Skip to main content

சென்னையா, ஹைதராபாத்தா யாருக்கு கோப்பை, வீரர்களின் நிலை என்ன???

Published on 26/05/2018 | Edited on 27/05/2018

ஐபிஎல் போட்டி கடந்த ஏப்ரல் மாதம் ஏழாம் தேதி ஆரம்பித்தது, அந்தத் தொடரின் கடைசி போட்டியான கிராண்ட் பைனல் இன்று மும்பை வான்கடே மைதானத்தில் நடக்க இருக்கிறது. அதுவும் இந்த ஆண்டின் சிறந்த அணிகளாக திகழும் இரு அணிகளுக்கிடையே நடக்கும் போட்டி இது. இந்த ஆண்டின் சிறந்த சேஸ் செய்யும் அணிக்கும், சிறந்த பந்துவீசும் அணிக்கும் இடையே நடக்கும் போராக இன்றைய ஆட்டம் இருக்கும். பதினோராம் ஆண்டிற்கான ஐபிஎல் கோப்பையை இன்று யார் வெல்லப் போகிறார்கள் என்று இன்றிரவுதான் தெரியும், ஆனால் கண்டிப்பாக 100 சதவீத பொழுதுபோக்குக்கு கண்டிப்பாக இருக்கும் என்பதில் எந்தவித சந்தேகமும் இல்லை. நடக்க இருக்கும் பைனலை பற்றிய ஒரு சின்ன அலசலை பார்ப்போம்.
 

csk vs srh

 

 

 

கேன் வில்லியம்சன்  vs லுங்கி இங்கிடி 
இந்த வருடத்திற்கான போட்டித் தொடரில் சிறந்த ஆட்டக்காரர் என்று கேன் வில்லியம்சன்னை சொல்லிவிடலாம். ஆரஞ்சு தொப்பியும் அவர் வசமே இருக்கிறது. இந்த பதினோராவது ஐபிஎல் போட்டியில் அதிக ரன்களை பெற்று முதலிடத்தில் இருக்கும் வீரர் அவர். இதுவரை 688 ரன்கள் பெற்றிருக்கிறார்.
சிஎஸ்கே அணியின் சிறந்த பந்துவீச்சாளராக பார்மில் இருக்கும் லுங்கி இங்கிடியை சமாளித்து ஆட வேண்டும். இல்லை என்றால் தொடக்கத்தில் சிரமம் ஏற்படும். இந்த உயர்ந்த தென் ஆப்ரிக்க வீரர் சிஎஸ்கே கண்டெடுத்த முத்து. ஆறு போட்டிகளில் பத்து விக்கெட்டுகள் எடுத்திருக்கிறார். ஆரம்பத்திலிருந்தே ஒரு ரிதத்துடன் பந்து வீசினாரென்றால் கண்டிப்பாக எஸ்.ஆர்.எச். வீரர்கள் அதிகளவு சிரமத்தை எதிர் நோக்குவர்.


ரஷீத் கான் vs  எம்.எஸ். தோனி
களத்தில் இந்த இருவருக்குமான போட்டி என்பது கண்டிப்பாக பார்ப்பவர்களை வாய் பிளக்க வைக்கும். கடைசியாக இவ்விருவரும் சந்தித்துக்கொண்ட குவாலிபையர் முதல் சுற்றில் ஆப்கான் சுழற்பந்து வீச்சாளருக்கே வெற்றி கிடைத்தது. தோனி, லெக் ஸ்பின்னில் வீக் என்பது எல்லோரும் அறிந்ததே. ஆதனால் அவரை சமாளிக்க ரஷித்தையே ஆயுதமாக பயன்படுத்துவார்கள். எலிமினேட்டர் சுற்றில் கொல்கத்தா அணியுடன் வெற்றிபெற காரணமாக இருந்தவரும் இவரே. ஆகையால் அந்த ஒரு எனர்ஜியும் இருக்கக்கூடும். 
 

