'கிரிக்கெட் போட்டிகளில் இனி ஸ்மார்ட் பந்து' பட்டையை கிளப்பும் ஐசிசி!

கிரிக்கெட்டில் அடிக்கடி நடக்கும் சில சர்ச்சையான விக்கெட் பிரச்சனைகளை தீர்க்கும் விதமாக ஐசிசி ஸ்மார்ட் பந்துகளை விரைவில் அறிமுகப்படுத்த இருக்கிறது. இந்த பந்து உள்ளே அதன் நடுப்பகுதியில் ஒரு சிப் பொருத்தப்பட்டு இருக்கும். அதன் மூலம் சில தீர்க்க முடியாத சர்ச்சைகளை தீர்க்க முடியும் என்று ஐசிசி தெரிவித்துள்ளது. இந்த பந்துகள் பிக் பாஷ் டி20 கிரிக்கெட் லீக் போட்டியில் பயன்படுத்தப்பட இருப்பதாக தகவல் வெளியாகி உள்ளது. ஆஸ்திரேலியாவின் கிரிக்கெட் பந்து தயாரிப்பு நிறுவனமான கூக்கபுரா நிறுவனம்தான் இந்த பந்துகளை வடிவமைக்க இருக்கிறது.