெட்டையும் வீழ்த்தினர்.

 

பின் இறங்கிய மும்பை அணி 20 ஓவர்களில் 5 விக்கெட்களை இழந்து 172 ரன்களை மட்டுமே எடுத்து தோல்வி அடைந்தது. அதிகபட்சமாக இஷான் கிஷன் 59 ரன்களையும் ரோஹித் சர்மா 37 ரன்களையும் எடுத்தனர். சிறப்பாக பந்துவீசிய லக்னோ அணியில் ரவி பிஷ்னோய் 2 விக்கெட்களையும் யஷ் தாக்கூர் 2 விக்கெட்களையும் மோஷின் கான் 1 விக்கெட்டையும் கைப்பற்றினர். நடப்பு சீசனில் தீபக் ஹூடா குறைந்த பட்ச சராசரியை வைத்துள்ளனர். அவர் 10 இன்னிங்ஸ்களில் மொத்தமாக 6.90 மட்டுமே சராசரியாக வைத்துள்ளார் என்பது குறிப்பிடத்தக்கது.