 

 

தீபக் சாஹர் vs ஷிகர் தவான் 
தீபக் சாஹர், சிஎஸ்கேவின் நியூபால் பவுலராக இருக்கிறார். இரண்டு ஸ்விங்குகளும் போடுவதால், தொடக்கத்தில் இவரது பந்துகளை அடிப்பது, கொஞ்சம் கடினமாகவே இருக்கும். கடந்த போட்டியில் கூட தவானை முதல் பந்திலேயே போல்டாக்கினார்.
தவான் அவரது அணிக்கான நல்ல அடித்தளத்தை அமைக்கவில்லையென்றால் கண்டிப்பாக அவர்களால் நல்ல ஸ்கோரை டார்கெட்டாக வைக்க முடியாது. தீபக் 11 ஆட்டங்களில் 10 விக்கெட்டுகள் எடுத்திருக்கிறார். தவான் 15 போட்டிகளில் 471 ரன்கள் அடித்திருக்கிறார்.
 

csk playing

 

அம்பத்தி ராயுடு vs ஷாகிப் அல் ஹசன்
ராயுடு, முன்னாள் சாம்பியன்களிடம் இருந்து சென்னை அணிக்கு தாரைவார்க்க பட்ட வீரர். யாரும் எதிர்பார்க்காத வகையில் தோனி அவரை தொடக்க வீரராக களம் இறக்கினார். அதற்கு கிடைத்த பதில்தான் அவரது ஸ்கோர் 586 ரன்கள். இதில் ஒரு சென்ச்சூரியும், இரண்டு ஆப் சென்ச்சூரியும் அடக்கம்.
ஷாகிப் அவருடைய வேலையான ஆல் ரவுண்டர் வேலையை சரியாக செய்துகொண்டிருக்கிறார். ரன்கள் வேகமாக போய்க்கொண்டிருக்கும்போது அதை கண்ட்ரோல் செய்வதும் இவரே, பேட்டிங்கில் யாரும் அடிக்கவில்லையென்றால் ரன்களை வேகமாக சேர்ப்பதும் இவரே ஆகமொத்தத்தில் இவர் நல்ல ஃபார்மில் ஆடுகிறார்.
 

புவனேஷ் குமார், சித்தார்த் கவுல் vs  ஷேன் வாட்சன், சுரேஷ் ரெய்னா 
வாட்சன் தோனி இவர்களுடன் ஆடும் போது, நன்றாகவே ஆடி வருகிறார், நல்ல தொடக்கத்தை ஏற்படுத்துகிறார் ரெய்னா. தொடக்கம் சரியாக இல்லை என்றால் அவர் உள்ளே வந்து நிலையாக நின்று நல்ல ஸ்கோர்கள் பெற்றுத்தர உதவியாக இருக்கிறார்.
 

 

 

புவனேஷ்வர் குமார் இந்த ஆண்டு 9 விக்கெட்டுகளையே எடுத்து இருக்கிறார் என்றாலும், அவருடைய கடைசி ஓவர்களும், அதிக ரன்கள் தராத பவுலிங்கும் ஆட்டத்திற்கு உதவுகிறது. கவுல், இந்த வருடம் அவருக்கானது என்றே சொல்லலாம். 16 போட்டிகளில் 21 விக்கெட்டுகள் இதுவரை எடுத்திருக்கிறார். கடைசியாக நடந்த சிஎஸ்கே மேட்சில் கூட சிஎஸ்கே ரன்கள் சேர்ப்பதை சிரமத்திற்குள்ளாகியதும் இவர்தான். 

இன்றைய ஆட்டம் நகங்களை கடித்துக்கொண்டு... ஏன், டிவிக்குள் தலையைவிட்டு பார்க்கும் அளவிற்குகூட சுவாரசியமாக இருக்குமென்பதில் எவ்வித சந்தேகமும் இல்லை.

 

 

Next Story

போராடித் தோற்ற மும்பை இந்தியன்ஸ்; முதல் வெற்றி பெற்ற சன் ரைசர்ஸ்!

Published on 27/03/2024 | Edited on 27/03/2024
sun risers won the match ipl live score update mi vs srh

ஐபிஎல் 2024 இன் 8ஆவது லீக் ஆட்டம் சன்ரைசர்ஸ் ஹைதராபாத் மற்றும் மும்பை அணிகளுக்கு இடையே ஹைதராபாத்தில் தொடங்கியது. இதில் டாஸ் வென்ற மும்பை கேப்டன் ஹர்திக் முதலில் பந்துவீச்சை தேர்வு செய்தார். அதன்படி முதலில் களமிறங்கிய சன்ரைசர்ஸ் அணிக்கு டிராவிஸ் ஹெட் அதிரடி துவக்கம் தந்தார். 18 பந்துகளில் அரை சதத்தை கடந்த ஹெட் மும்பை அணியின் பந்து வீச்சாளர்களை நாலாபக்கமும் சிதறடித்தார். அபிஷேக் ஷர்மா ஹெட்டை மிஞ்சும் அளவுக்கு அதிரடியில் கலக்கி 7 சிக்ஸர்கள் மூன்று பவுண்டரிகளுடன் 23 பந்துகளில் 63 ரன்கள் எடுத்து ஆட்டம் இழந்தார். கிளாசனும் தன் பங்கிற்கு 7 சிக்ஸர்கள் மற்றும் 4 பவுண்டரிகளுடன்  34 பந்துகளில் 80 ரன்கள் குவித்தார். மார்க்ரம் 28 பந்துகளில்  42 ரன்கள் எடுத்தார்.

இறுதியின் சன்ரைசர்ஸ் ஹைதராபாத் அணி 20 ஓவர்கள் முடிவில் 3 விக்கெட் இழப்புக்கு 277 ரன்கள் குவித்தது. இதன் மூலம் ஐபிஎல் வரலாற்றில் ஒரு இன்னிங்ஸில் அதிக ரன்கள் எடுத்த அணி என்ற புதிய வரலாற்று சாதனையை படைத்தது. இதற்கு முன்பு கெயில் 175 அடித்த  அந்த ஆட்டத்தில் அடிக்கப்பட்ட 263 ரன்களே சாதனையாக இருந்து வந்தது. தற்போது சன்ரைசர்ஸ் ஹைதராபாத் அணி அந்த சாதனையை தகர்த்து புதிய சாதனையை படைத்தது.

அதனைத் தொடர்ந்து 278 ரன்கள் எடுத்தால் வெற்றி என்ற இலக்குடன் மும்பை அணி அடுத்து களமிறங்கிய மும்பை அணிக்கு இஷான், ரோஹித் சிறப்பான துவக்கம் தந்தனர். இஷான் 13 பந்துகளில் 4 சிக்சர்கள் உட்பட 34 ரன்கள் எடுத்தார். ரோஹித் 12 பந்துகளில் 26 ரன்கள் எடுத்தார். பின்னர் வந்த திலக் வர்மா மற்றும் நமன் திர் இணையும் அதிரடியைத் தொடர்ந்தது. இருவரும் இணைந்து 86 ரன்கள் பார்ட்னர்ஷிப் அமைத்தனர்.  நமன் திர் 30 ரன்களில் ஆட்டமிழந்தார். திலக் வர்மா 33 பந்துகளில் 64 ரன்கள் எடுத்து ஆட்டமிழந்தார்.

பின்னர் கேப்டன் பாண்டியாவுடன் டிம் டேவிட் இணைந்தார். கேப்டன் பாண்டியா முதலிரண்டு பந்துகளில் அதிரடி காட்டி பின்னர் ரன் எடுக்க திணறினார். ஆனால் டிம் டேவிட் ஓரளவு அதிரடி காட்டி 42 ரன்கள் எடுத்தார். முதல் முறையாக களமிறங்கிய ஷெபெர்டு 15 ரன்கள் எடுத்தார். 20 ஓவர்கள் முடிவில் 5 விக்கெட் இழப்பிற்கு 246 ரன்களே மும்பை அணியால் எடுக்க முடிந்தது. இதன் மூலம் சன் ரைசர்ஸ் அணி 31 ரன்கள் வித்தியாசத்தில் வெற்றி பெற்றது. ஆட்ட நாயகனாக 23 பந்துகளில் 63 ரன்கள் எடுத்த அபிஷேக் ஷர்மா தேர்ந்தெடுக்கப்பட்டார்.

இந்த ஆட்டத்தில் மும்பை அடித்த 246 ரன்களும் சேர்த்து ஒரு டி20 இல் இரு அணிகளும் சேர்த்து அதிகபட்ச ஸ்கோர் என்ற சாதனை படைக்கப்பட்டுள்ளது.

Next Story

சேப்பாக்கத்தில் செழுமையான வெற்றி பெற்ற சென்னை சூப்பர் கிங்ஸ்!

Published on 26/03/2024 | Edited on 26/03/2024
ipl score CSK vs gt ipl latest live score update chennai wins

ஐபிஎல் 2024 7 ஆவது லீக் ஆட்டம் சென்னை சேப்பாக்கம் மைதானத்தில் இன்று தொடங்கியது. இதில் டாஸ் வென்ற குஜராத் அணி முதலில் பந்து வீச தீர்மானித்தது. அதன்படி முதலில் களமிறங்கிய சென்னை அணிக்கு துவக்க ஆட்டக்காரர்களாக கேப்டன் ருதுராஜ் மற்றும் ரச்சின் ஆகியோர் களமிறங்கினர். இருவரும் ஆரம்பம் முதலே அதிரடியாக ஆடத் துவங்கினர். கடந்த ஆட்டத்தைப் போலவே பவுண்டரி மற்றும் சிக்ஸர்களாக விளாசிய ரச்சின் 20 பந்துகளில் 46 ரன்கள் எடுத்து ஆட்டம் இழந்தார்.

அடுத்து வந்த ரஹானே 12 ரன்கள் எடுத்து ஆட்டம் இழந்து ஏமாற்றினார். பின்னர் அதிரடி ஆட்டக்காரர் சிவம் துபே களமிறங்கினார். சிறப்பாக ஆடிக் கொண்டிருந்த கேப்டன் ருதுராஜ் அரை சதம் அடிப்பார் என எதிர்பார்க்கப்பட்ட நிலையில் 46 ரன்களில் ஆட்டம் இழந்தார். அடுத்து வந்த டேரில் மிட்சல் ஓரளவு நிதானமாக ஆட, சிவம் துபே சேப்பாக்கம் மைதானத்தில் சிக்ஸர் மழையால் ரசிகர்களை நனைய வைத்தார். 5 சிக்ஸர்கள் மற்றும் 2 பவுண்டரிகளுடன் 23 பந்துகளில் 51 ரன்கள் எடுத்து ஆட்டம் இழந்தார்.

அதன் பின்னர் டேரில் மிட்சலும் 24 ரன்களுக்கு ஆட்டம் இழக்க, பின்னர் வந்த சமீர் ரிஸ்வி கடைசி கட்டத்தில் அதிரடியாக அடித்த இரண்டு சிக்ஸர்கள் உதவியுடன் 200 ரன்களை கடந்தது. இறுதியில் சென்னை அணி 20 ஓவர்கள் முடிவில் 6 இழப்பிற்கு 206 ரன்கள் குவித்தது. குஜராத் அணி தரப்பில் ரஷித் கான் 2 விக்கெட்டுகளும், சாய் கிஷோர், ஜான்சன், மொஹித் சர்மா ஆகியோ தலா ஒரு விக்கெட்டும் எடுத்தனர்.

207 ரன்கள் எடுத்தால் வெற்றி என்ற இலக்குடன் களமிறங்கிய குஜராத் அணி ஆரம்பம் முதலே தடுமாறத் துவங்கியது. அந்த அணியின் கேப்டன் கில் 8 ரன்களில் விரைவிலேயே நடையைக் கட்டினார். அடுத்து வந்த விஜய் சங்கர் 12 ரன்களில் ஆட்டமிழந்தார். அனுபவ வீரரான சஹாவும் 21 பெரிதாக நிலைக்கவில்லை. பின்னர் இறங்கிய சாய் சுதர்சன் கடந்த ஆட்டத்தைப் போலவே இம்முறையும் பொறுப்பாக ஆடத் தொடங்கினார். அவருடன் சேர்ந்த மில்லர் அதிரடியாக ஆடத் துவங்கினார்.

ஆனால், அவரின் அதிரடி வெகு நேரம் நிலைக்கவில்லை. தேஷ்பாண்டே பந்துவீச்சில் ரஹானேவின் அற்புதமான கேட்சால் ஆட்டமிழந்து வெளியேறினார். அடுத்து வந்த ஒமர்சாயுடன் இணைந்த சுதர்சன் நிதானமாகவே ஆடி வந்தார். ஆனாலும் தவறான ஷாட்டால் 37 ரன்களில் ஆட்டமிழந்தார். பின்னர் ஒமர்சாயும் 11 ரன்களில் ஆட்டமிழக்க குஜராத் அணி பரிதாப நிலைக்கு தள்ளப்பட்டது. பின்னர் வந்த ரஷித் 1, டெவாட்டியா 8, என வெளியேற, உமேஷ் 10, ஜான்சன் 5 என 20 ஓவர்களில் குஜராத் அணி 143 ரன்களை மட்டுமே எடுத்தது. இதன் மூலம் சென்னை அணி 63 ரன்கள் வித்தியாசத்தில் வெற்றி பெற்றது.